ಅಪಘಾತ: ಮೂವರ ಸಾವು, 6 ಮಂದಿಗೆ ಗಾಯ

7

ಅಪಘಾತ: ಮೂವರ ಸಾವು, 6 ಮಂದಿಗೆ ಗಾಯ

Published:
Updated:
Deccan Herald

ಕುಣಿಗಲ್: ತಾಲ್ಲೂಕಿನ ಹುಲಿಯೂರುದುರ್ಗ ಪೊಲೀಸ್ ಠಾಣೆ ವ್ಯಾಪ್ತಿಯ ಮಾದಪ್ಪನಹಳ್ಳಿ ಬಳಿ ಶನಿವಾರ ಕ್ಯಾಂಟರ್ ಮತ್ತು ತವೇರಾ ಕಾರಿನ ನಡುವೆ ಸಂಭವಿಸಿದ ಅಪಘಾತದಲ್ಲಿ ಮೂವರು ಮೃತಪಟ್ಟು ಆರು ಮಂದಿ ಗಾಯಗೊಂಡಿದ್ದಾರೆ.

ತಮಿಳುನಾಡಿನ ಕೊಯಮತ್ತೂರು ಸಮೀಪದ ಸೂಲೂರು ಇಂದಿರಾನಗರದ ನಿವಾಸಿಗಳಾದ ಚಿನ್ನರಾಜು (65), ಮೋಜ್ ಕುಮಾರ್ (35) ಮತ್ತು ಮಹೇಂದ್ರನ್ (50) ಮೃತರು.

ಸ್ನೇಹಿತ ಲೂಥರ್‌ಸಿಂಗ್ ನಿಶ್ಚಿತಾರ್ಥಕ್ಕೆ ತುಮಕೂರಿಗೆ ಬರುತ್ತಿದ್ದಾಗ ಅಪಘಾತ ಸಂಭವಿಸಿದೆ.

ಅಪಘಾತದ ನಡೆದ ಸ್ಥಳದಲ್ಲಿ ಚಿನ್ನರಾಜು ಮೃತಪಟ್ಟರೆ, ಮನೋಜ್ ಕುಮಾರ್ ಕುಣಿಗಲ್ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆಗೆ ಸ್ಪಂದಿಸದೆ ಮೃತ ಪಟ್ಟರು. ಮಹೇಂದ್ರನ್ ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಮೃತ ಪಟ್ಟಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.

ಆಲ್ವಿನ್, ಸುಗುಣ, ಲೂಥರ್ ಸಿಂಗ್, ಜೂಲಿಯಾ, ಜಯಪ್ರಕಾಶ್, ರೋಜಿ ಮತ್ತು ಸ್ಟಿಫನ್ ಗಾಯಗೊಂಡಿದ್ದಾರೆ.

ಅಪಘಾತ ಸಂಭವಿಸಿದ್ದನ್ನು ತಿಳಿದು ಸ್ಥಳಕ್ಕೆ ದೌಡಾಯಿಸಿದ ದೊಡ್ಡಮಾವತ್ತೂರು ಗ್ರಾಮಸ್ಥರು ಗಾಯಾಳುಗಳನ್ನು ಖಾಸಗಿ ತುರ್ತು ಚಿಕಿತ್ಸಾ ವಾಹನಗಳಲ್ಲಿ ಕುಣಿಗಲ್ ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಗೆ ಸಾಗಿಸಿದರು.

ಗಾಯಗೊಂಡವರೆಲ್ಲ ತಮಿಳು ಭಾಷಿಗರಾದ ಕಾರಣ ವಿಳಾಸ ಮತ್ತು ವಿವರಗಳನ್ನು ಪಡೆಯಲು ಪೊಲೀಸರು ಮತ್ತು ಆಸ್ಪತ್ರೆ ಸಿಬ್ಬಂದಿ ಪರದಾಡಿದರು.

ಹುಲಿಯೂರುದುರ್ಗ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !