ತುಮಕೂರು | ನೋಂದಣಿಗೆ ನಿರಾಸಕ್ತಿ: ಖಾತ್ರಿಯಾಗದ ಆಹಾರ ಗುಣಮಟ್ಟ

ಜಿಲ್ಲೆಯಲ್ಲಿ 5348 ಹೋಟೆಲ್‌ ರೆಸ್ಟೋರೆಂಟ್‌ ಬೇಕರಿ ಸೇರಿದಂತೆ ಆಹಾರ ಪೂರೈಸುವ ಸಂಸ್ಥೆಗಳು ಆಹಾರ ಗುಣಮಟ್ಟ ಪ್ರಾಧಿಕಾರದಿಂದ ಪರವಾನಗಿ ಪಡೆದಿವೆ. ಜಿಲ್ಲೆಯಲ್ಲಿ ಬೀದಿಗೆ ಒಂದರಂತೆ ಹೋಟೆಲ್‌ಗಳು ಶುರುವಾಗುತ್ತಿವೆ. ಅದರಲ್ಲಿ ಕೆಲವೇ ಕೆಲವು ನೋಂದಣಿಯಾಗಿ ಪರವಾನಗಿ ಪಡೆದುಕೊಂಡಿವೆ. ನೋಂದಣಿಯಾಗಲು ₹100 ಪರವಾನಗಿ ಪಡೆಯಲು ₹2 ಸಾವಿರ ಶುಲ್ಕ ನೀಡಬೇಕು. ಆಸಕ್ತರು ಜಿಲ್ಲಾ ಆಸ್ಪತ್ರೆಯ ಆವರಣದಲ್ಲಿರುವ ಆಹಾರ ಗುಣಮಟ್ಟ ಪ್ರಾಧಿಕಾರದ ಕಚೇರಿ ಸಂಪರ್ಕಿಸಿ ಅಗತ್ಯ ಮಾಹಿತಿ ಪಡೆಯಬಹುದು.

ಜಿಲ್ಲಾಧಿಕಾರಿ ಸೂಚನೆ ನಂತರ ಸಮಾಜ ಕಲ್ಯಾಣ ಇಲಾಖೆ ಹಿಂದುಳಿದ ವರ್ಗಗಳ ಅಭಿವೃದ್ಧಿ ಇಲಾಖೆ ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಕ್ಷರ ದಾಸೋಹ ಸೇರಿದಂತೆ ಸಂಬಂಧಪಟ್ಟ ಎಲ್ಲ ಇಲಾಖೆಯ ಅಧಿಕಾರಿಗಳಿಗೆ ಪ್ರಾಧಿಕಾರದಲ್ಲಿ ನೋಂದಣಿ ಮಾಡಿಕೊಳ್ಳುವಂತೆ ಲಿಖಿತ ರೂಪದಲ್ಲಿ ತಿಳಿಸಲಾಗಿದೆ ಎಂದು ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರದ ಜಿಲ್ಲಾ ಅಂಕಿತ ಅಧಿಕಾರಿ ಪಿ.ಹರೀಶ್‌ ಹೇಳುತ್ತಾರೆ.