ಅಕ್ಕಿ ಗಿರಣಿಗಳು ಉತ್ಪಾದನೆ ಆರಂಭಿಸಬಹುದು: ಜಿಲ್ಲಾಧಿಕಾರಿ

ಅಕ್ಕಿ ಮತ್ತು ಅದರ ಉತ್ಪಾದನೆಗಳ ಸಾಗಾಣಿಕೆಗೆ ಯಾವುದೇ ಅಡೆ-ತಡೆ ಇರುವುದಿಲ್ಲ. ಅಕ್ಕಿ ಗಿರಣಿಗಳಿಗೆ ಬೇಕಾದ ಭತ್ತ ಸಾಗಾಣೆ ಮಾಡಿಕೊಳ್ಳಲು, ರೈತರು ಗಿರಣಿಗಳಿಗೆ ಭತ್ತವನ್ನು ತಂದು ಮಾರಾಟ ಮಾಡಲು, ಅಕ್ಕಿ ಗಿರಣಿಗಳಲ್ಲಿ ಉತ್ಪಾದನೆಯಾಗುವ ಅಕ್ಕಿ ಮತ್ತಿತರೆ ವಸ್ತುಗಳನ್ನು ಸಾಗಾಣಿಕೆ ಮಾಡಲು ಯಾವುದೇ ನಿರ್ಬಂಧ ಇರುವುದಿಲ್ಲ ಎಂದು ಅವರು ತಿಳಿಸಿದ್ದಾರೆ.

ರೈಸ್‌ ಮಿಲ್‍ನ ಮಾಲೀಕರು ತಮ್ಮ ರೈಸ್ ಮಿಲ್‍ಗಳಲ್ಲಿ ಕೆಲಸ ಮಾಡುವ ಕಾರ್ಮಿಕರಿಗೆ ಕಡ್ಡಾಯವಾಗಿ ಮಾಸ್ಕ್ ಹಾಗೂ ಸ್ಯಾನಿಟೈಸರ್‌ಗಳನ್ನು ಒದಗಿಸಬೇಕು ಹಾಗೂ ಕೊರೊನಾ ವೈರಸ್ ಹರಡದಂತೆ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಸೂಚಿಸಿದ್ದಾರೆ.