ಮಳೆ ಕೊರತೆಯ ನಡುವೆ ಹುಣಸೆ ಹೂವಿನ ಶೃಂಗಾರ

ತೋವಿನಕೆರೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕಬ್ಬಿನಗೆರೆಯ ಲೋಕೇಶ್ ಅವರ ಹುಣಸೆ ಮರದಲ್ಲಿ ದಟ್ಟವಾಗಿ ಬಿಟ್ಟಿರುವ ಹೂವು ಗಮನ ಸೆಳೆದಿದೆ.

ಕೊರಟಗೆರೆ ತಾಲ್ಲೂಕಿನಲ್ಲಿ ವಾರ್ಷಿಕ ವಾಡಿಕೆ ಮಳೆ 637 ಮಿ.ಮೀ. ಆದರೆ, 2018ರಲ್ಲಿ ಜನವರಿಯಿಂದ ಡಿಸೆಂಬರ್‌ವರೆಗೂ ಅಗಿರುವ ಮಳೆ 381 ಮೀ.ಮಿ. ಆದರೆ, ಈ ವರ್ಷ ಹೂವು ಹುಣಸೆ ಮರದ ತುಂಬಾ ಸಮೃದ್ಧವಾದ ಹೂವಿನ ಅಲಂಕಾರವನ್ನು ನೋಡಬಹುದು.

‘ಮರದಲ್ಲಿ ಬಿಟ್ಟಿರುವ ಹೂವಿನಲ್ಲಿ ಶೇ 10ರಷ್ಟು ಕಾಯಿ ಆದರೆ ಸಾಕು ಮರದ ಕೊಂಬೆಗಳು ಮುರಿಯುತ್ತವೆ. ಗಾಳಿ, ಮಳೆ, ಬಿಸಿಲಿನ ಶಾಖಕ್ಕೆ ಮಿಕ್ಕ ಹೂವುಗಳು ನೆಲಕ್ಕೆ ಬಿದ್ದು ಹಾಳಗುತ್ತವೆ’ ಎನ್ನುತ್ತಾರೆ ಬೆಳೆಗಾರರು.