ಸ್ತ್ರೀಶಕ್ತಿ: ಉಡುಪಿ–ಚಿಕ್ಕಮಗಳೂರು ನಂಬರ್ 1

ಪುರುಷರಿಗೆ ಹೋಲಿಸಿದರೆ ಕ್ಷೇತ್ರದಲ್ಲಿ ಮಹಿಳೆಯರ ಸಂಖ್ಯೆ 47,804 ಹೆಚ್ಚಾಗಿದೆ. ಶೇ 51.51 ಮಹಿಳಾ ಮತದಾರರು ಇದ್ದರೆ, ಶೇ 49.49 ಪುರುಷ ಮತದಾರರು ಇದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆ ಹೆಚ್ಚು ಮಹಿಳಾ ಮತದಾರರನ್ನು ಹೊಂದಿರುವ ಲೋಕಸಭಾ ಕ್ಷೇತ್ರಗಳ ಪೈಕಿ ಎರಡನೇ ಸ್ಥಾನ ಪಡೆದುಕೊಂಡಿದೆ. ಇಲ್ಲಿ 8,76,957(ಶೇ 48.83) ಪುರುಷರಿದ್ದರೆ, 9,19,279 (ಶೇ 51.17) ಮಹಿಳಾ ಮತದಾರರು ಇದ್ದಾರೆ.

ಮೈಸೂರು ಜಿಲ್ಲೆ ಮೂರನೇ ಸ್ಥಾನದಲ್ಲಿದ್ದು, 10,17,120 (ಶೇ 49.09) ಪುರುಷ ಮತದಾರರು, 10,55,035 (ಶೇ 50.91) ಮಹಿಳಾ ಮತದಾರರು ಇದ್ದಾರೆ. ಮಂಡ್ಯ ಜಿಲ್ಲೆಯಲ್ಲಿ 8,71,490 ಪುರುಷರು (ಶೇ 49.29) ಹಾಗೂ 8,97,031 (ಶೇ 50.71) ಮಹಿಳೆಯರು ಇದ್ದು ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ. ಐದನೇ ಸ್ಥಾನದಲ್ಲಿ ಕೊಪ್ಪಳ ಜಿಲ್ಲೆಯಿದ್ದು 9,12,818 (ಶೇ 49.31) ಪುರುಷರು ಹಾಗೂ 9,38,750 (ಶೇ 50.69) ಮಹಿಳಾ ಮತದಾರರು ಇದ್ದಾರೆ.

ಇನ್ನೂ ರಾಜ್ಯದಲ್ಲಿ ಅತಿ ಕಡಿಮೆ ಮಹಿಳಾ ಮತದಾರರು ಇರುವ ಕ್ಷೇತ್ರಗಳನ್ನು ನೋಡುವುದಾದರೆ ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರ ಮೊದಲ ಸ್ಥಾನದಲ್ಲಿ ನಿಲ್ಲುತ್ತದೆ. ಇಲ್ಲಿ 11,95,285 (ಶೇ 51.57) ಪುರುಷ ಮತದಾರರು ಇದ್ದರೆ, 11,21,788 (ಶೇ 48.67) ಮಹಿಳಾ ಮತದಾರರು ಇದ್ದಾರೆ. ಎರಡನೇ ಸ್ಥಾನದಲ್ಲಿ ಬೆಂಗಳೂರು ಕೇಂದ್ರ ಲೋಕಸಭಾ ಕ್ಷೇತ್ರ ಇದ್ದು ಇಲ್ಲಿ 12,36,897 (51.56) ಪುರುಷರು, 11,61,548 (ಶೇ 48.44) ಮಹಿಳೆಯರು ಇದ್ದಾರೆ.

ಬೀದರ್‌ ಲೋಕಸಭಾ ಕ್ಷೇತ್ರ ಮೂರನೇ ಸ್ಥಾನದಲ್ಲಿದ್ದು ಇಲ್ಲಿ 9,62,809 (ಶೇ 51.33) ಪುರುಷ ಮತದಾರರು, 9,12,542 (ಶೇ 48.67) ಮಹಿಳಾ ಮತದಾರರು ಇದ್ದಾರೆ. ನಾಲ್ಕನೇ ಸ್ಥಾನದಲ್ಲಿ ಬೆಂಗಳೂರು ಉತ್ತರ ಲೋಕಸಭಾ ಕ್ಷೇತ್ರವಿದ್ದು ಇಲ್ಲಿ 16,29,089 (ಶೇ 51.32) ಹಾಗೂ 15,44,415 (ಶೇ 48.68) ಮಹಿಳಾ ಮತದಾರರು ಇದ್ದಾರೆ. ಐದನೇ ಸ್ಥಾನದಲ್ಲಿ ವಿಜಯಪುರ ಲೋಕಸಭಾ ಕ್ಷೇತ್ರವಿದ್ದು 9,81,251 (ಶೇ 50.80) ಪುರುಷ ಮತದಾರರು ಹಾಗೂ 9,49,885 ಮಹಿಳಾ ಮತದಾರರು ಇದ್ದಾರೆ.

ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ 8 ವಿಧಾನಸಭಾ ಕ್ಷೇತ್ರಗಳಿದ್ದು ಉಡುಪಿ ಹಾಗೂ ಚಿಕ್ಕಮಗಳೂರು ಜಿಲ್ಲೆಯ ತಲಾ ನಾಲ್ಕು ವಿಧಾನಸಭಾ ಕ್ಷೇತ್ರಗಳಿವೆ. ಎಂಟೂ ವಿಧಾನಸಭಾ ಕ್ಷೇತ್ರಗಳಲ್ಲೂ ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಾಗಿರುವುದು ವಿಶೇಷ.

ಕುಂದಾಪುರ ತಾಲ್ಲೂಕಿನಲ್ಲಿ 1,01,066 ಪುರುಷರು, 1,09,051 ಮಹಿಳೆಯರು, ಉಡುಪಿ ಕ್ಷೇತ್ರದಲ್ಲಿ 1,05,654 ಪುರುಷರು, 1,13,372 ಮಹಿಳೆಯರು, ಕಾಪು ತಾಲ್ಲೂಕಿನಲ್ಲಿ 91,492 ಪುರುಷರು, 99,382 ಮಹಿಳೆಯರು, ‌ಕಾರ್ಕಳದಲ್ಲಿ 92,226 ಪುರುಷರು, 99,905 ಮಹಿಳೆಯರು, ಶೃಂಗೇರಿಯಲ್ಲಿ 81,874 ಪುರುಷರು, 86,209 ಮಹಿಳೆಯರು, ಮೂಡಿಗೆರೆಯಲ್ಲಿ 82,835 ಪುರುಷರು, 87,784 ಮಹಿಳೆಯರು, ಚಿಕ್ಕಮಗಳೂರು ಕ್ಷೇತ್ರದಲ್ಲಿ 1,12,797 ಪುರುಷರು, 1,17,205 ಮಹಿಳೆಯರು, ತರೀಕೆರೆ ಕ್ಷೇತ್ರದಲ್ಲಿ 94,614 ಪುರುಷರು ಹಾಗೂ 97,454 ಮಹಿಳೆಯರು ಇದ್ದಾರೆ.

2019ರ ಲೋಕಸಭಾ ಚುನಾವಣೆಯ ಮತದಾರರ ಅಂಕಿ ಅಂಶಗಳನ್ನು ನೋಡುವುದಾರೆ ಕುಂದಾಪುರ 96,164 ಪುರುಷರು, 1,03,937 ಮಹಿಳೆಯರು, ಉಡುಪಿ 99,598 ಪುರುಷರು, 105,966 ಮಹಿಳೆಯರು, ಕಾಪು 86,308 ಪುರುಷರು, 94,858 ಮಹಿಳೆಯರು, ಕಾರ್ಕಳ 86,921 ಪುರುಷರು, 94,464 ಮಹಿಳೆಯರು, ಶೃಂಗೇರಿ 81,206 ಪುರುಷರು, 83,190 ಮಹಿಳೆಯರು, ಮೂಡಿಗೆರೆ 82,405 ಪುರುಷರು, 84,736 ಮಹಿಳೆಯರು, ಚಿಕ್ಕಮಗಳೂರು 1,06,238 ಪುರುಷರು 1,06,732 ಮಹಿಳೆಯರು, ತರಿಕೆರೆಯಲ್ಲಿ 91,449 ಪುರುಷರು 90,222 ಮಹಿಳಾ ಮತದಾರರು ಇದ್ದರು. 2019ರ ಚುನಾವಣೆಯಲ್ಲಿ ತರಿಕೆರೆಯಲ್ಲಿ ಮಾತ್ರ ಪುರುಷರು, ಉಳಿದ 7 ಕ್ಷೇತ್ರಗಳಲ್ಲಿ ಮಹಿಳಾ ಮತದಾರರು ಹೆಚ್ಚಾಗಿರುವುದನ್ನು ಕಾಣಬಹುದು.