12 ಕುರಿ ಸಾವು: ವಿಷಾಹಾರ ಸೇವನೆಯ ಶಂಕೆ

ಇಸಳೂರಿನ ಓಂಕಾರಪ್ಪ ಅವರಿಗೆ ಸೇರಿದ ಒಂಬತ್ತು ಹೆಣ್ಣು ಹಾಗೂ ಎರಡು ಗಂಡು ಕುರಿಗಳು ಮೇಯಲು ಹೋದ ಸಂದರ್ಭದಲ್ಲಿ ಸತ್ತಿವೆ. ಇದರಿಂದ ಅವರಿಗೆ ₹ 1.5 ಲಕ್ಷ ನಷ್ಟವಾಗಿದೆ.

‘ಮನೆಯಲ್ಲಿ ಒಟ್ಟು 45 ಕುರಿಗಳಿವೆ. ಕುರಿ ಸಾಕಣೆಯಿಂದ ಜೀವನ ನಡೆಸುತ್ತಿರುವ ನಮಗೆ ಈ ನಷ್ಟ ಭರಿಸುವುದು ಕಷ್ಟ. ಮರಿ ಹಾಕುವ ಹಂತದಲ್ಲಿದ್ದ ಕುರಿಗಳು ಸಹ ಮೃತಪಟ್ಟಿವೆ. ಇವುಗಳ ಸಾವಿನ ಬಗ್ಗೆ ಶಂಕೆಯಿದೆ. ನಮಗೆ ಸರ್ಕಾರ ಪರಿಹಾರ ನೀಡಬೇಕು’ ಎಂದು ಓಂಕಾರಪ್ಪ ವಿನಂತಿಸಿದರು.

ಪಶು ವೈದ್ಯ ಡಾ.ಗಣೇಶ ಹೆಗಡೆ ಅವರು ಸ್ಥಳಕ್ಕೆ ಭೇಟಿ ನೀಡಿ ಮಾದರಿ ಸಂಗ್ರಹಿಸಿದ್ದಾರೆ.

‘ಮಾದರಿಯನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗುತ್ತದೆ. ಯಾವ ಕಾರಣಕ್ಕೆ ಕುರಿಗಳು ಮೃತಪಟ್ಟಿವೆ ಎಂಬ ಸಂಗತಿ ವರದಿ ಬಂದ ಮೇಲಷ್ಟೇ ಗೊತ್ತಾಗಲಿದೆ. ಉಳಿದ ಕುರಿಗಳಿಗೆ ತೊಂದರೆಯಾಗದಂತೆ ಮುನ್ನೆಚ್ಚರಿಕೆವಹಿಸಿ, ಚಿಕಿತ್ಸೆ ನೀಡಲಾಗಿದೆ’ ಎಂದು ಹೇಳಿದರು.