ದೇವಿಕೆರೆ ಸ್ವಚ್ಛಗೊಳಿಸಿದ ‘ಡಾಲ್ಫಿನ್’ ತಂಡ

ಕೋಟೆಕೆರೆಯಲ್ಲಿ ಪ್ರತಿವಾರ ಈ ತಂಡ ಸ್ವಚ್ಛತಾ ಕಾರ್ಯ ನಡೆಸುತ್ತಿದೆ. ಈ ವಾರ ದೇವಿಕೆರೆ ಹಾಗೂ ಸುತ್ತಮುತ್ತ ಬೆಳೆದಿದ್ದ ನಿರುಪಯುಕ್ತ ಗಿಡಗಳು, ಕಸಕಡ್ಡಿಗಳನ್ನು ಸ್ವಚ್ಛಗೊಳಿಸಿದರು. ಸುಮಾರು ಎರಡು ತಾಸುಗಳ ಕಾಲ ಶ್ರಮದಾನ ನಡೆಸಿದರು.

‘ನಗರದ ಮಧ್ಯದಲ್ಲಿ ಇರುವ ದೇವಿಕೆರೆ ಮಲೀನವಾಗಿರುವುದನ್ನು ಕಂಡು ಬೇಸರವಾಯಿತು. ಕೋಟೆಕೆರೆಯಂತೆ ಈ ಕೆರೆಯನ್ನೂ ಸ್ವಚ್ಛಗೊಳಿಸುವ ಕುರಿತು ಸ್ನೇಹಿತರು ಚರ್ಚಿಸಿದೆವು. ಭಾನುವಾರ ಬಿಡುವು ಮಾಡಿಕೊಂಡು ಸ್ವಚ್ಛತೆ ನಡೆಸಲಾಯಿತು. ಸ್ವಲ್ಪ ದಿನ ಬಿಟ್ಟು ಮತ್ತೆ ಶ್ರಮದಾನ ನಡೆಸಿ, ದೇವಿಕೆರೆ ಸುತ್ತ ಸ್ವಚ್ಛತೆ ಕಾಯ್ದುಕೊಳ್ಳಲು ಪ್ರಯತ್ನಿಸುತ್ತೇವೆ’ ಎಂದು ಡಾಲ್ಫಿನ್ ಗ್ರುಪ್‍ನ ಸದಸ್ಯರಲ್ಲೊಬ್ಬರಾದ ವಿಠ್ಠಲ ಪಂಡಿತ ತಿಳಿಸಿದರು.

ಶ್ರಮದಾನದಲ್ಲಿ ಗಣೇಶ ಜೈವಂತ, ದಯಾನಂದ ಅಗಾಸಿ, ಶರತ್ ಪಂಡಿತ, ರೇಮಂಡ್, ಶ್ರೀನಿವಾಸ, ಮಾಲ್ತೇಶ್, ಶಂಕರ ನಾಯ್ಕ ಇದ್ದರು.