19 ಅಡಿ ಎತ್ತರದ ಪುಷ್ಪ ಮಂಟಪ, ಪುಷ್ಪ ರಂಗೋಲಿ, ಹೂಗಳಿಂದ ಮೂಡಲಿರುವ ಚಿಟ್ಟೆ, ಬಿಂಬಿ, ಕುಂಬಳಕಾಯಿ ಹುಳ, ಫಿರಂಗಿ, ಆನೆಗಳು, ಬುಟ್ಟಿಯಲ್ಲಿರುವ ನಾಯಿಮರಿ, ಹೂಗಳ ಜೋಡಣೆ ಈ ಬಾರಿಯ ವಿಶೇಷ ಆಕರ್ಷಣೆಯಾಗಿದೆ. ತೆಂಗಿನಕಾಯಿ ಕೆತ್ತನೆ, ಬೊನ್ಸಾಯಿ ಕೃಷಿ ಪ್ರದರ್ಶನ, ತರಕಾರಿ ಬೆಳೆಗಳ ಪ್ರಾತ್ಯಕ್ಷಿಕೆ ಗಮನ ಸೆಳೆಯಲಿವೆ. ಈ ಬಾರಿ ಅನೇಕ ಹೂಗಳನ್ನು ಸ್ಥಳೀಯವಾಗಿ ಬೆಳೆಸಲಾಗಿದೆ. ರೈತರು ವಿವಿಧ ಜಾತಿಯ ಸೇವಂತಿಗೆ ಬೆಳೆದಿದ್ದಾರೆ. ಪ್ರದರ್ಶನಕ್ಕೆ ಬೇಕಾಗುವ ಇನ್ನುಳಿದ ಹೂಗಳನ್ನು ಬೆಂಗಳೂರು ಭಾಗದಿಂದ ನೇರವಾಗಿ ರೈತರಿಂದ ಖರೀದಿಸಿ ತರಲಾಗುತ್ತದೆ ಎಂದು ತಿಳಿಸಿದರು.