ಕೋವಿಡ್‌ನಿಂದ ಆರು ಮಂದಿ ಗುಣಮುಖ

ಸೋಂಕು ಮುಕ್ತರಾದವರಲ್ಲಿ ಹಳಿಯಾಳದ ಇಬ್ಬರು, ದಾಂಡೇಲಿಯ ಇಬ್ಬರು, ಕಾರವಾರ ಮತ್ತು ಕುಮಟಾದ ತಲಾ ಒಬ್ಬರು ಸೇರಿದ್ದಾರೆ. ದಾಂಡೇಲಿಯ 24 ಹಾಗೂ 34 ವರ್ಷದ ಇಬ್ಬರು ಯುವಕರು, ಕಾರವಾರದ 24 ವರ್ಷದ ಮಹಿಳೆ, ಹಳಿಯಾಳದ 14 ವರ್ಷದ ಬಾಲಕಹಾಗೂ25 ವರ್ಷದ ಮಹಿಳೆ, ಕುಮಟಾದ 54 ವರ್ಷದ ವ್ಯಕ್ತಿ ಆಸ್ಪತ್ರೆಯಿಂದ ಬಿಡುಗಡೆಯಾದರು.

ಈ ನಡುವೆ,ಜಿಲ್ಲೆಯಲ್ಲಿಮತ್ತೆನಾಲ್ವರಿಗೆ ಕೋವಿಡ್ 19 ದೃಢಪಟ್ಟಿದೆ. ಮಹಾರಾಷ್ಟ್ರದಿಂದ ಕುಮಟಾಕ್ಕೆ ವಾಪಸಾಗಿರುವ 26 ವರ್ಷದ ಮಹಿಳೆ, ಮುಂಬೈನಿಂದ ಭಟ್ಕಳಕ್ಕೆ ಬಂದಿರುವ 24ರ ಯುವಕ, 45 ವರ್ಷದ ಪುರುಷ ಹಾಗೂ ದುಬೈನಿಂದ ಭಟ್ಕಳಕ್ಕೆ ವಾಪಸಾಗಿರುವ 36 ವರ್ಷದ ಮಹಿಳೆಗೆ ಸೋಂಕು ಖಚಿತವಾಗಿದೆ.ಈ ಮೂಲಕ ಜಿಲ್ಲೆಯಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 31ಕ್ಕೇರಿದೆ.