ಹೊನ್ನಾವರ: ಗಣಪತಿ ವಿಗ್ರಹದ ಬಟ್ಟೆ ನೈಜವೇ?: ಕಲಾ ನೈಪುಣ್ಯಕ್ಕೆ ವ್ಯಾಪಕ ಪ್ರಶಂಸೆ

ಹೊನ್ನಾವರ : ತಾಲ್ಲೂಕಿನ ಕಲಾವಿದ ಜಿ.ಡಿ.ಭಟ್ಟ ಕೆಕ್ಕಾರ ಅವರು ಗಣೇಶ ಚತುರ್ಥಿಗೆಂದು ಪ್ರತಿ ವರ್ಷ ತಯಾರಿಸುವ ಗಣಪತಿ ಮೂರ್ತಿಯಲ್ಲಿ ಏನಾದರೊಂದು ವಿಶೇಷತೆ ಇದ್ದೇ ಇರುತ್ತದೆ. ಅವರು ತಯಾರಿಸಿದ ವಿಗ್ರಹಗಳನ್ನು ನೋಡಲು ಕಲಾಪ್ರೇಮಿಗಳು ತುದಿಗಾಲಲ್ಲಿ ನಿಂತಿರುತ್ತಾರೆ.

. ಈ ಮೂರ್ತಿಗಳ ಫೋಟೊ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಡಲೂ ತಾ ಮುಂದು ನಾ ಮುಂದು ಎಂದು ಪೈಪೋಟಿಯೂ ಆಗುತ್ತದೆ.

. ಈ ವರ್ಷವೂ ಅವರು ತಯಾರಿಸಿರುವ, ತಮ್ಮ ಮನೆಯಲ್ಲಿ ಪ್ರತಿಷ್ಠಾಪಿಸಿರುವ ಗಣಪನ ವಿಗ್ರಹದ ಕುರಿತು ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಗಣಪತಿಯ ದೋತಿ ಮತ್ತು ಶಲ್ಯವು ಅತ್ಯಂತ ಸಹಜವಾಗಿ ಆಕರ್ಷಕವಾಗಿ ಕಾಣುತ್ತಿದೆ. ಅವುಗಳನ್ನು ಮಣ್ಣಿನಿಂದಲೇ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಈ ಬಗ್ಗೆ ಸ್ವತಃ ಜಿ.ಡಿ.ಭಟ್ಟ ಅವರೇ ಸ್ವಲ್ಪ ಸ್ಪಷ್ಟನೆ ನೀಡಿದ್ದಾರೆ.

. ‘ಈ ವರ್ಷ ವಿವಿಧ ಗಾತ್ರಗಳ 120 ಗಣಪತಿ ವಿಗ್ರಹಗಳನ್ನು ತಯಾರಿಸಿದ್ದೇವೆ. ಚೌತಿಯ ಸಂದರ್ಭದಲ್ಲಿ ಸಹಜವಾಗಿಯೇ ಧಾವಂತವಿರುತ್ತದೆ. ನನ್ನ ಮನೆಯಲ್ಲಿ ಪ್ರತಿಷ್ಠಾಪಿಸುವ ವಿಗ್ರಹ ಪೂರ್ತಿಗೊಳ್ಳಲು ಕೆಲವೊಂದು ಕೆಲಸಗಳು ಬಾಕಿ ಇದ್ದವು. ಈ ನಡುವೆ ಸ್ವಲ್ಪ ಅನಾರೋಗ್ಯ ಕೂಡ ಕಾಡಿತು. ಹಾಗಾಗಿ ಸಮಯದ ಅಭಾವದಿಂದ ಶಲ್ಯ ಮತ್ತು ದೋತಿಯನ್ನು ಮಣ್ಣಿನಿಂದ ಮಾಡುವ ಬದಲು, ಅಂಥ ಬಟ್ಟೆಯನ್ನೇ ತಂದು ಜೋಡಿಸಲಾಯಿತು’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.

. ಕಳೆದ ವರ್ಷ ಅವರು ಯಕ್ಷಗಾನ ವೇಷಧಾರಿಯಂತಿರುವ ಗಣಪತಿ ವಿಗ್ರಹ ತಯಾರಿಸಿದ್ದರು. ವಿಗ್ರಹದ ಮೇಲಿನ ವೇಷ– ಭೂಷಣಗಳನ್ನೂ ಮಣ್ಣಿನಲ್ಲೇ ಅತ್ಯಂತ ಸಹಜವಾಗಿ ರೂಪಿಸಿದ್ದರು. ಇದು ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸುದ್ದಿ ಮಾಡಿತ್ತು.

. ಅವರು ಈ ಬಾರಿಯೂ ತಯಾರಿಸಿರುವ ಗಣಪತಿ ವಿಗ್ರಹಗಳು ಅತ್ಯಂತ ಆಕರ್ಷಕವಾಗಿವೆ. ವಿವಿಧ ಕಡೆಗಳಲ್ಲಿ ಪ್ರತಿಷ್ಠಾಪಿಸಲು ನೀಡಿರುವ ಮೂರ್ತಿಗಳಲ್ಲೂ ದೋತಿಯನ್ನು ನೈಜ ಎಂಬಂತೆ ಮಣ್ಣಿನಲ್ಲೇ ಮೂಡಿಸಿದ್ದಾರೆ. ಅವು ಆರಾಧಕರನ್ನು ಆಕರ್ಷಿಸುತ್ತಿದ್ದು, ಜಿ.ಡಿ.ಭಟ್ಟರ ಕಲಾ ನೈಪುಣ್ಯಕ್ಕೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

. ಬಹುಮುಖ ಪ್ರತಿಭೆ: ಜಿ.ಡಿ.ಭಟ್ಟ ಕೆಕ್ಕಾರ ಅವರು ಬಹುಮುಖ ಪ್ರತಿಭೆಯ ಕಲಾವಿದರು. ನಾಟಕ ಕಲಾವಿದರಾಗಿ, ನಿರ್ದೇಶಕರಾಗಿಯೂ ಪ್ರಸಿದ್ಧರಾಗಿದ್ದಾರೆ. ಅವರು ಮಣ್ಣಿನಿಂದ ತಯಾರಿಸುವ ವಿವಿಧ ಕಲಾಕೃತಿಗಳಿಗೆ ಬಲು ಬೇಡಿಕೆ ಇದೆ. ರೈತರ ಬೆಳೆಗೆ ಕಾಟ ಕೊಡುವ ಕೋತಿಯನ್ನೂ ಅವರು ಚಾಣಾಕ್ಷತನದಿಂದ ಪಂಜರದಲ್ಲಿ ಹಿಡಿದಿಡಬಲ್ಲರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊನ್ನಾವರ: ಗಣಪತಿ ವಿಗ್ರಹದ ಬಟ್ಟೆ ನೈಜವೇ?: ಕಲಾ ನೈಪುಣ್ಯಕ್ಕೆ ವ್ಯಾಪಕ ಪ್ರಶಂಸೆ

ಚಿನಕುರುಳಿ: ಭಾನುವಾರ, 21 ಸೆಪ್ಟೆಂಬರ್ 2025

ದಿನ ಭವಿಷ್ಯ: ಸಿನಿಮಾ ರಂಗದಲ್ಲಿ ಕೆಲಸ ನಿರ್ವಹಿಸುವವರಿಗೆ ಯಶಸ್ಸು

ಚುರುಮುರಿ: ರೊಮ್ಯಾಂಟಿಕ್ ಪೇಯ್ನ್!

ಚಿನಕುರುಳಿ: ಶನಿವಾರ, 20 ಸೆಪ್ಟೆಂಬರ್ 2025

ಹಸ್ತಲಾಘವಕ್ಕೆ ಒತ್ತಾಯಿಸಲು ರೆಫ್ರಿ ಪೈಕ್ರಾಫ್ಟ್ ಶಾಲಾ ಶಿಕ್ಷಕನಲ್ಲ: ಅಶ್ವಿನ್‌

ಬಿಸಿಸಿಐ ಅಧ್ಯಕ್ಷ ಸ್ಥಾನ: ನಾಮಪತ್ರ ಸಲ್ಲಿಸಿದ ಮಾಜಿ ಕ್ರಿಕೆಟಿಗ ಮಿಥುನ್ ಮನ್ಹಾಸ್

ಏಷ್ಯಾ ಕಪ್ | ಭಾರತ vs ಪಾಕಿಸ್ತಾನ: ಸೂರ್ಯ ಬಳಗಕ್ಕೆ ಮತ್ತೊಂದು ‘ಮೇಲುಗೈ’ ಕನಸು

IND vs AUS Odi: ಪಂದ್ಯ ಗೆದ್ದ ಮೂನಿ; ಮನ ಗೆದ್ದ ಮಂದಾನ

ಒಳನೋಟ | ಶುಲ್ಕ ಹೆಚ್ಚಳ: ಹಗಲು ದರೋಡೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಚಿನಕುರುಳಿ: ಭಾನುವಾರ, 21 ಸೆಪ್ಟೆಂಬರ್ 2025

ದಿನ ಭವಿಷ್ಯ: ಸಿನಿಮಾ ರಂಗದಲ್ಲಿ ಕೆಲಸ ನಿರ್ವಹಿಸುವವರಿಗೆ ಯಶಸ್ಸು

ಚುರುಮುರಿ: ರೊಮ್ಯಾಂಟಿಕ್ ಪೇಯ್ನ್!

ಚಿನಕುರುಳಿ: ಶನಿವಾರ, 20 ಸೆಪ್ಟೆಂಬರ್ 2025