ಅಂಬಿಕಾನಗರದ ಕೂಲಿ ಕಾರ್ಮಿಕ ಬಾಲಮುರುಗನ್ (40) ಮತ್ತು ಮಾಜಾಳಿಯ ಗಾಂವಗೇರಿಯ ಗುತ್ತಿಗೆದಾರ ಆನಂದ ನಾಯ್ಕ (42) ಬಂಧಿತರು. ರಸ್ತೆ ಕಾಮಗಾರಿಯಲ್ಲಿ ತೊಡಗಿರುವ ಅಂಕೋಲಾದ ರಾಜನ್ ಎಂಟರ್‌ಪ್ರೈಸಸ್ ಮತ್ತು ಮುಂಬೈನ ಮಾಡರ್ನ್ ರೋಡ್ ಮೇಕರ್ಸ್ ಸಂಸ್ಥೆಗಳನ್ನೂ ಆರೋಪಿಗಳೆಂದು ಉಲ್ಲೇಖಿಸಲಾಗಿದೆ. ಬಂಧಿತರು ಈ ಸಂಸ್ಥೆಗಳಿಂದ ಸ್ಫೋಟಕಗಳನ್ನು ಪಡೆದುಕೊಂಡು ಬೇರೆಡೆಗೆ ಸಾಗಿಸುತ್ತಿದ್ದರು. ಈ ಸಂದರ್ಭದಲ್ಲಿ ಜಿಲೆಟಿನ್ ಕಡ್ಡಿಗಳು ಮತ್ತು ಡಿಟೋನೇಟರ್‌ಗಳನ್ನು ಪ್ರತ್ಯೇಕ ವಾಹನಗಳ ಬದಲು, ಒಂದೇ ಕಾರಿನಲ್ಲಿ ತೆಗೆದುಕೊಂಡು ಹೋಗಲಾಗುತ್ತಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
