‘ದೇವತಾ ಉಪಾಸನೆಯೂ ಮುಖ್ಯ’

ಮಠದಲ್ಲಿ ಹಮ್ಮಿಕೊಂಡಿರುವ ಧಾರ್ಮಿಕ ಕಾರ್ಯಕ್ರಮಗಳ ಕುರಿತು ಅವರು ಶುಕ್ರವಾರ ಭಕ್ತರಿಗೆ ಮಾಹಿತಿ ನೀಡಿದ್ದಾರೆ.

ಸರ್ಕಾರದ ನಿಬಂಧನೆಯ ಮಿತಿಯಲ್ಲಿ ಮಠದಲ್ಲಿ ಧಾರ್ಮಿಕ ಕಾರ್ಯಕ್ರಮ ಆರಂಭಿಸಲಾಗಿದೆ. 400ಕ್ಕೂ ಹೆಚ್ಚು ವೈದಿಕರು ಒಂದೆರಡು ದಿನಗಳಲ್ಲಿ ಸಂಪನ್ನಗೊಳಿಸಬಹುದಾದ ಸಹಸ್ರಚಂಡಿ ಕಾರ್ಯಕ್ರಮವನ್ನು, ಈಗ ಕೆಲವೇ ವೈದಿಕರು ಮಾಡುತ್ತಿದ್ದಾರೆ. ಹೊರಗಿನಿಂದ ಯಾರನ್ನೂ ಕರೆಯದೇ, ಮಠದ ಪರಿವಾರದವರೇ ಈ ಕೈಂಕರ್ಯ ನೆರವೇರಿಸುತ್ತಿದ್ದಾರೆ. ಇದಕ್ಕೆ 25ಕ್ಕೂ ಹೆಚ್ಚು ದಿನ ಬೇಕಾಗಬಹುದು. ಅಲ್ಲದೇ, ಮೃತ್ಯುಂಜಯ ಹವನ, ಮಹಾರುದ್ರ ಹವನ, ಧನ್ವಂತರಿ ಹೋಮ, ಲಕ್ಷ್ಮಿನೃಸಿಂಹ ಹವನ, ವಿಷ್ಣು ಸಹಸ್ರನಾಮ ಪಾರಾಯಣ ಹಮ್ಮಿಕೊಳ್ಳಲಾಗಿದೆ ಎಂದು ಶ್ರೀಗಳು ತಿಳಿಸಿದರು.

ಕೋವಿಡ್–19 ರೋಗಕ್ಕೆ ಔಷಧವಿಲ್ಲ. ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವುದೇ ಮುಖ್ಯ ಉಪಾಯ. ಆಧ್ಯಾತ್ಮಿಕ ಸಾಧನೆಯಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಪ್ರಾಣಾಯಾಮ, ಜಪ, ಧ್ಯಾನ, ಸ್ತೋತ್ರ, ಪೂಜೆ ಇವುಗಳನ್ನು ದಿನವೂ ತಪ್ಪದೇ ಮಾಡುತ್ತಿದ್ದರೆ ರೋಗ ನಿರೋಧಕ ಶಕ್ತಿ ಬೆಳೆಯುತ್ತದೆ. ಆಧ್ಯಾತ್ಮಿಕ ಸಾಧನೆಯಿಂದ ದಿವ್ಯ ಪ್ರಭಾವಲಯ ಶರೀರಕ್ಕೆ ಉಂಟಾಗುತ್ತದೆ. ಇದು ನಮ್ಮ ಮೇಲೆ ಎರಗುವ ಮಹಾರೋಗಗಳನ್ನು ತಡೆಯುತ್ತದೆ. ದೃಷ್ಟ ಹಾಗೂ ಅದೃಷ್ಟ ಅಂದರೆ, ವ್ಯಾವಹಾರಿಕ ಮತ್ತು ಆಧ್ಯಾತ್ಮಿಕ ಎರಡೂ ರೀತಿಯ ಪ್ರಯತ್ನಗಳು ಒಟ್ಟಿಗೆ ಸೇರಿದಾಗ ಈ ಆಪತ್ತನ್ನು ದಾಟಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.