ತಾಲ್ಲೂಕಿನ ಮರಾಕಲ್ ಬಳಿ ಅಘನಾಶಿನಿ ನದಿ ನಿರ್ಮಿಸಿರುವ ಕುಡಿಯುವ ನೀರಿನ ಯೋಜನೆಯಿಂದ ಕುಮಟಾ–ಹೊನ್ನಾವರ ಅವಳಿ ಪಟ್ಟಣಕ್ಕೆ ಕುಡಿಯುವ ನೀರು ಪೂರೈಸಲಾಗುತ್ತಿದೆ. ಎಷ್ಟೇ ಬೇಸಿಗೆ ಎದುರಾದರೂ ಕುಡಿಯುವ ನೀರು ಪೂರೈಕೆಗೆ ಕೊರತೆಯಾಗುವಂತೆ ಅಘನಾಶಿನಿ ನದಿಯಲ್ಲಿ ನೀರಿನ ಪ್ರಮಾಣ ಹಿಂದೆಂದೂ ಕಡಿಮೆಯಾಗಿರಲಿಲ್ಲ. ಎರಡು ವರ್ಷಗಳ ಅನುಭವದ ನಂತರ ಸ್ಥಳೀಯ ಪುರಸಭೆ ತಕ್ಷಣವೇ ಮರಾಕಲ್ ಬಳಿ ಅಘನಾಶಿನಿ ನದಿಗೆ ಅಡ್ಡಲಾಗಿ ಸುಮಾರು 130 ಮೀಟರ್ ಉದ್ದ ಹಾಗೂ ತಲಾ ನಾಲ್ಕು ಅಡಿ ಎತ್ತರ, ಅಗಲದ ಸಿಮೆಂಟ್ ಒಡ್ಡು ಕಟ್ಟಲಾಗಿದೆ. ಅದರ ಮೇಲೆ ನೀರು ತುಂಬಿ ಹರಿಯಲಾರಂಭಿಸಿದ ಮೇಲೆ ಉಸುಕಿನ ಚೀಲಗಳನ್ನು ಹಾಕಿ ಒಡ್ಡನ್ನು ತಾತ್ಕಾಲಿಕವಾಗಿ ಎತ್ತರಿಸಿದ ನಂತರ ನೀರಿನ ಸಮಸ್ಯೆ ನೀಗಿತ್ತು.