ಬಂಡಾಯ ಕವಿ ಸಿದ್ಧಲಿಂಗಯ್ಯನವರಿಗೆ ಶ್ರದ್ಧಾಂಜಲಿ

ಸಂಘಟನೆಯ ಮುಖಂಡರು ಸಿದ್ಧಲಿಂಗಯ್ಯನವರ ಭಾವಚಿತ್ರಕ್ಕೆ ಪುಷ್ಪಗೌರವ ಸಲ್ಲಿಸಿದರೆ, ಕಲಾವಿದ ಯಲ್ಲಪ್ಪ ಭಂಡಾರದಾರ್‌ ಕ್ರಾಂತಿಗೀತೆಗಳನ್ನು ಹಾಡಿದರು.

‘ಕ್ರಾಂತಿಗೀತೆಗಳನ್ನು ರಚಿಸಿ ಆ ಮೂಲಕ ತಳಸಮುದಾಯದವರಲ್ಲಿ ಅಸ್ಮಿತೆಯ ಪ್ರಜ್ಞೆ ಮೂಡಿಸಿ, ಅವರಲ್ಲಿ ಹೋರಾಟದ ಕಿಚ್ಚು ಹಚ್ಚಿದವರು ಸಿದ್ಧಲಿಂಗಯ್ಯನವರು. ಅವರ ಅಗಲಿಕೆಯಿಂದ ತಳಸಮುದಾಯದವರಿಗೆ ದೊಡ್ಡ ನಷ್ಟ ಉಂಟಾಗಿದೆ’ ಎಂದು ಮುಖಂಡರು ಸ್ಮರಿಸಿದರು.

ಸಮಿತಿಯ ಜಿಲ್ಲಾಧ್ಯಕ್ಷ ಕಾರಿಗನೂರು ಲಕ್ಷಣ, ಮುಖಂಡರಾದ ಎಚ್.ಹುಲುಗಪ್ಪ, ವೈ.ಗೋವಿಂದರಾಜ, ಎ.ಬಸವರಾಜ, ಸಿ.ವೀರಭದ್ರಪ್ಪ, ಹನುಮಂತಪ್ಪ, ಎಚ್.ಎಸ್.ವೆಂಕಪ್ಪ, ಗುಜ್ಜಲ ನಾಗರಾಜ್, ನಿಂಬಗಲ್ ರಾಮಕೃಷ್ಣ, ಎಸ್.ಬಿ.ರಘುನಂದನ, ಸೋಮಶೇಖರ್ ಬಣ್ಣದಮನೆ, ಪರಮೇಶ್ವರಪ್ಪ, ನಾಗೇಂದ್ರ, ಸಂತೋಷ, ಓಬಳೇಶ್ ವಿನಾಯಕ ಶೆಟ್ಟರ್, ಈಶ್ವರ ಇಸೋಪ್, ಮಂಜುನಾಥ್ ಯಾದವ ಇದ್ದರು.