ನಾಲತವಾಡ | ₹10ರ ನೋಟುಗಳ ಕೊರತೆ; ಚಲಾವಣೆಯಾಗದ ನಾಣ್ಯ!

ಬೆಂಗಳೂರು ಸೇರಿದಂತೆ ಬಹುತೇಕ ನಗರ, ಪಟ್ಟಣಗಳಲ್ಲಿ₹10 ರ ನಾಣ್ಯಗಳು ಚಲಾವಣೆಯಲ್ಲಿ ಇವೆ. ಆದರೆ, ನಾಲತವಾಡ ಸೇರಿದಂತೆ ಜಿಲ್ಲೆಯ ಅನೇಕ ಕಡೆಗಳಲ್ಲಿ ₹10ರ ನಾಣ್ಯಗಳ ಚಲಾವಣೆ ಅಷ್ಟಾಗಿಲ್ಲ.  ಬ್ಯಾಂಕುಗಳಲ್ಲಿ, ರೈಲು ನಿಲ್ದಾಣ,ಅಂಚೆ ಕಚೇರಿಯಲ್ಲಿ ಮಾತ್ರ ಸ್ವೀಕಾರವಾಗುವ ನಾಣ್ಯಗಳನ್ನು ಗ್ರಾಹಕರು ಪಡೆಯುತ್ತಿಲ್ಲ. ಇದರಿಂದ ವ್ಯಾಪಾರ, ವಹಿವಾಟಿನಲ್ಲಿ ಚಿಲ್ಲದರೆ ಸಮಸ್ಯೆ ತಲೆದೋರಿದೆ.  

₹ 10 ನೋಟು ಅಲ್ಲೋ, ಇಲ್ಲೋ ಸಿಗುತ್ತಿವೆ. ಸಿಕ್ಕ ನೋಟುಗಳು ತೀರಾ ಹರಿದು, ಮಾಸಿ ಹೋಗಿದ್ದು, ಚಲಾವಣೆಗೆ ಯೋಗ್ಯವಿಲ್ಲದಂತಾಗಿವೆ. ಹಾಗಾಗಿ ಈ ಹರಕು, ಹಾಳಾದ, ಮಾಸಿದ ನೋಟುಗಳನ್ನು ಬಜಾರದಲ್ಲಿ, ಸಂತೆಯಲ್ಲಿ ಸ್ವೀಕರಿಸುತ್ತಿಲ್ಲ. ಹಾಗಾಗಿ ಎಲ್ಲೆಡೆ ಈ ₹10ರ ನೋಟಿನ ಅಭಾವ ತಲೆ ದೋರಿದ್ದು, ಹೋಟೆಲ್, ಅಂಗಡಿ ಮುಂಗಟ್ಟುಗಳಲ್ಲಿ ಚಿಲ್ಲರೆ ಮಾರಾಟಗಾರರು ಪರದಾಡುವಂತಾಗಿದೆ.

ಈ ಸಂಬಂಧ ಗ್ರಾಹಕರು ಮತ್ತು ಅಂಗಡಿಗಳವರ ಮಧ್ಯೆ, ನಿರ್ವಾಹಕ ಮತ್ತು ಪ್ರಯಾಣಿಕರ ನಡುವೆ ಮಾತಿನ ಚಕಮಕಿಗಳು ನಡೆಯುತ್ತಿವೆ.

₹10ರ ನೋಟು ಇಲ್ಲ ಎಂಬ ಕಾರಣಕ್ಕೆ ಅಂಗಡಿಯವರು ನೋಟಿನ ಬದಲಾಗಿ ಕೊಡುವ ಕೋಪನ್‌ಗಳು, ಪೇಪರ್ ಮೆಂಟ್, ಬಿಸ್ಕತ್, ಚಾಕೋಲೆಟ್, ಸುಪಾರಿ, ಗುಟ್ಕಾ ಇತ್ಯಾದಿ ವಸ್ತುಗಳನ್ನು ಅನಿವಾರ್ಯವಾಗಿ ತೆಗೆದುಕೊಳ್ಳುವ ಕರ್ಮ ಗ್ರಾಹಕರದ್ದಾಗಿದೆ.  

ಯಾವುದೇ ಹಿಂಜರಿಕೆ ಇಲ್ಲದೇ ₹10ರ ನಾಣ್ಯಗಳನ್ನು ಎಂದಿನಂತೆಯೇ ಶಾಸನಬದ್ದ ಚಲಾವಣೆಯಾಗಿ ಸ್ವೀಕರಿಸುವುದನ್ನು ಮುಂದುವರೆಸುವಂತೆ ಈಗಾಗಲೇ ರಿಸರ್ವ್ ಬ್ಯಾಂಕ್ ಕೂಡಾ ಸೂಚನೆ ನೀಡಿದೆ. ₹ 10ರ ನಾಣ್ಯಗಳನ್ನು ಚಲಾವಣೆಯಿಂದ ವಾಪಾಸ್ಸು ಪಡೆದಿರುವುದಿಲ್ಲ ಎಂದು ಹಲವಾರು ಬಾರಿ ರಿಜರ್ವ್ ಬ್ಯಾಂಕ್ ತಿಳಿಸಿದೆ. ಅಲ್ಲದೇ, ಬ್ಯಾಂಕುಗಳು ಈ ನಾಣ್ಯಗಳನ್ನು ತಿರಸ್ಕರಿಸುವಂತಿಲ್ಲ ಎಂಬ ಸೂಚನೆ ನೀಡಿದೆ. ಆದರೂ ನಾಣ್ಯಗಳು ಚಲಾವಣೆ ಆಗುತ್ತಿಲ್ಲ. 

ಸಾರ್ವಜನಿಕರು ತಮ್ಮ ಬಳಿ ಇದ್ದ ₹10ರ ನಾಣ್ಯಗಳನ್ನು ಈಗಾಗಲೇ ಬ್ಯಾಂಕುಗಳಿಗೆ ಜಮಾ ಮಾಡಿ ಬಿಟ್ಟಿದ್ದಾರೆ. ಬ್ಯಾಂಕುಗಳಿಗೆ ₹ 10ರ ನಾಣ್ಯಗಳ ಒಳ ಹರಿವಿದೆ. ಆದರೆ, ಅದನ್ನು ಹೊರ ಹರಿವು ಮಾಡಿ ಚಲಾವಣೆಗೆ ಮುಂದಾದರೆ, ಈಗಿರುವ ₹10ರ ನೋಟಿನ ಸಮಸ್ಯೆ ಬಗೆ ಹರಿಸಬಹುದು ಎಂಬುದು ಸಾರ್ವಜನಿಕರ ಅಭಿಪ್ರಾಯವಾಗಿದೆ.v 'ಚಿಲ್ಲರೆಗಾಗಿ