ಸೋಮವಾರ, ಆಗಸ್ಟ್ 2, 2021
26 °C
ಬಾಲಕಿಯರೇ ಮೇಲುಗೈ; ಶೇ 58.38 ಫಲಿತಾಂಶ

28ನೇ ಸ್ಥಾನಕ್ಕೆ ಜಿಗಿದ ಜಿಲ್ಲೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಯಾದಗಿರಿ: ಫಲಿತಾಂಶದಲ್ಲಿ ಕೊನೆಯ ಸ್ಥಾನ ಎಂಬ ಹಣೆಪಟ್ಟಿಕೊಂಡ ಜಿಲ್ಲೆ ಈಗ ಕಳೆದ ವರ್ಷಕ್ಕಿಂತ 3 ಸ್ಥಾನ ಮೇಲಕ್ಕೆ ಜಿಗಿದಿದೆ. ಈ ವರ್ಷ 28ನೇ ಸ್ಥಾನಕ್ಕೆ ಏರಿಕೆಯಾಗಿದ್ದು, ಕಳೆದ ವರ್ಷಕ್ಕಿಂತ ಉತ್ತಮ ಸಾಧನೆ ಮಾಡಿದೆ. 

2019ರಲ್ಲಿ ಶೇ 53.08 ರಷ್ಟು ಫಲಿತಾಂಶ ಬಂದಿತ್ತು. 2020ರಲ್ಲಿ ಶೇ 58.38 ಫಲಿತಾಂಶ ಬಂದಿದೆ. 31ನೇ ಸ್ಥಾನದಿಂದ 28ನೇ ಸ್ಥಾನಕ್ಕೆ ಜಿಗಿದಿದೆ. 4,906 ಪರೀಕ್ಷೆಗೆ ಹಾಜರಾದ ವಿದ್ಯಾರ್ಥಿಗಳು, ಅದರಲ್ಲಿ 2,864 ವಿದ್ಯಾರ್ಥಿಗಳು ತೇರ್ಗಡೆ ಹೊಂದಿದ್ದಾರೆ.

3,101 ಬಾಲಕಿಯರು ‍ಪರೀಕ್ಷೆಗೆ ಹೆಸರು ನೋಂದಾಯಿಸಿ ಕೊಂಡಿದ್ದರು. 1,669 ಬಾಲಕಿಯರು ಉತ್ತೀರ್ಣರಾಗಿದ್ದಾರೆ. 53.82 ಶೇಕಡವಾರು ಫಲಿತಾಂಶ ತಂದಿದ್ದಾರೆ. 4,353 ಬಾಲಕರು ಪರೀಕ್ಷೆಗೆ ನೋಂದಾಯಿಸಿ ಕೊಂಡರೆ, 1,734 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ಶೇ 39.83 ಫಲಿತಾಂಶ ಗಳಿಸಿದ್ದಾರೆ. 

ಕಲಾ ಸಂಯೋಜನೆಯಲ್ಲಿ ಶೇ 49.44, ವಾಣಿಜ್ಯದಲ್ಲಿ 60.80, ವಿಜ್ಞಾನದಲ್ಲಿ 69.86, ನಗರ ಪ್ರದೇಶದಲ್ಲಿ 57.67, ಗ್ರಾಮಾಂತರ ‍ಪ್ರದೇಶದಲ್ಲಿ 61.60 ಶೇಕಡವಾರು ಫಲಿತಾಂಶ ಬಂದಿದೆ. 

553 ಖಾಸಗಿ ವಿದ್ಯಾರ್ಥಿಗಳಲ್ಲಿ 115 ವಿದ್ಯಾರ್ಥಿಗಳು ಪಾಸಾಗಿದ್ದು, ಶೇ 20.8ರಷ್ಟು ಫಲಿತಾಂಶ ಬಂದಿದೆ. 332 ನಗರ ಪ್ರದೇಶ, 221 ಗ್ರಾಮಾಂತರ ಪ್ರದೇಶದ ಖಾಸಗಿ ವಿದ್ಯಾರ್ಥಿಗಳು ಸೇರಿದ್ದಾರೆ. 

‘ವಿದ್ಯಾರ್ಥಿಗಳಿಗೆ ಕೈ‍‍ಪಿಡಿ, ವಿಶೇಷ ಬೋಧನೆ ಮೂಲಕ ಫಲಿತಾಂಶ ಹೆಚ್ಚಳಕ್ಕೆ ಉಪನ್ಯಾಸಕರು ಶ್ರಮಿಸಿದ್ದಾರೆ. ನಾನು ಕೂಡ ಹಲವಾರು ಕಾಲೇಜುಗಳಿಗೆ ಭೇಟಿ ನೀಡಿದ್ದೇನೆ. ಇಂಗ್ಲಿಷ್‌, ವಾಣಿಜ್ಯ, ವಿಜ್ಞಾನ ವಿಷಯಗಳನ್ನು ಬೋಧಿಸಿದ್ದೇನೆ. ವಿದ್ಯಾರ್ಥಿ ಸ್ನೇಹಿ ವಾತಾವರಣ ನಿರ್ಮಿಸಿದ್ದರಿಂದ ವಿದ್ಯಾರ್ಥಿಗಳು ಇಂಥ ಸಾಧನೆ ಮಾಡಿದ್ದಾರೆ’ ಎಂದು ಹರ್ಷ ವ್ಯಕ್ತಪಡಿಸಿದರು ಡಿಡಿಪಿಯು ಚಂದ್ರಕಾಂತ ಜೆ ಹಿಳ್ಳಿ ಅವರು.  

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.