ಶಹಾಪುರ: ತಾಲ್ಲೂಕಿನ ಮುಡಬೂಳ ಗ್ರಾಮದ ವೀರಭದ್ರ ನಾಯ್ಕಲ್ ಎನ್ನುವವರು ‘ನಮಗೆ ಎರಡು ಕೆ.ಜಿ ಅಕ್ಕಿ ಕಡಿಮೆ ಕೊಡಿ ಆದರೆ, ಎಣ್ಣೆ (ಮದ್ಯ) ಮಾತ್ರ ನಿಲ್ಲಿಸಬೇಡಿ’ ಎಂದು ಹೇಳಿರುವ ವಿಡಿಯೋ ವೈರಲ್ ಆಗಿದೆ.
ಬೆಂಗಳೂರಿನಲ್ಲಿ ಗೂಡ್ಸ್ ವಾಹನದ ಚಾಲಕನಾಗಿ ಸೇವೆ ಸಲ್ಲಿಸುತ್ತಿರುವ ಇವರು ಲಾಕ್ಡೌನ್ ಆದ ಬಳಿಕ ಗ್ರಾಮದಲ್ಲಿ ಇದ್ದಾರೆ. ಗುಂಡು ಪ್ರಿಯರಾಗಿದ್ದು, ಮಂಗಳವಾರ ವಾರಿಗೆಯ ಗೆಳೆಯರೆಲ್ಲರೂ ಕೂಡಿಕೊಂಡು ಮೊಬೈಲ್‌ನಲ್ಲಿ ವಿಡಿಯೊ ಮಾಡಿಕೊಂಡು ಹರಿಬಿಟ್ಟಿದ್ದಾರೆ. ಖಾಸಗಿ ಟಿವಿ ಚಾನಲ್‌ ಒಂದರಲ್ಲಿ ಮದ್ಯದ ಬಗ್ಗೆ ಚರ್ಚೆ ನಡೆದಾಗ ಆಕಸ್ಮಿಕವಾಗಿ ಹರಿಬಿಟ್ಟ ವಿಡಿಯೊ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
