ಸುರಪುರ: ಶೇ 99.77ರಷ್ಟು ಮತದಾನ

ಶಾಸಕ ರಾಜೂಗೌಡ ನಗರಸಭೆಯಲ್ಲಿ ಬಿಜೆಪಿ ಸದಸ್ಯರೊಂದಿಗೆ ಆಗಮಿಸಿ ತಮ್ಮ ಹಕ್ಕು ಚಲಾಯಿಸಿದರು. ರಾಯಚೂರು ಸಂಸದ ರಾಜಾ ಅಮರೇಶ್ವರ ನಾಯಕ ಅವರ ಹೆಸರು ನಗರಸಭೆ ಮತಪಟ್ಟಿಯಲ್ಲಿ ಇತ್ತು. ಅವರು ಲಿಂಗಸೂಗೂರಿನಲ್ಲಿ ಮತದಾನ ಮಾಡಿದ್ದಾರೆ.

‘23 ಗ್ರಾಮ ಪಂಚಾಯಿತಿ ಮತ್ತು ನಗರದ ನಗರಸಭೆಯಲ್ಲಿ ಮತಗಟ್ಟೆ ಸ್ಥಾಪಿಸಲಾಗಿತ್ತು. ಎಲ್ಲ ಗ್ರಾಮ ಪಂಚಾಯಿತಿ ಮತಕೇಂದ್ರಗಳಲ್ಲಿ ಶೇ 100ರಷ್ಟು ಮತದಾನವಾಗಿದೆ. ಸುರಪುರ ನಗರಸಭೆ ಮತಕೇಂದ್ರದಲ್ಲಿ ಶೇ 99.77 ಮತದಾನವಾಯಿತು. ತಾಲ್ಲೂಕಿನಲ್ಲಿ 241 ಮಹಿಳೆಯರು, 197 ಪುರುಷರು ಸೇರಿದಂತೆ ಒಟ್ಟು 438 ಜನರು ಮತದಾನ ಮಾಡಿದ್ದಾರೆ’ ಎಂದು ತಹಶೀಲ್ದಾರ್ ಸುಬ್ಬಣ್ಣ ಜಮಖಂಡಿ ತಿಳಿಸಿದರು.