ಬುಧವಾರ, ಏಪ್ರಿಲ್ 21, 2021
23 °C

ಗೋಡಂಬಿ ತಿನ್ನಲು ಖರ್ಚು ಮಾಡಲ್ವೇ...?

ಸಂಧ್ಯಾ ಹೆಗಡೆ Updated:

ಅಕ್ಷರ ಗಾತ್ರ : | |

ಶಿರಸಿ: ‘ನಾವು ಒಂದು ಮೀಟಿಂಗ್‌ ನಡೆಸಲು ಸಾವಿರಾರು ರೂಪಾಯಿ ಖರ್ಚು ಮಾಡಲು ಹಿಂಜರಿಯುವುದಿಲ್ಲ. ಹೀಗಿದ್ದಾಗ ರೈತರ ಜಾನುವಾರು ಸತ್ತರೆ ₹ 10 ಸಾವಿರ ಪರಿಹಾರ ನೀಡಲು ಸಣ್ಣತನ ತೋರಬಾರದು’ ಎಂದು ನಗುತ್ತಲೇ, ಪಶುಸಂಗೋಪನಾ ಇಲಾಖೆ ಅಧಿಕಾರಿಗೆ ತಾಕೀತು ಮಾಡಿದವರು ಯಲ್ಲಾಪುರ ಕ್ಷೇತ್ರ ಶಾಸಕ ಶಿವರಾಮ ಹೆಬ್ಬಾರ್.

‘ಜಾನುವಾರು ಆಕಸ್ಮಿಕವಾಗಿ ಸಾವಿಗೀಡಾದರೆ ₹ 10 ಸಾವಿರ ಪರಿಹಾರ ನೀಡುವ ಯೋಜನೆಯನ್ನು ಹಿಂದಿನ ಕಾಂಗ್ರೆಸ್‌ ಸರ್ಕಾರ ಜಾರಿಗೆ ತಂದಿತ್ತು. ಈಗಲೂ ಈ ಯೋಜನೆ ಜಾರಿಯಲ್ಲಿದೆ. ರೈತರು ಜಾನುವಾರು ಖರೀದಿಗೆ ₹ 60 ಸಾವಿರದಿಂದ 70 ಸಾವಿರ ಖರ್ಚು ಮಾಡುತ್ತಾರೆ. ಅಕಸ್ಮಾತ್‌ ಅದು ಸತ್ತರೆ, ಅವರಿಗೆ ದೊಡ್ಡ ನಷ್ಟವಾಗುತ್ತದೆ. ಅವರೇನೂ ಸುಳ್ಳು ಮಾಹಿತಿ ನೀಡಿ, ಸುಮ್ಮಸುಮ್ಮನೆ ಪರಿಹಾರ ಕೇಳುವುದಿಲ್ಲ. ಅಧಿಕಾರಿಗಳು ಮಾನವೀಯ ನೆಲೆಯಲ್ಲಿ ಪ್ರಕರಣವನ್ನು ಪರಿಶೀಲಿಸಿ, ಉದಾರವಾಗಿ ಪರಿಹಾರದ ಹಣವನ್ನು ನೀಡಬೇಕು. ‘ನಾವು ಮೀಟಿಂಗ್‌ಗಳಲ್ಲಿ ಗೇರು ಬೀಜ (ಗೋಡಂಬಿ) ತಿನ್ನಲು ₹ 20 ಸಾವಿರ ಖರ್ಚು ಮಾಡುವುದಿಲ್ಲವೇ?’ ಎಂದು ಅವರು ಶಿರಸಿಯಲ್ಲಿ ನಡೆದ ಕೆಡಿಪಿ ಸಭೆಯಲ್ಲಿ ಪ್ರಶ್ನಿಸಿದಾಗ, ಇಡೀ ಸಭೆಯಲ್ಲಿ ನಗು ಪ್ರತಿಧ್ವನಿಸಿತು.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು