ವಿದ್ಯಾರ್ಥಿವೇತನ: ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ನೀಡುವ ಕುಲಾಧಿಪತಿಗಳ ವಿದ್ಯಾರ್ಥಿವೇತನ–2020
ವಿವರ: ಕೆನಡದ ಒಟ್ಟಾವ ವಿಶ್ವವಿದ್ಯಾಲಯವು ತನ್ನಲ್ಲಿ ಪದವಿ ವ್ಯಾಸಂಗ ಮಾಡುವ ವಿದೇಶಿ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನ ನೀಡಲಿದೆ.
ಅರ್ಹತೆ: ಭಾರತದಲ್ಲಿ ವಿದ್ಯಾರ್ಥಿ ವೀಸಾ ಹೊಂದಿರುವ ಪದವಿ ವಿದ್ಯಾರ್ಥಿಗಳು ಹಾಗೂ ಪ್ರವೇಶಕ್ಕೆ ಅಗತ್ಯವಿರುವ ಶೇ 92ರಷ್ಟು ಅಂಕಗಳನ್ನು ಹೊಂದಿರುವವರು ಅರ್ಜಿ ಸಲ್ಲಿಸಲು ಅರ್ಹರು.
ಆರ್ಥಿಕ ನೆರವು: ಆಯ್ಕೆಯಾಗುವ ವಿದ್ಯಾರ್ಥಿಗಳಿಗೆ ವಾರ್ಷಿಕ ₹ 3.55 ಲಕ್ಷವನ್ನು (6,500 ಕೆನಡ ಡಾಲರ್) ನಾಲ್ಕು ವರ್ಷಗಳವರೆಗೆ ಹಾಗೂ ಎರಡನೇ, ಮೂರನೇ ಮತ್ತು ನಾಲ್ಕನೇ ಸ್ಥಾನದಲ್ಲಿರುವ ವಿದ್ಯಾರ್ಥಿಗಳಿಗೆ ಒಂದು ಬಾರಿಗೆ ₹ 82 ಸಾವಿರ (1500 ಕೆನಡ ಡಾಲರ್) ನೆರವು ದೊರೆಯಲಿದೆ.
ಅರ್ಜಿ ಸಲ್ಲಿಸಲು ಕೊನೆಯ ದಿನ: 2020ರ ಏಪ್ರಿಲ್ 30
ಅರ್ಜಿ ಸಲ್ಲಿಕೆ ವಿಧಾನ: ಆನ್ಲೈನ್
ಮಾಹಿತಿಗೆ: www.b4s.in/praja/CSF2
***
ವಿದ್ಯಾರ್ಥಿವೇತನ: ತೈವಾನ್ ಐಸಿಡಿಎಫ್ ಅಂತರರಾಷ್ಟ್ರೀಯ ಉನ್ನತ ಶಿಕ್ಷಣ ವಿದ್ಯಾರ್ಥಿವೇತನ 2020
ವಿವರ: ತೈವಾನ್ನ ವಿಶ್ವವಿದ್ಯಾಲಯಗಳಲ್ಲಿ ಪದವಿ, ಸ್ನಾತಕೋತ್ತರ ಪದವಿ ಮತ್ತು ಪಿಎಚ್.ಡಿ. ಅಧ್ಯಯನಕ್ಕೆ ಅರ್ಜಿ ಸಲ್ಲಿಸುವವರು ಈ ವಿದ್ಯಾರ್ಥಿವೇತನ ಪಡೆಯಬಹುದು. ಉನ್ನತ ಶಿಕ್ಷಣ ಕೈಗೊಳ್ಳುವವರಿಗೆ ಅಂತರರಾಷ್ಟ್ರೀಯ ಸಹಕಾರ ಮತ್ತು ಅಭಿವೃದ್ಧಿ ನಿಧಿ (ಐಸಿಡಿಎಫ್) ಆರ್ಥಿಕ ನೆರವು ನೀಡಲಿದೆ.
ಅರ್ಹತೆ: ಪದವಿ, ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು ಮತ್ತು ಪಿಎಚ್.ಡಿ. ಸಂಶೋಧನಾರ್ಥಿಗಳು ಅರ್ಜಿ ಸಲ್ಲಿಸಬಹುದು. ಅರ್ಜಿದಾರರು ನಿರ್ದಿಷ್ಟ ವೀಸಾ ಮತ್ತು ವಿಶ್ವವಿದ್ಯಾಲಯಗಳ ಪ್ರವೇಶಕ್ಕೆ ನಿಗದಿಪಡಿಸಿರುವ ಅರ್ಹತೆಗಳನ್ನು ಹೊಂದಿರಬೇಕು.
ಆರ್ಥಿಕ ನೆರವು: ತಿಂಗಳಿಗೆ ₹ 42 ಸಾವಿರದವರೆಗೆ ಆರ್ಥಿಕ ನೆರವು, ಬೋಧನಾ ಶುಲ್ಕದಲ್ಲಿ ಪೂರ್ಣ ವಿನಾಯಿತಿ, ವಿಮಾನಯಾನ, ವಸತಿ, ವಿಮೆ ಸೇರಿದಂತೆ ಇತರ ನೆರವು ದೊರೆಯಲಿದೆ.