ಸ್ಯಾಫ್‌: ಪಾಕಿಸ್ತಾನವನ್ನು ಮಣಿಸಿದ ಭಾರತಕ್ಕೆ ಪ್ರಶಸ್ತಿ

ಕಠ್ಮಂಡು: ಅತ್ಯುತ್ತಮ ಆಟದ ಪ್ರದರ್ಶನ ನೀಡಿದ ಭಾರತ ತಂಡ ಸ್ಯಾಫ್‌ 19 ವರ್ಷದೊಳಗಿನ ಪುರುಷರ ಫುಟ್‌ಬಾಲ್‌ ಚಾಂಪಿಯನ್‌ಷಿಪ್‌ನಲ್ಲಿ ಬದ್ಧ ಎದುರಾಳಿ ಪಾಕಿಸ್ತಾನ ತಂಡವನ್ನು ಶನಿವಾರ 3–0 ಗೋಲುಗಳಿಂದ ಸೋಲಿಸಿತು.

ಮಂಗ್ಲೆನ್‌ಥಾಂಗ್‌ ಕಿಪ್ಜೆನ್ (64, 85ನೇ ನಿಮಿಷ) ಮತ್ತು ಗ್ವಾಮ್ಸರ್‌ ಗೊಯರಿ (90+5) ಅವರು ದಶರಥ ಕ್ರೀಡಾಂಗಣದಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಭಾರತದ ಪರ ಗೋಲು ಗಳಿಸಿದರು. ಭಾರತಕ್ಕೆ ಇದು ಈ ಚಾಂಪಿಯನ್‌ಷಿಪ್‌ನಲ್ಲಿ 8ನೇ ಪ್ರಶಸ್ತಿಯಾಗಿದೆ.