‘ಅಯ್ಯೋ, ಒಂದು ಮತದಿಂದ ಏನಾಗುತ್ತೆ’ ಎನ್ನುವವರೇ ಹೆಚ್ಚು. ಆದರೆ ಪ್ರತಿಯೊಂದು ಮತವೂ ಮುಖ್ಯ. ಯುವಜನತೆ ಸಂಖ್ಯೆ ರಾಜ್ಯದಲ್ಲಿ ಹೆಚ್ಚಿದ್ದು, ಮೊದಲ ಬಾರಿ ಮತ ಮಾಡುವವರೂ ಸಾವಿರಾರು ಜನರಿದ್ದಾರೆ. ಇಂದಿನ ಯುವಜನತೆ ಸ್ಮಾರ್ಟ್‌ ಆಗಿದೆ. ಅವರಿಗೆ ರಾಜಕೀಯ ಜ್ಞಾನವೂ ಇದೆ. ಹೀಗಾಗಿ ತಪ್ಪದೇ ಮತದಾನ ಮಾಡಿ. ಮೊದಲ ಬಾರಿ ಮತದಾನ ಮಾಡುವವರಿಗೆ ಇದೊಂದು ಅವಕಾಶ. ಮತದಾನ ಪ್ರಕ್ರಿಯೆ ಹೇಗೆ ನಡೆಯುತ್ತದೆ? ತಮ್ಮ ಮತ ಎಷ್ಟು ಮುಖ್ಯ ಎನ್ನುವುದನ್ನೂ ಅವರು ಅರಿಯಲು ಸಾಧ್ಯ. ನೀವು ಮತದಾನ ಮಾಡಿ, ನಿಮ್ಮ ಸುತ್ತಲಿರುವವರನ್ನೂ ಮತದಾನಕ್ಕೆ ಪ್ರೋತ್ಸಾಹಿಸಿ.
