ಇಂಥ ಚಿತ್ರೋತ್ಸವಗಳು ನನ್ನಂಥ ಯುವ ನಿರ್ದೇಶಕರು, ಕಲಾವಿದರಿಗೆ ಉತ್ತಮ ವೇದಿಕೆ ಕೊಡುತ್ತವೆ. ಬೇರೆ ರಾಜ್ಯ, ಅನ್ಯ ದೇಶಗಳ ಚಲನಚಿತ್ರಗಳನ್ನು ವೀಕ್ಷಿಸಲು ಅವಕಾಶ ಸಿಗುತ್ತದೆ. ಈ ಮೂಲಕ ಆ ಸಿನಿಮಾಗಳಲ್ಲಿನ ಕಲಾತ್ಮಕತೆ, ನಿರ್ದೇಶಕನ ಚಾಕಚಕ್ಯತೆ, ಕೌಶಲವನ್ನು ತಿಳಿದುಕೊಳ್ಳಲು ಉಪಯುಕ್ತವಾಗುತ್ತದೆ. ಇದೊಂದು ರೀತಿಯ ನಮ್ಮಂತವರಿಗೆ ಕಲಿಕಾ ಕೇಂದ್ರವೂ ಆಗಿದೆ. ಇಡೀ ಚಿತ್ರೋತ್ಸವದಲ್ಲಿ ಪ್ರದರ್ಶನ ಕಾಣುವ ಸಾಕಷ್ಟು ಸಿನಿಮಾಗಳನ್ನು ವೀಕ್ಷಿಸಿ, ನನ್ನ ಕೌಶಲವನ್ನು ಹೆಚ್ಚಿಸಿಕೊಳ್ಳಲು ಮಗ್ನನಾಗುತ್ತೇನೆ.
