2011 ರಲ್ಲಿ ಸಿಂಗಮ್ ತೆರೆಗೆ ಬಂದು ಅಬ್ಬರಿಸಿತ್ತು. ರೋಹಿತ್ ಅವರ 'ಕಾಪ್ ಯೂನಿವರ್ಸ್' ನ ಮೊದಲ ಭಾಗ ಇದಾಗಿತ್ತು. 2010 ರಲ್ಲಿ ತೆರೆಕಂಡ ತಮಿಳು ಸಿಂಗಮ್ ಚಲನಚಿತ್ರದ ರಿಮೇಕ್. ಹರಿ ನಿರ್ದೇಶನದ ಈ ಚಿತ್ರದಲ್ಲಿ ಸೂರ್ಯ, ಅನುಷ್ಕಾ ಶೆಟ್ಟಿ, ಪ್ರಕಾಶ್ ರಾಜ್ ಮುಖ್ಯಭೂಮಿಕೆಯಲ್ಲಿದ್ದರು. ಇದರ ಹಿಂದಿ ರಿಮೇಕ್ ಚಿತ್ರದಲ್ಲಿ ಅಜಯ್ ಮುಖ್ಯ ಪಾತ್ರದಲ್ಲಿ ಬಾಜಿರಾವ್ ಸಿಂಗಮ್ ಎಂಬ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದರು. ಕಾಜಲ್ ಅಗರ್ವಾಲ್, ಪ್ರಕಾಶ್ ರಾಜ್ ಕೂಡ ಇದ್ದರು. ತಮಿಳಿನಲ್ಲಿ ಸಿಂಗಮ್–3 ತೆರೆ ಕಂಡಿದೆ. ಹಿಂದಿಯಲ್ಲಿ ಅದರ ರಿಮೇಕ್ ಆಗಿರಲಿದೆಯಾ ಎಂಬ ಕುರಿತು ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ.