<p><strong>ಲಾಸ್ ಏಂಜಲಿಸ್:</strong> ಹಾಲಿವುಡ್ನ ಸೂಪರ್ ಹಿಟ್ ಚಿತ್ರ ‘ಬ್ಲ್ಯಾಕ್ ಪ್ಯಾಂಥರ್’ ಖ್ಯಾತಿಯ ನಟ, ಚಾಡ್ವಿಕ್ ಬೋಸ್ಮನ್ ಅವರು ದೀರ್ಘಕಾಲಿನ ಕರುಳಿನಕ್ಯಾನ್ಸರ್ನಿಂದಾಗಿ ಶನಿವಾರ ಲಾಸ್ ಏಂಜಲಿಸ್ನಲ್ಲಿ ಕೊನೆಯುಸಿರೆಳೆದಿದ್ದಾರೆ.</p>.<p>‘ಬೋಸ್ಮನ್ (43) ಅವರು ತಮ್ಮ ಆರೋಗ್ಯ ಪರಿಸ್ಥಿತಿಯ ಕುರಿತು ಸಾರ್ವಜನಿಕವಾಗಿ ಎಲ್ಲಿಯೂ ಹೇಳಿಕೊಂಡಿರಲಿಲ್ಲ. ‘ಅಸಂಖ್ಯ’ ಶಸ್ತ್ರಚಕಿತ್ಸೆ ಮತ್ತು ಕೀಮೋಥೆರಪಿಗಳಿಗೆ ಒಳಗಾಗುತ್ತಿದ್ದರೂ, ಅದರ ಮಧ್ಯೆಯೇ ಅವರು ಹಾಲಿವುಡ್ನ ಪ್ರಮುಖ ಚಲನಚಿತ್ರಗಳಲ್ಲಿ ಕೆಲಸ ಮಾಡುವುದನ್ನು ಮುಂದುವರೆಸಿದ್ದರು, ಎಂದು ಅವರ ಕುಟುಂಬ ವರ್ಗ ಹೇಳಿದೆ.</p>.<p>‘ಸೂಪರ್ ಹೀರೊ ಸಿನಿಮಾ ‘ಬ್ಲ್ಯಾಕ್ ಪ್ಯಾಂಥರ್’ನಲ್ಲಿ ‘ಕಿಂಗ್ ಟಿ ಚಲ್ಲಾ’ ಎಂಬ ಪಾತ್ರಕ್ಕೆ ಚಾಡ್ವಿಕ್ ಜೀವಂತಿಕೆ ತಂದು ಕೊಟ್ಟಿದ್ದಾರೆ. ಇದು ಅವರಿಗೆ ಸಿಕ್ಕ ಗೌರವವಾಗಿದೆ,’ ಎಂದು ಕುಟುಂಬಸ್ಥರು ಹೇಳಿದ್ದಾರೆ.</p>.<p>‘ನಿಜವಾದ ಹೋರಾಟಗಾರ ಚಾಡ್ವಿಕ್ ಎಲ್ಲದರಲ್ಲೂ ಸತತ ಹೋರಾಟ ನಡೆಸಿದರು,’ ಎಂದು ಕುಟುಂಬಸ್ಥರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಲಾಸ್ ಏಂಜಲೀಸ್ನ ತಮ್ಮ ಮನೆಯಲ್ಲಿ ತಮ್ಮ ಹೆಂಡತಿ ಮತ್ತು ಕುಟುಂಬದವರ ಜೊತೆಗಿರುವಾಗಲೇ ಅವರು ನಿಧನ ಹೊಂದಿದ್ದಾರೆ.</p>.<p>2018ರಲ್ಲಿ ಬಿಡುಗಡೆಯಾಗಿದ್ದ ಸೂಪರ್ ಹೀರೋ ಆಧಾರಿತ ಚಿತ್ರ ‘ಬ್ಲ್ಯಾಕ್ ಪ್ಯಾಂಥರ್’ ಭಾರೀ ಯಶಸ್ಸು ಕಂಡಿತ್ತು. ಚಾಡ್ವಿಕ್ ಅವರಿಗೆ ಹಾಲಿವುಡ್ನಲ್ಲಿ ಖ್ಯಾತಿಯನ್ನೂ ತಂದುಕೊಟ್ಟಿತ್ತು.</p>.<p>ಚಾಡ್ವಿಕ್ ಅವರ ಅಗಲಿಕೆಗೆ ಅಮೆರಿಕ ಆಧ್ಯಕ್ಷ ಡೊನಾಲ್ಡ್ ಟ್ರಂಪ್, ಅಧ್ಯಕ್ಷೀಯ ಚುನಾವಣೆಯ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೊ ಬೈಡನ್, ಉಪಾಧ್ಯಕ್ಷ ಸ್ಥಾನದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಮುಂತಾದವರು ಕಂಬನಿ ಮಿಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಾಸ್ ಏಂಜಲಿಸ್:</strong> ಹಾಲಿವುಡ್ನ ಸೂಪರ್ ಹಿಟ್ ಚಿತ್ರ ‘ಬ್ಲ್ಯಾಕ್ ಪ್ಯಾಂಥರ್’ ಖ್ಯಾತಿಯ ನಟ, ಚಾಡ್ವಿಕ್ ಬೋಸ್ಮನ್ ಅವರು ದೀರ್ಘಕಾಲಿನ ಕರುಳಿನಕ್ಯಾನ್ಸರ್ನಿಂದಾಗಿ ಶನಿವಾರ ಲಾಸ್ ಏಂಜಲಿಸ್ನಲ್ಲಿ ಕೊನೆಯುಸಿರೆಳೆದಿದ್ದಾರೆ.</p>.<p>‘ಬೋಸ್ಮನ್ (43) ಅವರು ತಮ್ಮ ಆರೋಗ್ಯ ಪರಿಸ್ಥಿತಿಯ ಕುರಿತು ಸಾರ್ವಜನಿಕವಾಗಿ ಎಲ್ಲಿಯೂ ಹೇಳಿಕೊಂಡಿರಲಿಲ್ಲ. ‘ಅಸಂಖ್ಯ’ ಶಸ್ತ್ರಚಕಿತ್ಸೆ ಮತ್ತು ಕೀಮೋಥೆರಪಿಗಳಿಗೆ ಒಳಗಾಗುತ್ತಿದ್ದರೂ, ಅದರ ಮಧ್ಯೆಯೇ ಅವರು ಹಾಲಿವುಡ್ನ ಪ್ರಮುಖ ಚಲನಚಿತ್ರಗಳಲ್ಲಿ ಕೆಲಸ ಮಾಡುವುದನ್ನು ಮುಂದುವರೆಸಿದ್ದರು, ಎಂದು ಅವರ ಕುಟುಂಬ ವರ್ಗ ಹೇಳಿದೆ.</p>.<p>‘ಸೂಪರ್ ಹೀರೊ ಸಿನಿಮಾ ‘ಬ್ಲ್ಯಾಕ್ ಪ್ಯಾಂಥರ್’ನಲ್ಲಿ ‘ಕಿಂಗ್ ಟಿ ಚಲ್ಲಾ’ ಎಂಬ ಪಾತ್ರಕ್ಕೆ ಚಾಡ್ವಿಕ್ ಜೀವಂತಿಕೆ ತಂದು ಕೊಟ್ಟಿದ್ದಾರೆ. ಇದು ಅವರಿಗೆ ಸಿಕ್ಕ ಗೌರವವಾಗಿದೆ,’ ಎಂದು ಕುಟುಂಬಸ್ಥರು ಹೇಳಿದ್ದಾರೆ.</p>.<p>‘ನಿಜವಾದ ಹೋರಾಟಗಾರ ಚಾಡ್ವಿಕ್ ಎಲ್ಲದರಲ್ಲೂ ಸತತ ಹೋರಾಟ ನಡೆಸಿದರು,’ ಎಂದು ಕುಟುಂಬಸ್ಥರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಲಾಸ್ ಏಂಜಲೀಸ್ನ ತಮ್ಮ ಮನೆಯಲ್ಲಿ ತಮ್ಮ ಹೆಂಡತಿ ಮತ್ತು ಕುಟುಂಬದವರ ಜೊತೆಗಿರುವಾಗಲೇ ಅವರು ನಿಧನ ಹೊಂದಿದ್ದಾರೆ.</p>.<p>2018ರಲ್ಲಿ ಬಿಡುಗಡೆಯಾಗಿದ್ದ ಸೂಪರ್ ಹೀರೋ ಆಧಾರಿತ ಚಿತ್ರ ‘ಬ್ಲ್ಯಾಕ್ ಪ್ಯಾಂಥರ್’ ಭಾರೀ ಯಶಸ್ಸು ಕಂಡಿತ್ತು. ಚಾಡ್ವಿಕ್ ಅವರಿಗೆ ಹಾಲಿವುಡ್ನಲ್ಲಿ ಖ್ಯಾತಿಯನ್ನೂ ತಂದುಕೊಟ್ಟಿತ್ತು.</p>.<p>ಚಾಡ್ವಿಕ್ ಅವರ ಅಗಲಿಕೆಗೆ ಅಮೆರಿಕ ಆಧ್ಯಕ್ಷ ಡೊನಾಲ್ಡ್ ಟ್ರಂಪ್, ಅಧ್ಯಕ್ಷೀಯ ಚುನಾವಣೆಯ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೊ ಬೈಡನ್, ಉಪಾಧ್ಯಕ್ಷ ಸ್ಥಾನದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಮುಂತಾದವರು ಕಂಬನಿ ಮಿಡಿದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
