‘ಕೂಲಿ’ ಅವಘಡ ನೆನೆದ ಬಿಗ್‌ ಬಿ

7

‘ಕೂಲಿ’ ಅವಘಡ ನೆನೆದ ಬಿಗ್‌ ಬಿ

Published:
Updated:
Deccan Herald

ನಟ ಅಮಿತಾಭ್‌ ಬಚ್ಚನ್‌ ‘ಕೂಲಿ’ ಚಿತ್ರೀಕರಣದ ವೇಳೆ ಮಾರಣಾಂತಿಕವಾಗಿ ಗಾಯಗೊಂಡಾಗ ಕಣ್ಣೀರಿಟ್ಟ ಅಭಿಮಾನಿಗಳೆಷ್ಟೋ! ಸಾವು ಬದುಕಿನ ಮಧ್ಯೆ ಹೋರಾಡುತ್ತಿದ್ದ ಅಮಿತಾಭ್‌ ಯಾವುದೇ ಚಿಕಿತ್ಸೆಗೆ ಸ್ಪಂದಿಸದೇ ಇದ್ದಾಗ ಕೆಲವು ಕ್ಷಣ ‘ಮೆಡಿಕಲಿ ಡೆಡ್‌’ ಎಂದು ಘೋಷಿಸಿಯೂ ಆಗಿತ್ತು. ಒಂದಾದ ಮೇಲೆ ಒಂದರಂತೆ ನಡೆದ ಶಸ್ತ್ರಚಿಕಿತ್ಸೆಗಳ ಪರಿಣಾಮವಾಗಿ, ಬಿಗ್‌ ಬಿ ಚೇತರಿಸಿಕೊಂಡಿದ್ದರು. 

ಹಾಗೆ ಅವರು ಕಣ್ಣುಬಿಟ್ಟದ್ದು ಆಗಸ್ಟ್‌ 2, 1982ರಂದು. ಹಾಗಾಗಿ, ಅಮಿತಾಭ್‌ ಪಾಲಿಗೆ ಆಗಸ್ಟ್‌ 2, ಮರುಜನ್ಮ ಪಡೆದ ದಿನ. ಗುರುವಾರ, ಬಿಗ್‌ ಬಿ ಮಾಡಿರುವ ಟ್ವೀಟ್‌ನಲ್ಲಿಯೂ ಇದೇ ಪದವನ್ನು ಬಳಸಿದ್ದಾರೆ. ಇಡೀ ದೇಶದ ಪ್ರಾರ್ಥನೆಯ ಫಲವಾಗಿ 36 ವರ್ಷಗಳ ಹಿಂದೆ ನನಗೆ ಮರುಜನ್ಮ ಸಿಕ್ಕಿತು ಎಂದು ಅವರು ಬರೆದಿದ್ದಾರೆ.

1982ರ ಜುಲೈ 26ರಂದು ಬೆಂಗಳೂರು ವಿಶ್ವವಿದ್ಯಾಲಯದ ಆವರಣದಲ್ಲಿ ‘ಕೂಲಿ’ ಚಿತ್ರೀಕರಣ ನಡೆದಿತ್ತು. ಸಹ ನಟ ಪುನೀತ್‌ ಇಸ್ಸಾರ್‌ ಜೊತೆಗಿನ ಹೊಡೆದಾಟದ ಸನ್ನಿವೇಶವೊಂದರಲ್ಲಿ ಮೇಜಿನ ಮೇಲೆ ಜಿಗಿದ ಬಿಗ್‌ ಬಿ ಲೆಕ್ಕಾಚಾರ ತಪ್ಪಿ ಮೇಜು ಮುರಿದು ಹೊಟ್ಟೆಯ ಒಳಭಾಗಕ್ಕೆ ತೀವ್ರ ಪೆಟ್ಟಾಗಿತ್ತು. ತಕ್ಷಣವೇ ಅವರನ್ನು ಮುಂಬೈಗೆ ಸಾಗಿಸಲಾಯಿತಾದರೂ ತೀವ್ರ ಪ್ರಮಾಣದ ರಕ್ತಸ್ರಾವವಾಗಿ ಶೋಚನೀಯ ಸ್ಥಿತಿ ತಲುಪಿದ್ದರು. ಶಸ್ತ್ರಚಿಕಿತ್ಸೆ ವೇಳೆ ಅವರಿಗೆ 60 ಬಾಟಲಿ ರಕ್ತ ನೀಡಲಾಗಿತ್ತು. 200 ರಕ್ತದಾನಿಗಳಿಂದ ಇದನ್ನು ಸಂಗ್ರಹಿಸಲಾಗಿತ್ತು. 

ಹೀಗೆ, ಜೀವನ್ಮರಣ ಹೋರಾಟ ನಡೆಸುತ್ತಿದ್ದಾಗ ಲಕ್ಷಾಂತರ ಮಂದಿ ಮಾಡಿದ ಪ್ರಾರ್ಥನೆ ಮತ್ತು ಹಾರೈಕೆಯೇ ತಮ್ಮನ್ನು ಶೀಘ್ರ ಗುಣಮುಖರನ್ನಾಗಿ ಮಾಡಿತು ಎಂದು ಬಿಗ್‌ ಬಿ ಹೇಳಿಕೊಂಡಿದ್ದಾರೆ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !