ಒಂದೇ ದಿನ ಕಂಗನಾ–ಹೃತಿಕ್ ಸಿನಿಮಾ ಬಿಡುಗಡೆ

ಈ ಚಿತ್ರದಲ್ಲಿ ಕಂಗನಾ ಝಾನ್ಸಿಯ ರಾಣಿಯಾಗಿ ಅಭಿನಯಿಸಿದ್ದು, ಚಿತ್ರವನ್ನು ಕೃಶ್‌ ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ ಕಂಗನಾ ಅಭಿನಯದ ‘ಕಟ್ಟಿ ಬಟ್ಟಿ’, ‘ರಂಗೂನ್‌’, ‘ಸಿಮ್ರಾನ್‌’ ಚಿತ್ರಗಳು ಬಾಕ್ಸ್‌ ಆಫೀಸಿನಲ್ಲಿ ಹಿಟ್‌ ಆಗಿರಲಿಲ್ಲ. ಈಗ ‘ಮಣಿಕರ್ಣಿಕ...’ ಸಿನಿಮಾವು ಕಂಗನಾ ಕೈ ಹಿಡಿಯಲಿದೆಯೇ ಎಂದು ನೋಡಬೇಕಿದೆ.

ಇನ್ನುಕಂಗನಾ ಹಾಗೂ ನಟ ಹೃತಿಕ್‌ ರೋಷನ್‌ ನಡುವಿನ ಮುಸುಕಿನ ಗುದ್ದಾಟ ಮುಗಿಯುವ ಲಕ್ಷಣ ಕಾಣುತ್ತಿಲ್ಲ. ಇದರ ನಡುವೆಯೇ ‘ಮಣಿಕರ್ಣಿಕ...’ ಸಿನಿಮಾ ಬಿಡುಗಡೆಯ ದಿನವೇ ಹೃತಿಕ್‌ ಅಭಿನಯದ ‘ಸೂಪರ್‌ 30’ ಸಿನಿಮಾ ಬಿಡುಗಡೆಯಾಗುತ್ತಿದೆ. ಹೃತಿಕ್‌ ಸಿನಿಮಾ ಬಿಹಾರದ ಗಣಿತಜ್ಞ ಆನಂದ್‌ ಕುಮಾರ್‌ ಜೀವನಕತೆಯನ್ನಾಧರಿಸಿದೆ. ಇಬ್ಬರ ಚಿತ್ರ ಒಂದೇ ದಿನ ಬಿಡುಗಡೆಯಾಗುತ್ತಿರುವುದು ಬಾಲಿವುಡ್‌ನ ಚರ್ಚಾ ವಿಷಯವಾಗಿರುವುದಂತೂ ಸತ್ಯ.