ಜೋ ಲಿಂಡ್ನರ್ ನಿಧನಕ್ಕೆ ಧ್ರುವ ಸರ್ಜಾ ಸಂತಾಪ ಸೂಚಿಸಿದ್ದಾರೆ. 'ಪೊಗರು' ಚಿತ್ರದ ಕ್ಲೈಮ್ಯಾಕ್ಸ್ ದೃಶ್ಯದಲ್ಲಿ ಜೋ ಲಿಂಡ್ನರ್ ಕಾಣಿಸಿಕೊಂಡಿದ್ದರು. ಇದರಲ್ಲಿ ಧ್ರುವ ಸರ್ಜಾ ಹಾಗೂ ಜೋ ಲಿಂಡ್ನರ್ ಫೈಟ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದರು. ಲಿಂಡ್ನರ್ ನಿಧನದ ಬಗ್ಗೆ ದಿಗ್ಭ್ರಮೆ ವ್ಯಕ್ತಪಡಿಸಿ ಧ್ರುವ ಸರ್ಜಾ ಸಂತಾಪ ಸೂಚಿಸಿದ್ದಾರೆ.
ಲಿಂಡ್ನರ್ ನಿಧನದ ಬಗ್ಗೆ ಗೆಳತಿ ನಿಚಾ ಸಾಮಾಜಿಕ ಮಾಧ್ಯಮಗಳಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಏಕಾಏಕಿ ರಕ್ತನಾಳಗಳ ಸಮಸ್ಯೆಯಿಂದಾಗಿ ಲಿಂಡ್ನರ್ ನಿಧನರಾದರು ಎಂದು ಹೇಳಿದ್ದಾರೆ.
ಲಿಂಡ್ನರ್ ಅವರು ಜರ್ಮನ್ ಮೂಲದವರು. ಸದ್ಯ ಅವರು ಗೆಳತಿ ನಿಚಾ ಜೊತೆಯಲ್ಲಿ ಥೈಲ್ಯಾಂಡ್ನಲ್ಲಿ ವಾಸ ಮಾಡುತ್ತಿದ್ದರು ಎಂಬ ಮಾಹಿತಿ ಲಭ್ಯವಾಗಿದೆ.