ಸಾಮಾನ್ಯವಾಗಿ ಬಿಡುಗಡೆಯಾದ 30–40 ದಿನಗಳಲ್ಲಿ ಸಿನಿಮಾಗಳು ಒಟಿಟಿಗೆ ಲಗ್ಗೆ ಇಡುತ್ತವೆ. ‘ಕಾಟೇರ’, 43 ದಿನಗಳ ಬಳಿಕ ಒಟಿಟಿ ವೇದಿಕೆಗೆ ಹೆಜ್ಜೆ ಇಡಲಿದೆ. ‘ಕಾಟೇರ’ ಬಿಡುಗಡೆಯಾಗಿ ಆರನೇ ವಾರವೂ ಕೆಲವಡೆ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಪ್ರಸ್ತುತ 196 ಚಿತ್ರಮಂದಿರ ಹಾಗೂ 63 ಮಲ್ಟಿಪ್ಲೆಕ್ಸ್‌ಗಳಲ್ಲಿ ಪ್ರದರ್ಶನ ಕಾಣುತ್ತಿದೆ. ‘ಯಜಮಾನ’ ಬಳಿಕ ದರ್ಶನ್‌ ಸಿನಿಪಯಣದ ಗ್ರಾಫ್‌ ಏರಿಸಿದ ಈ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ನೂರು ಕೋಟಿಗೂ ಅಧಿಕ ಹಣ ಬಾಚಿದೆ. ನೆಲದ ಕಥೆಯಿದ್ದ ಈ ಸಿನಿಮಾವನ್ನು ಪ್ರೇಕ್ಷಕರು ಮೆಚ್ಚಿಕೊಂಡಿದ್ದರು. ರಾಕ್‌ಲೈನ್‌ ವೆಂಕಟೇಶ್ ನಿರ್ಮಿಸಿರುವ ಈ ಸಿನಿಮಾ ಈಗಾಗಲೇ ಜೀ5 ಜೊತೆ ವಹಿವಾಟು ಮುಗಿಸಿದೆ. ನಿರ್ಮಾಪಕರು ಹಾಗೂ ಒಟಿಟಿ ವೇದಿಕೆ ಮಾಡಿಕೊಂಡ ಒಡಂಬಡಿಕೆಯಂತೆ ಪ್ರೀಮಿಯರ್‌ ಆಗಲಿದೆ.
