38ರ ಹರೆಯದ ಕಿಮ್, ಅಮೆರಿಕದಲ್ಲಷ್ಟೇ ಅಲ್ಲ ಜಾಗತಿಕವಾಗಿಯೂ ಜನಪ್ರಿಯತೆ ಗಳಿಸಿದ್ದಾರೆ. ಇತ್ತೀಚೆಗಷ್ಟೇ ಮೆಟ್ ಗಾಲಾ ಕಾರ್ಯಕ್ರಮದಲ್ಲಿ ತನ್ನ ಮೈಬಣ್ಣದ ಉಡುಪು ತೊಟ್ಟು ನೀರಿನಿಂದ ಈಗಷ್ಟೇ ಎದ್ದ ಜಲಕನ್ಯೆಯಿಂದ ಗೋಚರಿಸುವಂತಿದ್ದ ಕಿಮ್, ನೆರೆದವರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದ್ದರು. ತಮ್ಮ ಆಕರ್ಷಕ ಮೈಮಾಟದ ಕಾರಣಕ್ಕಾಗಿ ಜಗತ್ತಿನಾದ್ಯಂತ ಲಕ್ಷಾಂತರ ಯುವಜನರ ಕಣ್ಮಣಿಯಾಗಿರುವ ಕಿಮ್, ತಮ್ಮ ಹೆಸರಿನದ್ದೇ ಸೌಂದರ್ಯ ಪ್ರಸಾದನಗಳನ್ನು ತಯಾರಿಸಿ ಆನ್ಲೈನ್ ಮೂಲಕ ಲಾಭ ಗಳಿಸುತ್ತಿದ್ದಾರೆ.