ಚಿತ್ರದ ನಿರ್ಮಾಪಕ ಚಂದ್ರಕಾಂತ ಕೊರಳ್ಳಿ ಮಾತನಾಡಿ, ‘ಪಾರ್ವತಿ ತಾಯಿ ಕೊರಳ್ಳಿ ಪ್ರೊಡಕ್ಷನ್ಸ್ ಬ್ಯಾನರ್ನಡಿ ನಿರ್ಮಿಸಿದ ಈ ಚಿತ್ರಕ್ಕೆ ₹ 1 ಕೋಟಿ ವೆಚ್ಚ ಮಾಡಿದ್ದೇವೆ.ಬೆಂಗಳೂರು, ಬೀದರ್, ಜಲಸಂಗಿ ಸೇರಿದಂತೆ ಕಲ್ಯಾಣ ಕರ್ನಾಟಕದ ಹಲವು ಕಡೆ ಚಿತ್ರೀಕರಣ ಮಾಡಿದ್ದೇವೆ. ಐವರು ನಟಿಯರು ಇರುವುದು ಇದರ ಇನ್ನೊಂದು ವಿಶೇಷ. ಬ್ಯಾಚುಲರ್ ಜೀವನದಲ್ಲಿ ಏನೆಲ್ಲ ತಿರುವುಗಳು ಬರುತ್ತವೆ ಎನ್ನುವುದನ್ನು ಮನಮುಟ್ಟುವಂತೆ ತಲುಪಿಸಲು ಯತ್ನಿಸಿದ್ದೇವೆ. ಜನರು ಆಶೀರ್ವಾದ ಮಾಡಿ ಈ ಭಾಗದ ನಟರು, ನಿರ್ದೇಶಕರು, ನಿರ್ಮಾಪಕರನ್ನು ಬೆಳೆಸಬೇಕು’ ಎಂದು ಕೋರಿದರು.