‘ಮಾಸ್ಟರ್‌’ ಚಿತ್ರದ ನಟ ಅರುಣ್‌ ಅಲೆಕ್ಸಾಂಡರ್‌ ಹೃದಯಾಘಾತದಿಂದ ನಿಧನ

ಕಂಠದಾನ ಕಲಾವಿದರೂ ಆಗಿರುವ ಅರುಣ್‌ ಅನೇಕ ಹಾಲಿವುಡ್‌ನ ತಮಿಳು ಅವತರಣಿಕೆಯ ಸಿನಿಮಾಗಳಿಗೆ ದನಿ ನೀಡಿದ್ದಾರೆ. ಲೋಕೇಶ್‌ ಕನಕರಾಜ್‌ ನಿರ್ದೇಶನದ ಕೈದಿಯಲ್ಲಿ ಖಳನಾಯಕ ಪಾತ್ರ ಮಾಡಿದ್ದರು. ಬಿಗಿಲ್‌ನಲ್ಲಿ ಮಿನಿಸ್ಟರ್ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು.

ನಿರ್ದೇಶಕ ಲೋಕೇಶ್ ಕನಕರಾಜ್‌, ರತ್ನ ಕುಮಾರ್, ಕವಿನ್‌ ಸೇರಿದಂತೆ ಕಾಲಿವುಡ್‌ನ ಖ್ಯಾತನಾಮರು ಈ ನಟ ಸಾವಿಗೆ ಸಾಮಾಜಿಕ ಜಾಲತಾಣದಲ್ಲಿ ಸಂತಾಪ ಸೂಚಿಸಿದ್ದಾರೆ.

‘ಅರುಣ್‌ ಸಾವಿನ ಸುದ್ದಿ ಕೇಳಿ ಕಣ್ಣೀರು ತಡೆಯಲು ಸಾಧ್ಯವಾಗುತ್ತಿಲ್ಲ’ ಎಂದು ಬರೆದುಕೊಂಡಿದ್ದಾರೆ ಲೋಕೇಶ್‌. ರತ್ನ ಕುಮಾರ್‌ ಹಾಗೂ ಕವಿನ್‌ ‘ಜೀವನ ನಿಜಕ್ಕೂ ಕೆಟ್ಟದ್ದು’ ಎಂದು ಬರೆದುಕೊಂಡಿದ್ದಾರೆ.