<p>‘ಪಾತ್ರಕ್ಕಾಗಿ ಪಲ್ಲಂಗ’ (ಕಾಸ್ಟಿಂಗ್ ಕೌಚ್) –ಭಾರತೀಯ ಚಿತ್ರರಂಗದ ಅನಿಷ್ಟ ಪದ್ಧತಿ. ಬಾಲಿವುಡ್ ಸೇರಿದಂತೆ ಎಲ್ಲಾ ಭಾಷೆಯ ಚಿತ್ರರಂಗದಲ್ಲೂ ಕಾಸ್ಟಿಂಗ್ ಕೌಚ್ ಪ್ರಕರಣಗಳು ನಡೆದಿರುವುದು ಬೆಳಕಿಗೆ ಬಂದಿವೆ. ಬಹಳಷ್ಟು ನಟಿಯರು ತಾವು ಅನುಭವಿಸಿದ ಈ ನೋವಿನ ಬಗ್ಗೆ ಬಹಿರಂಗವಾಗಿಯೇ ಹೇಳಿಕೊಂಡಿದ್ದಾರೆ.</p>.<p>ಮತ್ತೊಂದೆಡೆ ಚಿತ್ರದಲ್ಲಿ ನಟಿಸಲು ಅಥವಾ ಮಾಡೆಲಿಂಗ್ ಕ್ಷೇತ್ರದಲ್ಲಿ ಕಾಣಿಸಿಕೊಳ್ಳಲು ಹಂಬಲಿಸುವ ಹಲವು ಹುಡುಗಿಯರು ಗ್ಲಾಮರ್ ಲೋಕದ ಕಾಮಕಾಂಡಕ್ಕೆ ಸಿಲುಕುತ್ತಾರೆ. ಚಿತ್ರರಂಗದ ಒಳಸುಳಿಗಳನ್ನು ಅರಿಯದೆ ಲೈಂಗಿಕ ದೌರ್ಜನ್ಯಕ್ಕೆ ತುತ್ತಾಗುತ್ತಾರೆ. ಕೊನೆಯವರೆಗೂ ಅವರಿಗೆ ನ್ಯಾಯ ಸಿಗುವುದಿಲ್ಲ. ಈಗ ಬಾಲಿವುಡ್ನ ಕಾಮಕಾಂಡ ಮತ್ತೊಮ್ಮೆ ಬಯಲಿಗೆ ಬಂದಿದ್ದು, ಈ ಬಗ್ಗೆ ರಾಷ್ಟ್ರೀಯ ಮಹಿಳಾ ಆಯೋಗ ಗರಂ ಆಗಿದೆ.</p>.<p>ಈ ಜಾಲದೊಟ್ಟಿಗೆ ನಿರ್ದೇಶಕ ಮಹೇಶ್ ಭಟ್, ನಟಿಯರಾದ ಊರ್ವಶಿ ರೌಟೇಲ, ಇಶಾ ಗುಪ್ತ, ಮೌನಿ ರಾಯ್ ಸೇರಿದಂತೆ ಹಲವರ ಹೆಸರು ತಳುಕು ಹಾಕಿಕೊಂಡಿದೆ. ಈ ಎಲ್ಲರಿಗೂ ಈಗಾಗಲೇ ಆಯೋಗ ನೋಟಿಸ್ ನೀಡಿದೆ. ಆದರೆ, ಯಾರೊಬ್ಬರೂ ಈ ನೋಟಿಸ್ಗೆ ಕವಡೆಕಾಸಿನ ಕಿಮ್ಮತ್ತು ನೀಡಿಲ್ಲ. ಇದಕ್ಕೆ ಆಯೋಗದ ಅಧ್ಯಕ್ಷೆ ರೇಖಾ ಶರ್ಮಾ ಸಿಟ್ಟಾಗಿದ್ದಾರೆ.</p>.<p>‘ಆಗಸ್ಟ್ 18ರಂದು ಆಯೋಗದ ಸಭೆ ಬೆಳಿಗ್ಗೆ 11.30ಗಂಟೆಗೆ ನಿಗದಿಯಾಗಿದೆ. ಎಲ್ಲರಿಗೂ ಮತ್ತೊಮ್ಮೆ ನೋಟಿಸ್ ಕಳುಹಿಸಿ ಸಭೆಗೆ ಹಾಜರಾಗುವಂತೆ ಸೂಚಿಸಲಾಗುವುದು. ಅಂದು ಸಭೆಗೆ ಗೈರುಹಾಜರಾದರೆ ಆಯೋಗದ ನಿಯಮಾವಳಿ ಅನ್ವಯ ಕ್ರಮ ಜರುಗಿಸಲಾಗುವುದು’ ಎಂದು ಟ್ವಿಟರ್ನಲ್ಲಿ ಎಚ್ಚರಿಕೆ ನೀಡಿದ್ದಾರೆ.</p>.<p><strong>ಕಾಮಕಾಂಡ ಬೆಳಕಿಗೆ ಬಂದಿದ್ದು ಹೇಗೆ?</strong></p>.<p>ಬಾಲಿವುಡ್ನಲ್ಲಿ ಮಾಡೆಲಿಂಗ್ ಹೆಸರಿನಡಿ ಹುಡುಗಿಯರ ಮೇಲೆ ಲೈಂಗಿಕ ಶೋಷಣೆ ನಡೆಯುತ್ತಿದೆ ಎಂದು ಮಹಿಳಾ ಹಕ್ಕುಗಳ ಹೋರಾಟಗಾರ್ತಿ ಯೋಗಿತಾ ಭಯಾನಾ, ಇತ್ತೀಚೆಗೆ ರಾಷ್ಟ್ರೀಯ ಮಹಿಳಾ ಆಯೋಗಕ್ಕೆ ದೂರು ಸಲ್ಲಿಸಿದ್ದರು. ಈ ಸಂಬಂಧ ಆಡಿಯೊ ಟೇಪ್ವೊಂದನ್ನು ಅವರು ಬಿಡುಗಡೆ ಮಾಡಿದ್ದರು. ಆಗಲೇ ಈ ದುಷ್ಕೃತ್ಯ ಬಯಲಿಗೆ ಬಂದಿದ್ದು.</p>.<p>ಹುಡುಗಿಯರು ಮಾಡೆಲಿಂಗ್ನ ಕನಸು ಕಟ್ಟಿಕೊಂಡು ಬರುವುದು ಸರ್ವೇ ಸಾಮಾನ್ಯ. ಸನ್ನಿ ವರ್ಮಾ ಎಂಬ ವ್ಯಕ್ತಿ ಅಂತಹ ಹುಡುಗಿಯರಿಗೆ ಮೋಸ ಮಾಡುತ್ತಿದ್ದಾನೆ. ತನ್ನ ನೀಚ ಕಾಮದ ಕೆಲಸಗಳಿಗೆ ಅವರನ್ನು ಬಳಸಿಕೊಳ್ಳುತ್ತಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.</p>.<p>ಅಂದಹಾಗೆ ಈ ಸನ್ನಿ ಇವೆಂಟ್ ಜಾಹೀರಾತುಗಳನ್ನು ಮಾಡುತ್ತಾನೆ. ಮತ್ತೊಂದೆಡೆ ಆತನ ಮಾಡೆಲಿಂಗ್ ಕಾರ್ಯಕ್ರಮಗಳಿಗೆ ಮಹೇಶ್ ಭಟ್ ಸೇರಿದಂತೆ ಬಿಟೌನ್ನ ಹಲವರು ಬೆಂಬಲ ನೀಡಿರುವುದು ಉಂಟು. ಊರ್ವಶಿ ರೌಟೇಲಾ, ಇಶಾ ಗುಪ್ತ, ಮೌನಿ ರಾಯ್ ಅವರು ಆತನ ಇವೆಂಟ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಹಾಗಾಗಿಯೇ, ಈ ಸೆಲೆಬ್ರಿಟಿಗಳಿಗೆ ಆತನ ಜೊತೆಗೆ ನಂಟು ಇರಬಹುದು. ಹಾಗಾಗಿ, ವಿಚಾರಣೆಗೆ ಹಾಜರಾಗಬೇಕು ಎಂದು ಆಯೋಗ ನೋಟಿಸ್ ಜಾರಿಗೊಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಪಾತ್ರಕ್ಕಾಗಿ ಪಲ್ಲಂಗ’ (ಕಾಸ್ಟಿಂಗ್ ಕೌಚ್) –ಭಾರತೀಯ ಚಿತ್ರರಂಗದ ಅನಿಷ್ಟ ಪದ್ಧತಿ. ಬಾಲಿವುಡ್ ಸೇರಿದಂತೆ ಎಲ್ಲಾ ಭಾಷೆಯ ಚಿತ್ರರಂಗದಲ್ಲೂ ಕಾಸ್ಟಿಂಗ್ ಕೌಚ್ ಪ್ರಕರಣಗಳು ನಡೆದಿರುವುದು ಬೆಳಕಿಗೆ ಬಂದಿವೆ. ಬಹಳಷ್ಟು ನಟಿಯರು ತಾವು ಅನುಭವಿಸಿದ ಈ ನೋವಿನ ಬಗ್ಗೆ ಬಹಿರಂಗವಾಗಿಯೇ ಹೇಳಿಕೊಂಡಿದ್ದಾರೆ.</p>.<p>ಮತ್ತೊಂದೆಡೆ ಚಿತ್ರದಲ್ಲಿ ನಟಿಸಲು ಅಥವಾ ಮಾಡೆಲಿಂಗ್ ಕ್ಷೇತ್ರದಲ್ಲಿ ಕಾಣಿಸಿಕೊಳ್ಳಲು ಹಂಬಲಿಸುವ ಹಲವು ಹುಡುಗಿಯರು ಗ್ಲಾಮರ್ ಲೋಕದ ಕಾಮಕಾಂಡಕ್ಕೆ ಸಿಲುಕುತ್ತಾರೆ. ಚಿತ್ರರಂಗದ ಒಳಸುಳಿಗಳನ್ನು ಅರಿಯದೆ ಲೈಂಗಿಕ ದೌರ್ಜನ್ಯಕ್ಕೆ ತುತ್ತಾಗುತ್ತಾರೆ. ಕೊನೆಯವರೆಗೂ ಅವರಿಗೆ ನ್ಯಾಯ ಸಿಗುವುದಿಲ್ಲ. ಈಗ ಬಾಲಿವುಡ್ನ ಕಾಮಕಾಂಡ ಮತ್ತೊಮ್ಮೆ ಬಯಲಿಗೆ ಬಂದಿದ್ದು, ಈ ಬಗ್ಗೆ ರಾಷ್ಟ್ರೀಯ ಮಹಿಳಾ ಆಯೋಗ ಗರಂ ಆಗಿದೆ.</p>.<p>ಈ ಜಾಲದೊಟ್ಟಿಗೆ ನಿರ್ದೇಶಕ ಮಹೇಶ್ ಭಟ್, ನಟಿಯರಾದ ಊರ್ವಶಿ ರೌಟೇಲ, ಇಶಾ ಗುಪ್ತ, ಮೌನಿ ರಾಯ್ ಸೇರಿದಂತೆ ಹಲವರ ಹೆಸರು ತಳುಕು ಹಾಕಿಕೊಂಡಿದೆ. ಈ ಎಲ್ಲರಿಗೂ ಈಗಾಗಲೇ ಆಯೋಗ ನೋಟಿಸ್ ನೀಡಿದೆ. ಆದರೆ, ಯಾರೊಬ್ಬರೂ ಈ ನೋಟಿಸ್ಗೆ ಕವಡೆಕಾಸಿನ ಕಿಮ್ಮತ್ತು ನೀಡಿಲ್ಲ. ಇದಕ್ಕೆ ಆಯೋಗದ ಅಧ್ಯಕ್ಷೆ ರೇಖಾ ಶರ್ಮಾ ಸಿಟ್ಟಾಗಿದ್ದಾರೆ.</p>.<p>‘ಆಗಸ್ಟ್ 18ರಂದು ಆಯೋಗದ ಸಭೆ ಬೆಳಿಗ್ಗೆ 11.30ಗಂಟೆಗೆ ನಿಗದಿಯಾಗಿದೆ. ಎಲ್ಲರಿಗೂ ಮತ್ತೊಮ್ಮೆ ನೋಟಿಸ್ ಕಳುಹಿಸಿ ಸಭೆಗೆ ಹಾಜರಾಗುವಂತೆ ಸೂಚಿಸಲಾಗುವುದು. ಅಂದು ಸಭೆಗೆ ಗೈರುಹಾಜರಾದರೆ ಆಯೋಗದ ನಿಯಮಾವಳಿ ಅನ್ವಯ ಕ್ರಮ ಜರುಗಿಸಲಾಗುವುದು’ ಎಂದು ಟ್ವಿಟರ್ನಲ್ಲಿ ಎಚ್ಚರಿಕೆ ನೀಡಿದ್ದಾರೆ.</p>.<p><strong>ಕಾಮಕಾಂಡ ಬೆಳಕಿಗೆ ಬಂದಿದ್ದು ಹೇಗೆ?</strong></p>.<p>ಬಾಲಿವುಡ್ನಲ್ಲಿ ಮಾಡೆಲಿಂಗ್ ಹೆಸರಿನಡಿ ಹುಡುಗಿಯರ ಮೇಲೆ ಲೈಂಗಿಕ ಶೋಷಣೆ ನಡೆಯುತ್ತಿದೆ ಎಂದು ಮಹಿಳಾ ಹಕ್ಕುಗಳ ಹೋರಾಟಗಾರ್ತಿ ಯೋಗಿತಾ ಭಯಾನಾ, ಇತ್ತೀಚೆಗೆ ರಾಷ್ಟ್ರೀಯ ಮಹಿಳಾ ಆಯೋಗಕ್ಕೆ ದೂರು ಸಲ್ಲಿಸಿದ್ದರು. ಈ ಸಂಬಂಧ ಆಡಿಯೊ ಟೇಪ್ವೊಂದನ್ನು ಅವರು ಬಿಡುಗಡೆ ಮಾಡಿದ್ದರು. ಆಗಲೇ ಈ ದುಷ್ಕೃತ್ಯ ಬಯಲಿಗೆ ಬಂದಿದ್ದು.</p>.<p>ಹುಡುಗಿಯರು ಮಾಡೆಲಿಂಗ್ನ ಕನಸು ಕಟ್ಟಿಕೊಂಡು ಬರುವುದು ಸರ್ವೇ ಸಾಮಾನ್ಯ. ಸನ್ನಿ ವರ್ಮಾ ಎಂಬ ವ್ಯಕ್ತಿ ಅಂತಹ ಹುಡುಗಿಯರಿಗೆ ಮೋಸ ಮಾಡುತ್ತಿದ್ದಾನೆ. ತನ್ನ ನೀಚ ಕಾಮದ ಕೆಲಸಗಳಿಗೆ ಅವರನ್ನು ಬಳಸಿಕೊಳ್ಳುತ್ತಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.</p>.<p>ಅಂದಹಾಗೆ ಈ ಸನ್ನಿ ಇವೆಂಟ್ ಜಾಹೀರಾತುಗಳನ್ನು ಮಾಡುತ್ತಾನೆ. ಮತ್ತೊಂದೆಡೆ ಆತನ ಮಾಡೆಲಿಂಗ್ ಕಾರ್ಯಕ್ರಮಗಳಿಗೆ ಮಹೇಶ್ ಭಟ್ ಸೇರಿದಂತೆ ಬಿಟೌನ್ನ ಹಲವರು ಬೆಂಬಲ ನೀಡಿರುವುದು ಉಂಟು. ಊರ್ವಶಿ ರೌಟೇಲಾ, ಇಶಾ ಗುಪ್ತ, ಮೌನಿ ರಾಯ್ ಅವರು ಆತನ ಇವೆಂಟ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಹಾಗಾಗಿಯೇ, ಈ ಸೆಲೆಬ್ರಿಟಿಗಳಿಗೆ ಆತನ ಜೊತೆಗೆ ನಂಟು ಇರಬಹುದು. ಹಾಗಾಗಿ, ವಿಚಾರಣೆಗೆ ಹಾಜರಾಗಬೇಕು ಎಂದು ಆಯೋಗ ನೋಟಿಸ್ ಜಾರಿಗೊಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
