ಲಾಸ್ ಏಂಜಲಿಸ್: 2022ರ ಆವೃತ್ತಿಯ ಆಸ್ಕರ್ ಪ್ರಶಸ್ತಿ ಸಮಾರಂಭವನ್ನು ಮುಂದಿನ ವರ್ಷ ಮಾರ್ಚ್ ತಿಂಗಳಲ್ಲಿ ಹಮ್ಮಿಕೊಳ್ಳಲು ನಿರ್ಧರಿಸಲಾಗಿದೆ.
ಈ ಮೊದಲು 2022ರ ಫೆಬ್ರುವರಿ 27ರಂದು ಆಯೋಜಿಸಲು ನಿರ್ಧರಿಸಲಾಗಿತ್ತು. ಈ ದಿನಾಂಕವನ್ನು ಬದಲಾಯಿಸಲಾಗಿದ್ದು, 2022ರ ಮಾರ್ಚ್ 27ರಂದು ಪ್ರಶಸ್ತಿ ಸಮಾರಂಭ ಆಯೋಜಿಸಲಾಗುವುದು ಎಂದು ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆರ್ಟ್ಸ್ ಆ್ಯಂಡ್ ಸೈನ್ಸ್ (ಎಎಂಪಿಎಎಸ್) ತಿಳಿಸಿದೆ.
ಆದರೆ, ಅಕಾಡೆಮಿಯ ಪ್ರಶಸ್ತಿಗೆ ಅರ್ಹ ಚಲನಚಿತ್ರಗಳನ್ನು ಪರಿಗಣಿಸುವ ದಿನಾಂಕವನ್ನು ಬದಲಾಯಿಸಿಲ್ಲ. ಡಿಸೆಂಬರ್ 31 ಕೊನೆಯ ದಿನವಾಗಿದೆ.