ಯಾವೆಲ್ಲ ಸಿನಿಮಾಗಳು ಈ ವಾರ ತೆರೆಗೆ ಬರಲಿವೆ...

ಎಸ್.ವಿ. ಎಂಟರ್‌ಟೈನ್‍ಮೆಂಟ್‌ ಲಾಂಛನದಡಿ ಎಸ್.ವಿ. ನಾರಾಯಣ್‌ ನಿರ್ಮಿಸಿರುವ ದಯಾಳ್ ಪದ್ಮನಾಭನ್ ನಿರ್ದೇಶನದ ‘ರಂಗನಾಯಕಿ ವರ್ಜಿನ್ ವಾಲ್ಯೂಮ್ 1’ ಚಿತ್ರ ಬಿಡುಗಡೆಯಾಗುತ್ತಿದೆ.

ಮಣಿಕಾಂತ್ ಕದ್ರಿ ಅವರ ಸಂಗೀತ ನಿರ್ದೇಶನವಿರುವ ಈ ಚಿತ್ರಕ್ಕೆ ರಾಕೇಶ್ ಅವರ ಛಾಯಾಗ್ರಹಣವಿದೆ. ಸುನಿಲ್‌ ಕಶ್ಯಪ್ ಅವರ ಸಂಕಲನವಿದೆ. ನವೀನ್‍ ಕೃಷ್ಣ ಸಂಭಾಷಣೆ ಬರೆದಿದ್ದಾರೆ. ಅವಿನಾಶ್ ಯು. ಶೆಟ್ಟಿ ಈ ಚಿತ್ರದ ಕಾರ್ಯಕಾರಿ ನಿರ್ಮಾಪಕ. ಅದಿತಿ ಪ್ರಭುದೇವ, ಎಂ.ಜಿ. ಶ್ರೀನಿವಾಸ್(ಶ್ರೀನಿ), ತ್ರಿವಿಕ್ರಮ್, ಶಿವರಾಂ, ಸುಚೇಂದ್ರ ಪ್ರಸಾದ್, ಸುಂದರ್, ವೀಣಾ ಸುಂದರ್, ಶ್ರುತಿ ನಾಯಕ್‌ ತಾರಾಗಣದಲ್ಲಿದ್ದಾರೆ.

***

C++

ಬ್ಲೂ ಎಲಿಮೆಂಟ್‌ ಸಿನಿಮಾಸ್ ಲಾಂಛನದಡಿ ನಿರ್ಮಾಣವಾಗಿರುವ ‘C++’ ಸಿನಿಮಾ ತೆರೆ ಕಾಣುತ್ತಿದೆ.

ಸುರೇಶ್ ಲಿಯೋನ್ ರೇ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ. ಸ್ವೀಡನ್‍ನ ಜಾನ್ ಬೋಬರ್ಗ್‌ ಅವರು ಸಂಗೀತ ಸಂಯೋಜಿಸಿದ್ದಾರೆ. ಸಂದೀಪ್ ಹಂಚಿನ್ ಅವರ ಛಾಯಾಗ್ರಹಣ ಹಾಗೂ ನಾಗೇಂದ್ರ ಅರಸ್ ಅವರ ಸಂಕಲನವಿದೆ.

ಸುರೇಶ್ ಲಿಯೋನ್ ರೇ, ನಾಗೇಂದ್ರ ಅರಸ್, ವಿರಾಜ್ ವಿಸ್ಮಿತ್, ವಿಶುವೀರ್, ಆದರ್ಶ ತಾರಾಬಳಗದಲ್ಲಿದ್ದಾರೆ.

***

ಸ್ಟಾರ್ ಕನ್ನಡಿಗ

ಕರ್ನಾಟಕದಲ್ಲಿ ಕನ್ನಡಿಗನೆ ಸ್ಟಾರ್ ಹಾಗೂ ಸಾರ್ವಭೌಮ ಎಂಬ ಸಂದೇಶ ಹೊತ್ತ ‘ಸ್ಟಾರ್ ಕನ್ನಡಿಗ’ ಸಿನಿಮಾ ಬಿಡುಗಡೆಯಾಗುತ್ತಿದೆ. ಮಂಜುನಾಥ ಪಿಕ್ಚರ್ಸ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣವಾಗಿದೆ.

ಆಟೊ ಚಾಲಕರಾದ ಚನ್ನವೀರ, ಅರುಣ್, ಭೈರವ ಅವರ ಜೊತೆಗೆ ಕ್ಯಾಬ್ ಚಾಲಕ ಹರೀಶ್ ಜೋಗಿ ಬಂಡವಾಳ ಹೂಡಿದ್ದಾರೆ.

ಈ ಚಿತ್ರದ ನಿರ್ದೇಶನದ ಜೊತೆಗೆ ಮಂಜುನಾಥ್ ಅವರೇ ನಾಯಕ ನಟನಾಗಿ ನಟಿಸಿದ್ದಾರೆ. ಬೆಂಗಳೂರು, ಚಿಕ್ಕಬಳ್ಳಾಪುರ, ಕನಕಪುರದ ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಚಿತ್ರದಲ್ಲಿ ಐದು ಹಾಡುಗಳಿವೆ.

ಶಾಲಿನಿ ಭಟ್ ಇದರ ನಾಯಕಿ. ರಾಕ್‌ಲೈನ್ ಸುಧಾಕರ್, ಕಿರಣ್, ರೋಹಿತ್, ಕೆವಿನ್, ಹರೀಶ್, ಮೋಹನ್, ಎಂ. ನಾಗಭೂಷಣ್, ಕೋಬ್ರಾ ನಾಗರಾಜ್ ತಾರಾಗಣದಲ್ಲಿದ್ದಾರೆ.

ಫ್ರಾನ್ಸಿಸ್ ಹಾಗೂ ಪ್ರತಾಪ್ ಅವರ ನೃತ್ಯ ನಿರ್ದೇಶನವಿದೆ. ಮಹಾದೇವ ಅವರ ಛಾಯಾಗ್ರಹಣವಿದೆ. ಶಿವಕುಮಾರಸ್ವಾಮಿ ಅವರ ಸಂಕಲನವಿದೆ. ಪವನ್ ಪಾರ್ಥ ಹಿನ್ನೆಲೆ ಸಂಗೀತ ನೀಡಿದ್ದಾರೆ.