ಪ್ರಭಾಸ್‌ ನಟನೆಯ ’ಸಾಹೋ’ದ ಪೋಸ್ಟರ್‌ಗೆ ಅಭಿಮಾನಿಗಳು ಫಿದಾ

’ನನ್ನ ಮುಂದಿನ ಸಾಹೋ ಚಿತ್ರದ ಪೊಸ್ಟರ್‌ ಬಿಡುಗಡೆಯಾಗಿದ್ದು ಈ ಸಿನಿಮಾ ಆಗಸ್ಟ್‌ 15ರಂದು ಬಿಡುಗಡೆಯಾಗಲಿದೆ ಎಂದುಪ್ರಭಾಸ್‌ಟ್ವೀಟ್‌ ಮಾಡಿದ್ದಾರೆ.

ಯುವಿ ಕ್ರಿಯೇಷನ್‌ ನಿರ್ಮಾಣದ ಸಾಹೋ ಚಿತ್ರ ₹300 ಕೋಟಿ ವೆಚ್ಚದಲ್ಲಿ ತಯಾರುಗುತ್ತಿದೆ. ಸುಜೀತ್ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಪ್ರಭಾಸ್‌ಗೆ ಜೋಡಿಯಾಗಿ ಬಾಲಿವುಡ್‌ನ ಶ್ರದ್ಧಾ ಕಪೂರ್ ನಟಿಸಿದ್ದಾರೆ.ಅರುಣ್ ವಿಜಯ್, ಮಂದಿರಾ ಬೇಡಿ, ಜಾಕಿ ಶ್ರಾಫ್, ಮುರಳಿ ಶರ್ಮಾ, ಆದಿತ್ಯ ಶ್ರೀವಾತ್ಸವ್ ಸೇರಿದಂತೆ ದೊಡ್ಡ ತಾರಾ ಬಳಗವೇ ಇರುವ ಸಾಹೋ ಚಿತ್ರ ಭಾರತ ಮಾತ್ರವಲ್ಲದೆ ವಿದೇಶದಲ್ಲೂ ನಿರೀಕ್ಷೆ ಹುಟ್ಟು ಹಾಕಿದೆ.

‘ಬಾಹುಬಲಿ’ ಸಿನಿಮಾದ ಬಳಿಕ ಪ್ರಭಾಸ್‌ ಮಾಸ್‌ ಲುಕ್‌ನಲ್ಲಿ ಮಿಂಚಿದ್ದಾರೆ. ಕನ್ನಡಕ ಹಾಕಿಕೊಂಡು ಖಡಕ್‌ ಲುಕ್‌ನಲ್ಲಿ ಪ್ರಭಾಸ್‌ ಕಾಣಿಸಿಕೊಂಡಿದ್ದಾರೆ. ತೆಲುಗು, ತಮಿಳು, ಹಿಂದಿ ಭಾಷೆಗಳಲ್ಲಿ ಬರುವ ಆಗಸ್ಟ್ 15ರಂದು ಸಾಹೋ ಸಿನಿಮಾ ಬಿಡುಗಡೆಯಾಗಲಿದೆ.