ನವದೆಹಲಿ : ಬಾಲಿವುಡ್ ನಟ ಶಾರುಖ್ ಖಾನ್ ವಿಶ್ವದಾದ್ಯಂತ ಅನೇಕ ಅಭಿಮಾನಿಗಳನ್ನು ಪಡೆದಿದ್ದಾರೆ. ಶಾರುಖ್ ಖಾನ್ ಭೇಟಿಗಾಗಿ ಅವರ ಅಭಿಮಾನಿಗಳು ಹರಸಾಹಸ ಪಡುತ್ತಾರೆ. ಅಲ್ಲದೇ ತಮ್ಮ ನೆಚ್ಚಿನ ನಾಯಕನ ನೋಡುವ ಇಂಗಿತವನ್ನು ಕೊನೆತನಕ ವ್ಯಕ್ತಪಡಿಸುತ್ತಾರೆ. ಇದೀಗ ಶಾರುಖ್ ಖಾನ್ ಕ್ಯಾನ್ಸರ್ ಪೀಡಿತ ಮಹಿಳಾ ಅಭಿಮಾನಿಯೊಬ್ಬರಿಗೆ ವಿಡಿಯೊ ಕರೆ ಮಾಡಿ ಸುಮಾರು 30 ನಿಮಿಷಗಳ ಕಾಲ ಮಾತನಾಡಿ ಅವರ ಕೊನೆ ಆಸೆ ಪೂರೈಸಿದ್ದಾರೆ.
ಕೋಲ್ಕತ್ತ ಮೂಲದ ಪ್ರಿಯಾ ಚಕ್ರವರ್ತಿ ಎಂಬುವವರ ತಾಯಿ ಶಿವಾನಿ ಚಕ್ರವರ್ತಿ(60) ಹಲವು ವರ್ಷಗಳಿಂದ ಕ್ಯಾನ್ಸರ್ನಿಂದ ಬಳಲುತ್ತಿದ್ದರು. ಕಾಯಿಲೆ ದಿನದಿಂದ ದಿನಕ್ಕೆ ಉಲ್ಬಣಿಸುತ್ತಿದ್ದು, ಸಾಯುವ ಮೊದಲು ಶಾರುಖ್ ಖಾನ್ ನೋಡಬೇಕೆಂಬ ಆಸೆ ವ್ಯಕ್ತಪಡಿಸಿದ್ದರು. ತಮ್ಮ ತಾಯಿಯ ಕೊನೆ ಆಸೆ ಪೂರೈಸುವ ಸಲುವಾಗಿ ಮಗಳು ಪ್ರಿಯಾ ಟ್ವಿಟರ್ ಅಭಿಯಾನವನ್ನು ಪ್ರಾರಂಭಿಸಿದರು. ಶಾರುಖ್ ಖಾನ್ ಭೇಟಿ ಮಾಡುವ ಅವಕಾಶ ಕಲ್ಪಿಸಿ ಕೊಡುವಂತೆ ಮನವಿ ಮಾಡಿದ್ದರು.
ಕೊನೆಗೂ ಅಭಿಯಾನ ಕೋರಿಕೆಗೆ ಶಾರುಖ್ ಖಾನ್ ಸ್ಪಂದಿಸಿದ್ದಾರೆ. ವಿಡಿಯೋ ಕರೆ ಮೂಲಕ ಶಿವಾನಿ ಚಕ್ರವರ್ತಿ ಅವರ ಜೊತೆ ಸುಮಾರು 30 ನಿಮಿಷಗಳ ಕಾಲ ಶಾರುಖ್ ಮಾತನಾಡಿದ್ದಾರೆ. ಈ ಬಗ್ಗೆ ಪ್ರಿಯಾ ಚಕ್ರವರ್ತಿ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
Remember Shivani that 60yrs Old Last Stage Cancer Patient from Kolkata Her Last Wish Was to Meet @iamsrk Sir?
— SRKian Faizy ( FAN ) (@SrkianFaizy9955) May 23, 2023
Her Wish Got Fulfilled Last Night, Today SRK Sir Called her Talked almost 30 Minutes, He is The Humblest Star on Earth for a Reason,
1/4 pic.twitter.com/gWSSgQpzv4
‘ನನ್ನ ತಾಯಿ ಪೂರ್ಣ ಗುಣಮುಖರಾಗಲಿ ಎಂದು ಶಾರುಖ್ ಖಾನ್ ಪ್ರಾರ್ಥಿಸಿದ್ದಾರೆ. ನನ್ನ ತಾಯಿಗಾಗಿ ದುವಾ ಓದಿದರು. ನನ್ನ ಮದುವೆಗೆ ಬರುವುದಾಗಿ ತಾಯಿಗೆ ಭರವಸೆ ನೀಡಿದ್ದಾರೆ. ಅಲ್ಲದೇ ಕೋಲ್ಕತ್ತಗೆ ಭೇಟಿ ನೀಡಿದ ವೇಳೆ ತಾಯಿ ಮಾಡಿದ ಮೀನು ಸಾರು ತಿನ್ನುವುದಾಗಿ ಹೇಳಿದ್ದಾರೆ‘ ಎಂದು ಪ್ರಿಯಾ ಚಕ್ರವರ್ತಿ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
ಕ್ಯಾನ್ಸರ್ ಪೀಡಿತ ಅಭಿಮಾನಿಯ ಜೊತೆ ಶಾರುಖ್ ಖಾನ್ ಮಾತನಾಡಿರುವ ವಿಷಯ ತಿಳಿದು ಅವರ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಶಾರುಖ್ ಖಾನ್ ಮತ್ತು ಶಿವಾನಿ ಅವರ ವಿಡಿಯೊ ಕರೆಯ ದೃಶ್ಯಗಳನ್ನು ಹಂಚಿಕೊಂಡಿದ್ದಾರೆ.
Thank You #ShahRukhKhan for fulfilling a FAN's last dream, @SRKsRouter1!
— Shah Rukh Khan Warriors FAN Club (@TeamSRKWarriors) May 23, 2023
Truly the King of hearts ❤️ pic.twitter.com/lVYTou5Ka7
As all knows , my dream has been fulfilled, I want to thank some people first of all.
— Priya Chakraborty, প্রিয়া চক্রবর্তী (@SRKsRouter1) May 23, 2023
I want to thank @SrkianFaizy9955 and @TeamSRKWarriors for their enormous efforts, 🙏🙌 no words for them🤗 pic.twitter.com/yPSM25bbQ3
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.