ಸೋಮವಾರ, ಜುಲೈ 4, 2022
24 °C

ಹೃತಿಕ್‌ ನೈಜ ನಟನೆಗೆ ಫಿದಾ

ಏಜನ್ಸಿಸ್ Updated:

ಅಕ್ಷರ ಗಾತ್ರ : | |

Prajavani

‘ಸೂಪರ್‌ 30’ ಚಿತ್ರದಲ್ಲಿ ಹೃತಿಕ್‌ ರೋಷನ್‌ ನನ್ನ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಹೃತಿಕ್‌ ಪರಾಕಾಯ ಪ್ರವೇಶ ಮಾಡಿದ್ದಾರೆ. ನನ್ನ ನಿರೀಕ್ಷೆಗಳನ್ನೂ ಮೀರಿ ಅವರು ಅದ್ಭುತವಾಗಿ ನಟಿಸಿದ್ದಾರೆ ಎಂದು ಗಣಿತಜ್ಞ ಆನಂದ್‌ ಕುಮಾರ್‌ ಸಂತಸ ಹಂಚಿಕೊಂಡಿದ್ದಾರೆ.

ಬಿಹಾರದಲ್ಲಿ ಐಐಟಿ-ಜೆಇಇ ಪ್ರವೇಶ ಪರೀಕ್ಷೆಗೆ ಬಡ ಮಕ್ಕಳಿಗೆ ಉಚಿತ ತರಬೇತಿ ಕೇಂದ್ರ ನಡೆಸುತ್ತಿರುವ ಆನಂದ್‌ ಕುಮಾರ್‌ ಜೀವನಕತೆಯನ್ನು ಆಧರಿಸಿದ ಚಿತ್ರವಿದು.  'ಕೋಚಿಂಗ್‌ ಸೆಂಟರ್‌ನ ಹಳೆಯ ವಿದ್ಯಾರ್ಥಿಗಳು ಟ್ರೇಲರ್‌ ನೋಡಿ ಫೋನ್‌, ವಾಟ್ಸ್ಯಾಪ್‌ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹೃತಿಕ್‌ ಪಾಠ ಮಾಡುವ ದೃಶ್ಯ ನೋಡಿ ನಾವು ಕಲಿತ ಕ್ಷಣಗಳು ನೆನಪಾಯಿತು ಎಂದು ಹಳೆ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ’ ಎಂದು ಆನಂದ್‌ ಹೇಳಿದ್ದಾರೆ. 

ಪಾತ್ರಕ್ಕಾಗಿ ಅವರು ವಿಶೇಷ ಪ್ರಯತ್ನಗಳನ್ನು ಮಾಡುತ್ತಾರೆ. ಅವರ ಯೋಚನೆಯೂ ಇತರರಿಗಿಂತ ವಿಭಿನ್ನ. ಪಾತ್ರಕ್ಕಾಗಿ ಅವರು ಅನೇಕ ಸಲ ನನ್ನ ಜೊತೆ ಕುಳಿತುಕೊಂಡು ಚರ್ಚಿಸಿದ್ದಾರೆ. ಹಾಗೇ ಕೆಲವೊಮ್ಮೆ ನಿಜ ಜೀವನದ ವಿಡಿಯೊಗಳನ್ನು ನನ್ನಿಂದ ಪಡೆದುಕೊಂಡು ಪಾತ್ರಕ್ಕಾಗಿ ತಯಾರಿ ನಡೆಸಿದ್ದಾರೆ. ನಾನು ಯಾವ ರೀತಿ ಕೈ ತಿರುಗಿಸುತ್ತಿನೋ ಅದೇ ರೀತಿ ಹೃತಿಕ್‌ ಕೂಡ ಅಭಿನಯಿಸಿದ್ದಾರೆ. ಅಷ್ಟರ ಮಟ್ಟಿಗೆ ಅನುಕರಿಸಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಆನಂದ್‌ ಕುಟುಂಬ ಸದಸ್ಯರೂ ಕೂಡ ಹೃತಿಕ್‌ ನಟನೆಯನ್ನು ಮೆಚ್ಚಿಕೊಂಡಿದ್ದಾರಂತೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು