<p><strong>ಚೆನ್ನೈ:</strong> ‘ಜೈಭೀಮ್ ಚಿತ್ರದ ನಿರ್ದೇಶಕ ಟಿ.ಜಿ.ಜ್ಞಾನವೇಲ್ ಅವರ ಚಿತ್ರದಲ್ಲಿ ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್ ನಟಿಸಿದರೆ, ಅವರ ಚಿತ್ರಗಳನ್ನು ಬಹಿಷ್ಕರಿಸಲಾಗುವುದು’ ಎಂಬ ಹೇಳಿಕೆ ಮೈಕ್ರೊ ಬ್ಲಾಗಿಂಗ್ ವೇದಿಕೆ ‘ಎಕ್ಸ್‘ನಲ್ಲಿ ಟ್ರೆಂಡ್ ಆಗಿದೆ.</p><p>#VanniyarsBoycottRajinikanth #VanniyarsBoycottGnanavel #VanniyarsBoycottLyca</p><p>ಈ ಕುರಿತ ಹ್ಯಾಷ್ಟ್ಯಾಗ್ಗಳು ಈಗ ತಮಿಳು ಸಿನಿ ಪ್ರಿಯರ ಎಕ್ಸ್ (ಟ್ವಿಟರ್) ವೇದಿಕೆಯಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. </p><p>ಸೂರ್ಯ ನಟನೆಯ, ಜ್ಞಾನವೇಲ್ ನಿರ್ದೇಶನದ ಜೈಭೀಮ್ ಚಿತ್ರದಲ್ಲಿ ಕೆಲ ಸಮುದಾಯಗಳ ಭಾವನೆಗೆ ಧಕ್ಕೆಯಾಗುವ ರೀತಿಯಲ್ಲಿ ತೋರಿಸಲಾಗಿದೆ. ಇದೀಗ ರಜನಿಕಾಂತ್ ಅವರು ಜ್ಞಾನವೇಲ್ ಜೊತೆ ಕೈಜೋಡಿಸಿದರೆ ಅವರ ಚಿತ್ರಗಳನ್ನೂ ಬಹಿಷ್ಕರಿಸಲಾಗುವುದು ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p><p>'ವನ್ನಿಯಾರ್ ಸಮುದಾಯವನ್ನು ಅವಮಾನಿಸಿ ಕ್ಷಮೆ ಕೇಳದ ನಿರ್ದೇಶಕ ಜ್ಞಾನವೇಲ್ ಮಾಡಿದ ಎಲ್ಲಾ ಸಿನಿಮಾಗಳನ್ನು ಕಡೆಗಣಿಸೋಣ‘ ಎಂದು ಕೆಲವರು ಹೇಳಿದ್ದಾರೆ.</p>.<p>ಜೈಭೀಮ್ ಚಿತ್ರದ ಯಶಸ್ಸಿನ ನಂತರ ಜ್ಞಾನವೇಲ್ ಅವರು ತಲೈವಾ–170 ಎಂಬ ಚಿತ್ರದ ನಿರ್ದೇಶನ ಆರಂಭಿಸಿದ್ದಾರೆ. ಜೈಲರ್ ಚಿತ್ರದ ಯಶಸ್ಸಿನಲ್ಲಿರುವ ರಜನಿಕಾಂತ್ ಅವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಮುಹೂರ್ತ ಇತ್ತೀಚೆಗಷ್ಟೇ ನಡೆದಿತ್ತು. ಸದ್ಯ ಮೊದಲ ಹಂತದ ಚಿತ್ರೀಕರಣ ಕೇರಳದಲ್ಲಿ ನಡೆಯುತ್ತಿದೆ. </p><p>ಪೊಲೀಸ್ ಅಧಿಕಾರಿಯ ನೈಜ ಕಥೆಯನ್ನು ಆಧರಿಸಿದ ಚಿತ್ರ ಇದು ಎನ್ನಲಾಗಿದೆ. ಈ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್, ಫಹಾದ್ ಫಾಸಿಲ್, ಮಂಜು ವಾರಿಯರ್, ರಾಣಾ ದಗ್ಗುಬಾಟಿ, ರಿತಿಕಾ ಸಿಂಗ್, ದುಷೇರಾ ವಿಜಯನ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಅರವಿಂದ ರವಿಚಂದರ್ ಅವರ ಸಂಗೀತ, ಛಾಯಾಗ್ರಹಣದಲ್ಲಿ ಆರ್. ಕಾಥಿರ್ ಕೆಲಸ ಮಾಡುತ್ತಿದ್ದಾರೆ.</p><p>ಎಕ್ಸ್ನಲ್ಲಿ ಹರಿದಾಡುತ್ತಿರುವ ಚಿತ್ರ ಬಹಿಷ್ಕಾರದ ಅಭಿಯಾನ ತಲೈವಾ–170ಗೆ ಆರಂಭಿಕ ಆಘಾತ ನೀಡಿದೆ. ಈ ಅಭಿಯಾನದ ಕುರಿತು ರಜನಿಕಾಂತ್ ಅವರು ಯಾವ ಪ್ರತಿಕ್ರಿಯೆ ನೀಡಲಿದ್ದಾರೆ ಎಂಬುದನ್ನು ಎದುರುನೋಡುತ್ತಿದ್ದೇವೆ ಎಂದೂ ಕೆಲವರು ಬರೆದುಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ‘ಜೈಭೀಮ್ ಚಿತ್ರದ ನಿರ್ದೇಶಕ ಟಿ.ಜಿ.ಜ್ಞಾನವೇಲ್ ಅವರ ಚಿತ್ರದಲ್ಲಿ ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್ ನಟಿಸಿದರೆ, ಅವರ ಚಿತ್ರಗಳನ್ನು ಬಹಿಷ್ಕರಿಸಲಾಗುವುದು’ ಎಂಬ ಹೇಳಿಕೆ ಮೈಕ್ರೊ ಬ್ಲಾಗಿಂಗ್ ವೇದಿಕೆ ‘ಎಕ್ಸ್‘ನಲ್ಲಿ ಟ್ರೆಂಡ್ ಆಗಿದೆ.</p><p>#VanniyarsBoycottRajinikanth #VanniyarsBoycottGnanavel #VanniyarsBoycottLyca</p><p>ಈ ಕುರಿತ ಹ್ಯಾಷ್ಟ್ಯಾಗ್ಗಳು ಈಗ ತಮಿಳು ಸಿನಿ ಪ್ರಿಯರ ಎಕ್ಸ್ (ಟ್ವಿಟರ್) ವೇದಿಕೆಯಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. </p><p>ಸೂರ್ಯ ನಟನೆಯ, ಜ್ಞಾನವೇಲ್ ನಿರ್ದೇಶನದ ಜೈಭೀಮ್ ಚಿತ್ರದಲ್ಲಿ ಕೆಲ ಸಮುದಾಯಗಳ ಭಾವನೆಗೆ ಧಕ್ಕೆಯಾಗುವ ರೀತಿಯಲ್ಲಿ ತೋರಿಸಲಾಗಿದೆ. ಇದೀಗ ರಜನಿಕಾಂತ್ ಅವರು ಜ್ಞಾನವೇಲ್ ಜೊತೆ ಕೈಜೋಡಿಸಿದರೆ ಅವರ ಚಿತ್ರಗಳನ್ನೂ ಬಹಿಷ್ಕರಿಸಲಾಗುವುದು ಎಂದು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p><p>'ವನ್ನಿಯಾರ್ ಸಮುದಾಯವನ್ನು ಅವಮಾನಿಸಿ ಕ್ಷಮೆ ಕೇಳದ ನಿರ್ದೇಶಕ ಜ್ಞಾನವೇಲ್ ಮಾಡಿದ ಎಲ್ಲಾ ಸಿನಿಮಾಗಳನ್ನು ಕಡೆಗಣಿಸೋಣ‘ ಎಂದು ಕೆಲವರು ಹೇಳಿದ್ದಾರೆ.</p>.<p>ಜೈಭೀಮ್ ಚಿತ್ರದ ಯಶಸ್ಸಿನ ನಂತರ ಜ್ಞಾನವೇಲ್ ಅವರು ತಲೈವಾ–170 ಎಂಬ ಚಿತ್ರದ ನಿರ್ದೇಶನ ಆರಂಭಿಸಿದ್ದಾರೆ. ಜೈಲರ್ ಚಿತ್ರದ ಯಶಸ್ಸಿನಲ್ಲಿರುವ ರಜನಿಕಾಂತ್ ಅವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿತ್ರದ ಮುಹೂರ್ತ ಇತ್ತೀಚೆಗಷ್ಟೇ ನಡೆದಿತ್ತು. ಸದ್ಯ ಮೊದಲ ಹಂತದ ಚಿತ್ರೀಕರಣ ಕೇರಳದಲ್ಲಿ ನಡೆಯುತ್ತಿದೆ. </p><p>ಪೊಲೀಸ್ ಅಧಿಕಾರಿಯ ನೈಜ ಕಥೆಯನ್ನು ಆಧರಿಸಿದ ಚಿತ್ರ ಇದು ಎನ್ನಲಾಗಿದೆ. ಈ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್, ಫಹಾದ್ ಫಾಸಿಲ್, ಮಂಜು ವಾರಿಯರ್, ರಾಣಾ ದಗ್ಗುಬಾಟಿ, ರಿತಿಕಾ ಸಿಂಗ್, ದುಷೇರಾ ವಿಜಯನ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಅರವಿಂದ ರವಿಚಂದರ್ ಅವರ ಸಂಗೀತ, ಛಾಯಾಗ್ರಹಣದಲ್ಲಿ ಆರ್. ಕಾಥಿರ್ ಕೆಲಸ ಮಾಡುತ್ತಿದ್ದಾರೆ.</p><p>ಎಕ್ಸ್ನಲ್ಲಿ ಹರಿದಾಡುತ್ತಿರುವ ಚಿತ್ರ ಬಹಿಷ್ಕಾರದ ಅಭಿಯಾನ ತಲೈವಾ–170ಗೆ ಆರಂಭಿಕ ಆಘಾತ ನೀಡಿದೆ. ಈ ಅಭಿಯಾನದ ಕುರಿತು ರಜನಿಕಾಂತ್ ಅವರು ಯಾವ ಪ್ರತಿಕ್ರಿಯೆ ನೀಡಲಿದ್ದಾರೆ ಎಂಬುದನ್ನು ಎದುರುನೋಡುತ್ತಿದ್ದೇವೆ ಎಂದೂ ಕೆಲವರು ಬರೆದುಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
