ಹೈದರಾಬಾದ್: ಸಮಂತಾ ನಟಿಸುತ್ತಿರುವ ‘ಯಶೋದಾ’ಚಿತ್ರ ತಂಡಕ್ಕೆ ತಮಿಳು ನಟಿ ವರಲಕ್ಷ್ಮೀ ಶರತ್ ಕುಮಾರ್ ಅವರು ಸೇರಿಕೊಂಡಿದ್ದಾರೆ.
ಸಮಂತಾ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರದಲ್ಲಿ ವರಲಕ್ಷ್ಮೀ ಸಹ ಪ್ರಮುಖಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇದೇ ಮೊದಲ ಬಾರಿಗೆ ವರಲಕ್ಷ್ಮೀ ಶರತ್ ಕುಮಾರ್ ಅವರು ಸಮಂತಾ ರುತ್ ಪ್ರಭು ಅವರ ಜೊತೆ ತೆರೆ ಹಂಚಿಕೊಳ್ಖುತ್ತಿದ್ಧಾರೆ.
ಕನ್ನಡದ ಮಾಣಿಕ್ಯ, ವಿಸ್ಮಯಾ ಚಿತ್ರಗಳಲ್ಲೂ ವರಲಕ್ಷ್ಮೀ ಅಭಿನಯಿಸಿದ್ದರು. ಮಾರ್ಚ್ 2022ರ ವೇಳೆಗೆ ಚಿತ್ರದ ಶೂಟಿಂಗ್ ಮುಗಿಸಿ ತೆರೆಗೆ ತರಲು ನಿರ್ಮಾಪಕರು ಉದ್ದೇಶಿಸಿದ್ದಾರೆ ಎಂದು ವರದಿಯಾಗಿದೆ.
ಇದು ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು, ಹಿಂದಿ, ಕನ್ನಡ, ತೆಲುಗು, ಮಲಯಾಳಂ ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ.
ಇತ್ತೀಚೆಗೆ, ಪೌರಾಣಿಕ ಚಿತ್ರ ‘ಶಕುಂತಲಂ’ಚಿತ್ರೀಕರಣವನ್ನು ಮುಗಿಸಿರುವ ಸಮಂತಾ, ಸದ್ಯದಲ್ಲೇ ‘ಯಶೋದಾ’ಚಿತ್ರತಂಡವನ್ನು ಸೇರಿಕೊಳ್ಳಲಿದ್ದಾರೆ.