<p>ಸಂಪಿಗೆ ಮೂಗು.. ದಾಳಿಂಬೆ ಎಸಳಿನಂಥ ಹಲ್ಲುಗಳು.. ಮಿಂಚಿನಂಥ ಕಣ್ಣೋಟ.. ಹಾಲಂಥ ಮೈಬಣ್ಣ.. ಇಂಥ ವರ್ಣನೆಗೆ ಪಕ್ಕಾಗುವಂತೆ ಕಾಣುವ ಸೌಂದರ್ಯವತಿ ಐಶ್ವರ್ಯಾ ನಾಗ್. ಮಂಗಳೂರಿನ ಈ ಚೆಲುವೆ ಮುಕ್ತವಾಗಿ ಮಾತಿಗೆ ಸಿಕ್ಕರು. <br /> <br /> <strong>ಓದಿದ್ದು ಮಸ್ಕತ್ನಲ್ಲಿ. ಚೆಂದ ಕನ್ನಡ ಮಾತನಾಡುತ್ತೀರಿ. ಹೇಗೆ?</strong><br /> ನನ್ನೂರು ದಕ್ಷಿಣ ಕನ್ನಡ. ಪ್ರಾಥಮಿಕ ಶಿಕ್ಷಣ ದುಬೈನ ಮಸ್ಕತ್ನಲ್ಲಿ. ಕಾಲೇಜಿಗೆಂದು ಬೆಂಗಳೂರಿಗೆ ಬಂದೆ. ಸದ್ಯ ಬಿಕಾಂ ಅಂತಿಮ ವರ್ಷದ ವಿದ್ಯಾರ್ಥಿನಿ. ಇಲ್ಲಿಗೆ ಬಂದಮೇಲೆಯೇ ಕನ್ನಡ ಕಲಿತದ್ದು. <br /> <br /> <strong>‘ನಾಗ್’ ಎಂದರೆ?</strong><br /> ತಂದೆ ಹೆಸರು ನಾಗೇಂದ್ರ ಶೆಣೈ. ಅದಕ್ಕೇ ನನ್ನ ಹೆಸರ ಮುಂದೆ ನಾಗ್ ಇರುವುದು. <br /> <br /> <strong>ನಟನೆಯಲ್ಲಿ ಆಸಕ್ತಿ ಬೆಳೆದ ಬಗೆ?</strong><br /> ನೃತ್ಯ-ಸಂಗೀತದಲ್ಲಿ ಆಸಕ್ತಿ ಇತ್ತು. ಅಮ್ಮ ಪ್ರಶಾಂತಿ ನಾಯಕ್ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದವರು. ರಕ್ತಗತವಾಗಿಯೇ ನನಗೆ ನಟನೆ ಬಂದಿದೆ. <br /> <br /> <strong>‘ನೀನೇ ನೀನೇ’ ಚಿತ್ರಕ್ಕೆ ಆಯ್ಕೆಯಾದದ್ದು ಹೇಗೆ?</strong><br /> ‘ನೀನೇ ನೀನೇ’ ನನ್ನ ಮೊದಲ ಚಿತ್ರ. ನಾನಾಗ ಪಿಯುಸಿ ಮುಗಿಸಿದ್ದೆ. ಅದಕ್ಕಿಂತ ಮುಂಚೆ ಅವಕಾಶಗಳು ಬಂದಿದ್ದರೂ, ಪಾತ್ರ ಇಷ್ಟವಾಗದೇ ಒಪ್ಪಿಕೊಂಡಿರಲಿಲ್ಲ. ‘ನೀನೇ ನೀನೇ’ ಚಿತ್ರದ ಪಾತ್ರದಲ್ಲಿ ನಟನೆಗೆ ಅವಕಾಶವಿತ್ತು. ಅದರ ನಟನೆಗೆ ಒಳ್ಳೆ ವಿಮರ್ಶೆಗಳೂ ಬಂದವು.<br /> <br /> <strong>‘ಜಾಲಿಡೇಸ್’ಗೆ ಹೇಗೆ ಜೊತೆಯಾದಿರಿ?</strong><br /> ಪಾತ್ರ ಚೆನ್ನಾಗಿತ್ತು, ಒಪ್ಪಿಕೊಂಡೆ. ಬಳಿಕ ಓದು ಮತ್ತು ನಟನೆಯನ್ನು ನಿಭಾಯಿಸಲು ನನ್ನಿಂದ ಸಾಧ್ಯವಾಗಲಿಲ್ಲ. ಅದಕ್ಕೆ ಸಾಕಷ್ಟು ಅವಕಾಶಗಳನ್ನು ನಿರಾಕರಿಸಿದೆ. ಸ್ವಲ್ಪ ದಿನ ಯಾವ ಅವಕಾಶವನ್ನೂ ಒಪ್ಪಿಕೊಳ್ಳಲಿಲ್ಲ. ‘ಪುಂಡ’, ‘ಚೆಲುವೆಯೇ ನಿನ್ನೇ ನೋಡಲು’ ಮುಂತಾದ ಚಿತ್ರಗಳ ಅವಕಾಶ ಕೈಬಿಟ್ಟೆ. <br /> <br /> <strong>ಅಂದರೆ ನಟನೆ ನಿಮಗೆ ಹವ್ಯಾಸವೇ?</strong><br /> ಇಲ್ಲ. ಒಂದು ವರ್ಷದ ಹಿಂದೆ ನಟನೆ ನನಗೆ ಹವ್ಯಾಸವೇ ಆಗಿತ್ತು. ಇದೀಗ ನಟನೆಯನ್ನು ಗಂಭೀರವಾಗಿ ಪರಿಗಣಿಸಿ ದೂರ ಶಿಕ್ಷಣದ ಮೂಲಕ ಓದು ಮುಂದುವರಿಸುತ್ತಿದ್ದೇನೆ. ನಾನು ಮುಂಚಿನಿಂದಲೂ ಓದಿನಲ್ಲಿ ಮುಂದು. ತಂದೆಗೆ ನಾನು ಎಂಬಿಎ ಪದವಿ ಪಡೆಯಬೇಕು ಎಂಬಾಸೆ. <br /> <br /> <strong>ಬೇರೆ ಭಾಷೆಯಲ್ಲಿ ಅವಕಾಶಗಳು ಬರುತ್ತಿವೆಯೇ?</strong><br /> ತೆಲುಗಿನ ಇವಿವಿ ಸತ್ಯನಾರಾಯಣ ನಿರ್ದೇಶನದ ‘ಬಿರಿಡಿ’ ಚಿತ್ರದಲ್ಲಿ ನಟಿಸಿದೆ. ಸದ್ಯ ಪ್ರಶಾಂತ್ ನಾಯಕನಾಗಿರುವ ತಮಿಳಿನ ‘ಪೊಲ್ಲಾರ್ ಶಂಕರ್’ ಚಿತ್ರದಲ್ಲಿ ನಟಿಸುತ್ತಿದ್ದೇನೆ. <br /> <br /> <strong>ಕನ್ನಡದಲ್ಲಿ ಹೊಸ ಪ್ರಾಜೆಕ್ಟ್?</strong><br /> ಓಂ ಪ್ರಕಾಶ್ ರಾವ್ ಅವರ ಬಳಿ ಸಹಾಯಕರಾಗಿದ್ದ ಸುನೀಲ್ ನಿರ್ದೇಶನದ, ವಿಜಯ ರಾಘವೇಂದ್ರ ನಾಯಕರಾಗಿರುವ ‘ವಿಘ್ನೇಶ್ವರ’ ಚಿತ್ರೀಕರಣ ನಡೆಯುತ್ತಿದೆ.<br /> <br /> <strong>‘ಕಳ್ಮಂಜ’ ಒಪ್ಪಿಕೊಳ್ಳಲು ಕಾರಣ?</strong><br /> ಕೋಮಲ್ ಅನುಭವಿ ನಟ. ಅವರಿಗೆ ಚಿತ್ರರಂಗದಲ್ಲಿ ಒಳ್ಳೆಯ ಇಮೇಜ್ ಇದೆ. ಅಷ್ಟೇ ಅಲ್ಲ, ಪಾತ್ರವೂ ನನಗಿಷ್ಟವಾಯಿತು. <br /> <br /> <strong>ಗ್ಲಾಮರ್ ಬಗ್ಗೆ? </strong><br /> ಕಥೆಗೆ ಅಗತ್ಯ ಇದ್ದರೆ ಗ್ಲಾಮರ್ ಓಕೆ. ಆದರೆ ವಲ್ಗರ್ ಇಷ್ಟವಾಗಲ್ಲ. ಕನ್ನಡದಲ್ಲಿ ಡೀಸೆಂಟಾಗಿ ಮಾಡಿಸ್ತಾರೆ. ಅಷ್ಟು ವಲ್ಗಾರಿಟಿ ಇಲ್ಲ ಅನ್ಸುತ್ತೆ. ಇಲ್ಲಿ ಕೆಟ್ಟ ಅನುಭವಗಳೇ ನನಗಾಗಿಲ್ಲ.<br /> <br /> <strong>ಇಷ್ಟದ ಪಾತ್ರಗಳು?<br /> </strong>‘ಜಬ್ ವಿ ಮೆಟ್’ನಲ್ಲಿ ಕರೀನಾ ಕಪೂರ್, ‘ಬ್ಲ್ಯಾಕ್’ನಲ್ಲಿ ರಾಣಿ ಮುಖರ್ಜಿ, ‘ಗೆಜ್ಜೆಪೂಜೆ’ಯಲ್ಲಿ ಕಲ್ಪನಾ ನಟಿಸಿದ ಪಾತ್ರಗಳು ಇಷ್ಟ.<br /> <br /> <strong>ಪಾತ್ರವೊಂದಕ್ಕೆ ಹೇಗೆ ಸಿದ್ಧವಾಗುವಿರಿ?</strong><br /> ಆ ಪಾತ್ರಕ್ಕೆ ನನ್ನ ದೇಹಭಾಷೆ ಹೊಂದಿಸಿಕೊಳ್ಳಲು ಆರಂಭಿಸುತ್ತೇನೆ. ಬೇರೆಯವರ ಅಭಿನಯವನ್ನು ಗಮನಿಸಿ ನನ್ನ ಅಭಿನಯದಲ್ಲಿ ಸುಧಾರಣೆ ಮಾಡಿಕೊಳ್ಳಲು ಪ್ರಯತ್ನಿಸುವೆ.<br /> <br /> <strong>ನೀವೇ ಡಬ್ಬಿಂಗ್ ಮಾಡುವಿರಾ?</strong><br /> ಇಲ್ಲ. ಆರಂಭದಲ್ಲಿ ನನ್ನ ಕನ್ನಡ ಅಷ್ಟು ಚೆನ್ನಾಗಿರಲಿಲ್ಲ. ಅಭಿನಯದಲ್ಲೂ ಮತ್ತು ಕನ್ನಡದಲ್ಲೂ ದಿನದಿಂದ ದಿನಕ್ಕೆ ಸುಧಾರಣೆ ಕಾಣುತ್ತಿದ್ದೇನೆ.<br /> <br /> <strong>ಟೀಕೆಗಳನ್ನು ಹೇಗೆ ಸ್ವೀಕರಿಸುವಿರಿ?</strong><br /> ನನಗೆ ಹೊಗಳಿದರೆ ಖುಷಿಯಾಗಲ್ಲ. ಟೀಕಿಸಿದರೆ ಖುಷಿಯಾಗುತ್ತದೆ. ಸುಧಾರಣೆ ಆಗೋದು ಟೀಕೆಯಿಂದಲೇ ಅಲ್ಲವೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಂಪಿಗೆ ಮೂಗು.. ದಾಳಿಂಬೆ ಎಸಳಿನಂಥ ಹಲ್ಲುಗಳು.. ಮಿಂಚಿನಂಥ ಕಣ್ಣೋಟ.. ಹಾಲಂಥ ಮೈಬಣ್ಣ.. ಇಂಥ ವರ್ಣನೆಗೆ ಪಕ್ಕಾಗುವಂತೆ ಕಾಣುವ ಸೌಂದರ್ಯವತಿ ಐಶ್ವರ್ಯಾ ನಾಗ್. ಮಂಗಳೂರಿನ ಈ ಚೆಲುವೆ ಮುಕ್ತವಾಗಿ ಮಾತಿಗೆ ಸಿಕ್ಕರು. <br /> <br /> <strong>ಓದಿದ್ದು ಮಸ್ಕತ್ನಲ್ಲಿ. ಚೆಂದ ಕನ್ನಡ ಮಾತನಾಡುತ್ತೀರಿ. ಹೇಗೆ?</strong><br /> ನನ್ನೂರು ದಕ್ಷಿಣ ಕನ್ನಡ. ಪ್ರಾಥಮಿಕ ಶಿಕ್ಷಣ ದುಬೈನ ಮಸ್ಕತ್ನಲ್ಲಿ. ಕಾಲೇಜಿಗೆಂದು ಬೆಂಗಳೂರಿಗೆ ಬಂದೆ. ಸದ್ಯ ಬಿಕಾಂ ಅಂತಿಮ ವರ್ಷದ ವಿದ್ಯಾರ್ಥಿನಿ. ಇಲ್ಲಿಗೆ ಬಂದಮೇಲೆಯೇ ಕನ್ನಡ ಕಲಿತದ್ದು. <br /> <br /> <strong>‘ನಾಗ್’ ಎಂದರೆ?</strong><br /> ತಂದೆ ಹೆಸರು ನಾಗೇಂದ್ರ ಶೆಣೈ. ಅದಕ್ಕೇ ನನ್ನ ಹೆಸರ ಮುಂದೆ ನಾಗ್ ಇರುವುದು. <br /> <br /> <strong>ನಟನೆಯಲ್ಲಿ ಆಸಕ್ತಿ ಬೆಳೆದ ಬಗೆ?</strong><br /> ನೃತ್ಯ-ಸಂಗೀತದಲ್ಲಿ ಆಸಕ್ತಿ ಇತ್ತು. ಅಮ್ಮ ಪ್ರಶಾಂತಿ ನಾಯಕ್ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದವರು. ರಕ್ತಗತವಾಗಿಯೇ ನನಗೆ ನಟನೆ ಬಂದಿದೆ. <br /> <br /> <strong>‘ನೀನೇ ನೀನೇ’ ಚಿತ್ರಕ್ಕೆ ಆಯ್ಕೆಯಾದದ್ದು ಹೇಗೆ?</strong><br /> ‘ನೀನೇ ನೀನೇ’ ನನ್ನ ಮೊದಲ ಚಿತ್ರ. ನಾನಾಗ ಪಿಯುಸಿ ಮುಗಿಸಿದ್ದೆ. ಅದಕ್ಕಿಂತ ಮುಂಚೆ ಅವಕಾಶಗಳು ಬಂದಿದ್ದರೂ, ಪಾತ್ರ ಇಷ್ಟವಾಗದೇ ಒಪ್ಪಿಕೊಂಡಿರಲಿಲ್ಲ. ‘ನೀನೇ ನೀನೇ’ ಚಿತ್ರದ ಪಾತ್ರದಲ್ಲಿ ನಟನೆಗೆ ಅವಕಾಶವಿತ್ತು. ಅದರ ನಟನೆಗೆ ಒಳ್ಳೆ ವಿಮರ್ಶೆಗಳೂ ಬಂದವು.<br /> <br /> <strong>‘ಜಾಲಿಡೇಸ್’ಗೆ ಹೇಗೆ ಜೊತೆಯಾದಿರಿ?</strong><br /> ಪಾತ್ರ ಚೆನ್ನಾಗಿತ್ತು, ಒಪ್ಪಿಕೊಂಡೆ. ಬಳಿಕ ಓದು ಮತ್ತು ನಟನೆಯನ್ನು ನಿಭಾಯಿಸಲು ನನ್ನಿಂದ ಸಾಧ್ಯವಾಗಲಿಲ್ಲ. ಅದಕ್ಕೆ ಸಾಕಷ್ಟು ಅವಕಾಶಗಳನ್ನು ನಿರಾಕರಿಸಿದೆ. ಸ್ವಲ್ಪ ದಿನ ಯಾವ ಅವಕಾಶವನ್ನೂ ಒಪ್ಪಿಕೊಳ್ಳಲಿಲ್ಲ. ‘ಪುಂಡ’, ‘ಚೆಲುವೆಯೇ ನಿನ್ನೇ ನೋಡಲು’ ಮುಂತಾದ ಚಿತ್ರಗಳ ಅವಕಾಶ ಕೈಬಿಟ್ಟೆ. <br /> <br /> <strong>ಅಂದರೆ ನಟನೆ ನಿಮಗೆ ಹವ್ಯಾಸವೇ?</strong><br /> ಇಲ್ಲ. ಒಂದು ವರ್ಷದ ಹಿಂದೆ ನಟನೆ ನನಗೆ ಹವ್ಯಾಸವೇ ಆಗಿತ್ತು. ಇದೀಗ ನಟನೆಯನ್ನು ಗಂಭೀರವಾಗಿ ಪರಿಗಣಿಸಿ ದೂರ ಶಿಕ್ಷಣದ ಮೂಲಕ ಓದು ಮುಂದುವರಿಸುತ್ತಿದ್ದೇನೆ. ನಾನು ಮುಂಚಿನಿಂದಲೂ ಓದಿನಲ್ಲಿ ಮುಂದು. ತಂದೆಗೆ ನಾನು ಎಂಬಿಎ ಪದವಿ ಪಡೆಯಬೇಕು ಎಂಬಾಸೆ. <br /> <br /> <strong>ಬೇರೆ ಭಾಷೆಯಲ್ಲಿ ಅವಕಾಶಗಳು ಬರುತ್ತಿವೆಯೇ?</strong><br /> ತೆಲುಗಿನ ಇವಿವಿ ಸತ್ಯನಾರಾಯಣ ನಿರ್ದೇಶನದ ‘ಬಿರಿಡಿ’ ಚಿತ್ರದಲ್ಲಿ ನಟಿಸಿದೆ. ಸದ್ಯ ಪ್ರಶಾಂತ್ ನಾಯಕನಾಗಿರುವ ತಮಿಳಿನ ‘ಪೊಲ್ಲಾರ್ ಶಂಕರ್’ ಚಿತ್ರದಲ್ಲಿ ನಟಿಸುತ್ತಿದ್ದೇನೆ. <br /> <br /> <strong>ಕನ್ನಡದಲ್ಲಿ ಹೊಸ ಪ್ರಾಜೆಕ್ಟ್?</strong><br /> ಓಂ ಪ್ರಕಾಶ್ ರಾವ್ ಅವರ ಬಳಿ ಸಹಾಯಕರಾಗಿದ್ದ ಸುನೀಲ್ ನಿರ್ದೇಶನದ, ವಿಜಯ ರಾಘವೇಂದ್ರ ನಾಯಕರಾಗಿರುವ ‘ವಿಘ್ನೇಶ್ವರ’ ಚಿತ್ರೀಕರಣ ನಡೆಯುತ್ತಿದೆ.<br /> <br /> <strong>‘ಕಳ್ಮಂಜ’ ಒಪ್ಪಿಕೊಳ್ಳಲು ಕಾರಣ?</strong><br /> ಕೋಮಲ್ ಅನುಭವಿ ನಟ. ಅವರಿಗೆ ಚಿತ್ರರಂಗದಲ್ಲಿ ಒಳ್ಳೆಯ ಇಮೇಜ್ ಇದೆ. ಅಷ್ಟೇ ಅಲ್ಲ, ಪಾತ್ರವೂ ನನಗಿಷ್ಟವಾಯಿತು. <br /> <br /> <strong>ಗ್ಲಾಮರ್ ಬಗ್ಗೆ? </strong><br /> ಕಥೆಗೆ ಅಗತ್ಯ ಇದ್ದರೆ ಗ್ಲಾಮರ್ ಓಕೆ. ಆದರೆ ವಲ್ಗರ್ ಇಷ್ಟವಾಗಲ್ಲ. ಕನ್ನಡದಲ್ಲಿ ಡೀಸೆಂಟಾಗಿ ಮಾಡಿಸ್ತಾರೆ. ಅಷ್ಟು ವಲ್ಗಾರಿಟಿ ಇಲ್ಲ ಅನ್ಸುತ್ತೆ. ಇಲ್ಲಿ ಕೆಟ್ಟ ಅನುಭವಗಳೇ ನನಗಾಗಿಲ್ಲ.<br /> <br /> <strong>ಇಷ್ಟದ ಪಾತ್ರಗಳು?<br /> </strong>‘ಜಬ್ ವಿ ಮೆಟ್’ನಲ್ಲಿ ಕರೀನಾ ಕಪೂರ್, ‘ಬ್ಲ್ಯಾಕ್’ನಲ್ಲಿ ರಾಣಿ ಮುಖರ್ಜಿ, ‘ಗೆಜ್ಜೆಪೂಜೆ’ಯಲ್ಲಿ ಕಲ್ಪನಾ ನಟಿಸಿದ ಪಾತ್ರಗಳು ಇಷ್ಟ.<br /> <br /> <strong>ಪಾತ್ರವೊಂದಕ್ಕೆ ಹೇಗೆ ಸಿದ್ಧವಾಗುವಿರಿ?</strong><br /> ಆ ಪಾತ್ರಕ್ಕೆ ನನ್ನ ದೇಹಭಾಷೆ ಹೊಂದಿಸಿಕೊಳ್ಳಲು ಆರಂಭಿಸುತ್ತೇನೆ. ಬೇರೆಯವರ ಅಭಿನಯವನ್ನು ಗಮನಿಸಿ ನನ್ನ ಅಭಿನಯದಲ್ಲಿ ಸುಧಾರಣೆ ಮಾಡಿಕೊಳ್ಳಲು ಪ್ರಯತ್ನಿಸುವೆ.<br /> <br /> <strong>ನೀವೇ ಡಬ್ಬಿಂಗ್ ಮಾಡುವಿರಾ?</strong><br /> ಇಲ್ಲ. ಆರಂಭದಲ್ಲಿ ನನ್ನ ಕನ್ನಡ ಅಷ್ಟು ಚೆನ್ನಾಗಿರಲಿಲ್ಲ. ಅಭಿನಯದಲ್ಲೂ ಮತ್ತು ಕನ್ನಡದಲ್ಲೂ ದಿನದಿಂದ ದಿನಕ್ಕೆ ಸುಧಾರಣೆ ಕಾಣುತ್ತಿದ್ದೇನೆ.<br /> <br /> <strong>ಟೀಕೆಗಳನ್ನು ಹೇಗೆ ಸ್ವೀಕರಿಸುವಿರಿ?</strong><br /> ನನಗೆ ಹೊಗಳಿದರೆ ಖುಷಿಯಾಗಲ್ಲ. ಟೀಕಿಸಿದರೆ ಖುಷಿಯಾಗುತ್ತದೆ. ಸುಧಾರಣೆ ಆಗೋದು ಟೀಕೆಯಿಂದಲೇ ಅಲ್ಲವೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>