<p>ಬುದ್ಧಿವಂತ ನಿರ್ಮಾಪಕ, ವ್ಯವಹಾರ ಚತುರ ಎಂಬ ಗುಣವಿಶೇಷಣಗಳಿಗೆ ಪಕ್ಕಾಗಿರುವ ರಾಕ್ಲೈನ್ ವೆಂಕಟೇಶ್ ನಾಲ್ಕು ಪರದೆಗಳ ಮಲ್ಟಿಪ್ಲೆಕ್ಸ್ ಕಟ್ಟಿಸಿದ್ದಾರೆ. ನಾಲ್ಕೂ ತೆರೆಗಳ ಮೇಲೆ ಈ ವಾರ `ಪರಮಾತ್ಮ~ ಚಿತ್ರ ಪ್ರದರ್ಶನ. ಅದರೊಂದಿಗೆ `ರಾಕ್ಲೈನ್ ಸಿನಿಮಾಸ್~ ಪ್ರಾರಂಭ. <br /> <br /> ಜಾಲಹಳ್ಳಿ ಕ್ರಾಸ್ ಬಳಿ ಒಂದು ಎಕರೆ ಜಾಗದಲ್ಲಿ ನಿರ್ಮಿತವಾಗಿರುವ `ರಾಕ್ಲೈನ್ ಮಾಲ್ ಹಾಗೂ ಸಿನಿಮಾಸ್~ ಕಟ್ಟಡದ್ದು ಮೂರು ವರ್ಷದ ಯೋಜನೆ. ಈಗ ಕಾಮಗಾರಿ ಮುಗಿದಿದ್ದು, ಇನ್ನು ಮೂರು ತಿಂಗಳಲ್ಲಿ ಮಾಲ್ ಕೂಡ ಶುರುವಾಗಲಿದೆ. <br /> <br /> ನಾಲ್ಕು ಪರದೆಗಳ ಎದುರಿನ ಒಟ್ಟು ಸೀಟುಗಳ ಸಂಖ್ಯೆ 960. ಟಿಕೇಟ್ ದರವನ್ನು ಇನ್ನೂ ನಿಗದಿ ಪಡಿಸಿಲ್ಲ ಎಂದ ರಾಕ್ಲೈನ್, ಕನ್ನಡ ಚಿತ್ರಗಳಿಗೆ ಪರಭಾಷಾ ಚಿತ್ರಗಳಿಗಿಂತ ಕಡಿಮೆ ದರ ನಿಗದಿಪಡಿಸುವುದಾಗಿ ಭರವಸೆ ಕೊಟ್ಟರು. <br /> <br /> ಶಿವರಾಜ್ಕುಮಾರ್, ರಾಘವೇಂದ್ರ ರಾಜ್ಕುಮಾರ್ ಹಾಗೂ ಪುನೀತ್ ರಾಜ್ಕುಮಾರ್ ದಂಪತಿಗಳು ಟೇಪ್ ಕತ್ತರಿಸುವ ಮೂಲಕ `ರಾಕ್ಲೈನ್ ಸಿನಿಮಾಸ್~ ಉದ್ಘಾಟಿಸಿದ್ದು ವಿಶೇಷ. ನಿರ್ಮಾಪಕರ ದಂಡು ಹಾಗೂ ಚಿತ್ರೋದ್ಯಮದ ಅನೇಕರು ಈ ಸಂದರ್ಭಕ್ಕೆ ಸಾಕ್ಷಿಯಾಗಿದ್ದರು. <br /> <br /> ಕಬ್ಬಿನ ಜಲ್ಲೆಯಲ್ಲಿ ಒಂದು ಹನಿ ರಸವನ್ನೂ ಬಿಡದೆ ಅರೆಯುವಂತೆ ಮಲ್ಟಿಪ್ಲೆಕ್ಸ್ಗಳು ವ್ಯಾಪಾರ ನಡೆಸುತ್ತಿವೆ. ಅದರಿಂದ ಚಿತ್ರೋದ್ಯಮಕ್ಕೂ ಒಳ್ಳೆಯದಾಗುತ್ತಿದೆ. ಹಾಗಾಗಿ ಈ ವ್ಯಾಪಾರಕ್ಕೆ ಕೈಹಾಕಿದೆ ಎಂದು ರಾಕ್ಲೈನ್ ತಮ್ಮ ಈ ಯೋಜನೆಯ ಉದ್ದೇಶವನ್ನು ಬಿಚ್ಚಿಟ್ಟರು. ಇಟಲಿ, ಸ್ಪೇನ್ ಮೊದಲಾದ ದೇಶಗಳಿಂದ ತರಿಸಿದ ಉಪಕರಣಗಳಿಂದ ಮಲ್ಟಿಪ್ಲೆಕ್ಸ್ ಸಜ್ಜುಗೊಳಿಸಿರುವುದರಿಂದ ಚಿತ್ರ ಹಾಗೂ ಧ್ವನಿಯ ಗುಣಮಟ್ಟ ಅತ್ಯುತ್ತಮವಾಗಿರುತ್ತದೆ ಎಂದೂ ರಾಕ್ಲೈನ್ ಹೇಳಿದರು. <br /> <br /> ಆಸ್ಟ್ರೇಲಿಯಾದಲ್ಲಿ ಮಾರ್ಕೆಟಿಂಗ್ ವಿಷಯದಲ್ಲಿ ಕಲಿತು ಬಂದಿರುವ ಮಗ ಯತೀಶ್ ದೂರದೃಷ್ಟಿಯಿಂದ ಈ ಹೊಸ ಉದ್ಯಮಕ್ಕೆ ಕಾಲಿಟ್ಟ ಗುಟ್ಟನ್ನೂ ಅವರು ಹಂಚಿಕೊಂಡರು. ಇನ್ನೊಬ್ಬ ಮಗ ಅಭಿಲಾಷ್ ಅತಿಥಿ ಸತ್ಕಾರದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬುದ್ಧಿವಂತ ನಿರ್ಮಾಪಕ, ವ್ಯವಹಾರ ಚತುರ ಎಂಬ ಗುಣವಿಶೇಷಣಗಳಿಗೆ ಪಕ್ಕಾಗಿರುವ ರಾಕ್ಲೈನ್ ವೆಂಕಟೇಶ್ ನಾಲ್ಕು ಪರದೆಗಳ ಮಲ್ಟಿಪ್ಲೆಕ್ಸ್ ಕಟ್ಟಿಸಿದ್ದಾರೆ. ನಾಲ್ಕೂ ತೆರೆಗಳ ಮೇಲೆ ಈ ವಾರ `ಪರಮಾತ್ಮ~ ಚಿತ್ರ ಪ್ರದರ್ಶನ. ಅದರೊಂದಿಗೆ `ರಾಕ್ಲೈನ್ ಸಿನಿಮಾಸ್~ ಪ್ರಾರಂಭ. <br /> <br /> ಜಾಲಹಳ್ಳಿ ಕ್ರಾಸ್ ಬಳಿ ಒಂದು ಎಕರೆ ಜಾಗದಲ್ಲಿ ನಿರ್ಮಿತವಾಗಿರುವ `ರಾಕ್ಲೈನ್ ಮಾಲ್ ಹಾಗೂ ಸಿನಿಮಾಸ್~ ಕಟ್ಟಡದ್ದು ಮೂರು ವರ್ಷದ ಯೋಜನೆ. ಈಗ ಕಾಮಗಾರಿ ಮುಗಿದಿದ್ದು, ಇನ್ನು ಮೂರು ತಿಂಗಳಲ್ಲಿ ಮಾಲ್ ಕೂಡ ಶುರುವಾಗಲಿದೆ. <br /> <br /> ನಾಲ್ಕು ಪರದೆಗಳ ಎದುರಿನ ಒಟ್ಟು ಸೀಟುಗಳ ಸಂಖ್ಯೆ 960. ಟಿಕೇಟ್ ದರವನ್ನು ಇನ್ನೂ ನಿಗದಿ ಪಡಿಸಿಲ್ಲ ಎಂದ ರಾಕ್ಲೈನ್, ಕನ್ನಡ ಚಿತ್ರಗಳಿಗೆ ಪರಭಾಷಾ ಚಿತ್ರಗಳಿಗಿಂತ ಕಡಿಮೆ ದರ ನಿಗದಿಪಡಿಸುವುದಾಗಿ ಭರವಸೆ ಕೊಟ್ಟರು. <br /> <br /> ಶಿವರಾಜ್ಕುಮಾರ್, ರಾಘವೇಂದ್ರ ರಾಜ್ಕುಮಾರ್ ಹಾಗೂ ಪುನೀತ್ ರಾಜ್ಕುಮಾರ್ ದಂಪತಿಗಳು ಟೇಪ್ ಕತ್ತರಿಸುವ ಮೂಲಕ `ರಾಕ್ಲೈನ್ ಸಿನಿಮಾಸ್~ ಉದ್ಘಾಟಿಸಿದ್ದು ವಿಶೇಷ. ನಿರ್ಮಾಪಕರ ದಂಡು ಹಾಗೂ ಚಿತ್ರೋದ್ಯಮದ ಅನೇಕರು ಈ ಸಂದರ್ಭಕ್ಕೆ ಸಾಕ್ಷಿಯಾಗಿದ್ದರು. <br /> <br /> ಕಬ್ಬಿನ ಜಲ್ಲೆಯಲ್ಲಿ ಒಂದು ಹನಿ ರಸವನ್ನೂ ಬಿಡದೆ ಅರೆಯುವಂತೆ ಮಲ್ಟಿಪ್ಲೆಕ್ಸ್ಗಳು ವ್ಯಾಪಾರ ನಡೆಸುತ್ತಿವೆ. ಅದರಿಂದ ಚಿತ್ರೋದ್ಯಮಕ್ಕೂ ಒಳ್ಳೆಯದಾಗುತ್ತಿದೆ. ಹಾಗಾಗಿ ಈ ವ್ಯಾಪಾರಕ್ಕೆ ಕೈಹಾಕಿದೆ ಎಂದು ರಾಕ್ಲೈನ್ ತಮ್ಮ ಈ ಯೋಜನೆಯ ಉದ್ದೇಶವನ್ನು ಬಿಚ್ಚಿಟ್ಟರು. ಇಟಲಿ, ಸ್ಪೇನ್ ಮೊದಲಾದ ದೇಶಗಳಿಂದ ತರಿಸಿದ ಉಪಕರಣಗಳಿಂದ ಮಲ್ಟಿಪ್ಲೆಕ್ಸ್ ಸಜ್ಜುಗೊಳಿಸಿರುವುದರಿಂದ ಚಿತ್ರ ಹಾಗೂ ಧ್ವನಿಯ ಗುಣಮಟ್ಟ ಅತ್ಯುತ್ತಮವಾಗಿರುತ್ತದೆ ಎಂದೂ ರಾಕ್ಲೈನ್ ಹೇಳಿದರು. <br /> <br /> ಆಸ್ಟ್ರೇಲಿಯಾದಲ್ಲಿ ಮಾರ್ಕೆಟಿಂಗ್ ವಿಷಯದಲ್ಲಿ ಕಲಿತು ಬಂದಿರುವ ಮಗ ಯತೀಶ್ ದೂರದೃಷ್ಟಿಯಿಂದ ಈ ಹೊಸ ಉದ್ಯಮಕ್ಕೆ ಕಾಲಿಟ್ಟ ಗುಟ್ಟನ್ನೂ ಅವರು ಹಂಚಿಕೊಂಡರು. ಇನ್ನೊಬ್ಬ ಮಗ ಅಭಿಲಾಷ್ ಅತಿಥಿ ಸತ್ಕಾರದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
