<p>ಐದು ದಶಕಗಳಿಂದ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತದಲ್ಲಿ ತೊಡಗಿಕೊಂಡಿರುವ ಖ್ಯಾತ ಗಾಯಕ ಅಜಯ್ ಪೊಹಂಕರ್ ತಮ್ಮ ನೂತನ ಆಲ್ಬಂ ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿ ಅವರ ಪುತ್ರ ಅಭಿಜಿತ್ ಪೊಹಂಕರ್ ಗಾಯಕನಾಗಿ ಪರಿಚಯವಾಗಿರುವುದೇ ಅಲ್ಲದೇ ಹಾಡುಗಳಿಗೆ ಹೊಸ ರೀತಿಯಲ್ಲಿ ರಾಗ ಸಂಯೋಜನೆ ಮಾಡಿರುವುದು ವಿಶೇಷ.<br /> <br /> ಇತ್ತೀಚೆಗೆ `ಟುಮ್ರಿ ಫಂಕ್~ ಹೆಸರಿನ ಪೊಹಂಕರ್ ಅವರ ಮ್ಯೂಸಿಕ್ ಆಲ್ಬಂ ಬಿಡುಗಡೆಯಾಯಿತು. ಚಿತ್ರ ಸಾಹಿತಿ ಮತ್ತು ನಾಟಕಕಾರ ಪ್ರಸೂನ್ ಜೋಶಿ ಸೀಡಿಗಳನ್ನು ಬಿಡುಗಡೆ ಮಾಡಿ ಶುಭ ಹಾರೈಸಿದರು. ಸಮಾರಂಭದಲ್ಲಿ ಪಂಕಜ್ ಉದಾಸ್, ಮಿಲಿಂದ್ ಗುನಜಿ ಮುಂತಾದವರು ಹಾಜರಿದ್ದರು.<br /> <br /> ಸಮಕಾಲೀನ ಸಂಗೀತದ ಶೈಲಿಗೆ ಸಾಂಪ್ರದಾಯಿಕ ಟುಮ್ರಿಯನ್ನು ಬೆರೆಸಿರುವ ಪ್ರಯೋಗ ಈ ಹಾಡುಗಳಲ್ಲಿ ಇದೆ. ಅಭಿಜಿತ್ ಒಂದು ಹಾಡು ಹಾಡುವ ಮೂಲಕ ಗಾಯಕ ಲೋಕಕ್ಕೆ ಪ್ರವೇಶ ಪಡೆದಿದ್ದಾರೆ. ಅವರದೇ ರಾಗ ಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಹಾಡುಗಳು ಯುವಜನರನ್ನು ದೃಷ್ಟಿಯಲ್ಲಿ ಇಟ್ಟುಕೊಂಡು ಮಾಡಿರುವ ಪ್ರಯೋಗ ಎನ್ನಲಾಗಿದೆ.<br /> <br /> `ನಾನು ಸಮಕಾಲೀನ ಶೈಲಿ ಮತ್ತು ಸಾಂಪ್ರದಾಯಿಕ ಟುಮ್ರಿಯನ್ನು ಬೆರೆಸಬೇಕೆಂದು ಬಯಸಿದಾಗ ತಂದೆ ಸಹಕರಿಸಿದರು. ಅದರಿಂದಲೇ ಕೇಳುಗರಿಗೆ ಹಿತವಾದ ಮತ್ತು ತಾಜಾ ರಾಗಗಳಿಂದ ಕೂಡಿದ ಆಲ್ಬಂ ಹೊರಬರಲು ಸಾಧ್ಯವಾಯಿತು~ ಎಂದಿದ್ದಾರೆ ಅಭಿಜಿತ್. <br /> <br /> ಸೀಡಿಯಲ್ಲಿ `ನೈನಾ ಮೊರೆ..~ ಎಂಬ ಉಸ್ತಾದ್ ಬಡೇ ಗುಲಾಂ ಅಲಿ ಖಾನ್ ಹಾಡಿರುವ ಹಾಡನ್ನು ಸೇರಿಸಲಾಗಿದೆ. ಏಳು ಹಾಡುಗಳಲ್ಲಿ ಐದು ಹಾಡುಗಳನ್ನು ಅಜಯ್ ಹಾಡಿದ್ದಾರೆ. `ಈ ಸೀಡಿಯಲ್ಲಿ ತಂದೆ- ಮಗನ ಸಮಾಗಮ ಹೊಸ ರೀತಿಯಲ್ಲಿ ಆಗಿದೆ~ ಎಂಬುದು ಅಜಯ್ ಪೊಹಂಕರ್ ಉವಾಚ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಐದು ದಶಕಗಳಿಂದ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತದಲ್ಲಿ ತೊಡಗಿಕೊಂಡಿರುವ ಖ್ಯಾತ ಗಾಯಕ ಅಜಯ್ ಪೊಹಂಕರ್ ತಮ್ಮ ನೂತನ ಆಲ್ಬಂ ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿ ಅವರ ಪುತ್ರ ಅಭಿಜಿತ್ ಪೊಹಂಕರ್ ಗಾಯಕನಾಗಿ ಪರಿಚಯವಾಗಿರುವುದೇ ಅಲ್ಲದೇ ಹಾಡುಗಳಿಗೆ ಹೊಸ ರೀತಿಯಲ್ಲಿ ರಾಗ ಸಂಯೋಜನೆ ಮಾಡಿರುವುದು ವಿಶೇಷ.<br /> <br /> ಇತ್ತೀಚೆಗೆ `ಟುಮ್ರಿ ಫಂಕ್~ ಹೆಸರಿನ ಪೊಹಂಕರ್ ಅವರ ಮ್ಯೂಸಿಕ್ ಆಲ್ಬಂ ಬಿಡುಗಡೆಯಾಯಿತು. ಚಿತ್ರ ಸಾಹಿತಿ ಮತ್ತು ನಾಟಕಕಾರ ಪ್ರಸೂನ್ ಜೋಶಿ ಸೀಡಿಗಳನ್ನು ಬಿಡುಗಡೆ ಮಾಡಿ ಶುಭ ಹಾರೈಸಿದರು. ಸಮಾರಂಭದಲ್ಲಿ ಪಂಕಜ್ ಉದಾಸ್, ಮಿಲಿಂದ್ ಗುನಜಿ ಮುಂತಾದವರು ಹಾಜರಿದ್ದರು.<br /> <br /> ಸಮಕಾಲೀನ ಸಂಗೀತದ ಶೈಲಿಗೆ ಸಾಂಪ್ರದಾಯಿಕ ಟುಮ್ರಿಯನ್ನು ಬೆರೆಸಿರುವ ಪ್ರಯೋಗ ಈ ಹಾಡುಗಳಲ್ಲಿ ಇದೆ. ಅಭಿಜಿತ್ ಒಂದು ಹಾಡು ಹಾಡುವ ಮೂಲಕ ಗಾಯಕ ಲೋಕಕ್ಕೆ ಪ್ರವೇಶ ಪಡೆದಿದ್ದಾರೆ. ಅವರದೇ ರಾಗ ಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಹಾಡುಗಳು ಯುವಜನರನ್ನು ದೃಷ್ಟಿಯಲ್ಲಿ ಇಟ್ಟುಕೊಂಡು ಮಾಡಿರುವ ಪ್ರಯೋಗ ಎನ್ನಲಾಗಿದೆ.<br /> <br /> `ನಾನು ಸಮಕಾಲೀನ ಶೈಲಿ ಮತ್ತು ಸಾಂಪ್ರದಾಯಿಕ ಟುಮ್ರಿಯನ್ನು ಬೆರೆಸಬೇಕೆಂದು ಬಯಸಿದಾಗ ತಂದೆ ಸಹಕರಿಸಿದರು. ಅದರಿಂದಲೇ ಕೇಳುಗರಿಗೆ ಹಿತವಾದ ಮತ್ತು ತಾಜಾ ರಾಗಗಳಿಂದ ಕೂಡಿದ ಆಲ್ಬಂ ಹೊರಬರಲು ಸಾಧ್ಯವಾಯಿತು~ ಎಂದಿದ್ದಾರೆ ಅಭಿಜಿತ್. <br /> <br /> ಸೀಡಿಯಲ್ಲಿ `ನೈನಾ ಮೊರೆ..~ ಎಂಬ ಉಸ್ತಾದ್ ಬಡೇ ಗುಲಾಂ ಅಲಿ ಖಾನ್ ಹಾಡಿರುವ ಹಾಡನ್ನು ಸೇರಿಸಲಾಗಿದೆ. ಏಳು ಹಾಡುಗಳಲ್ಲಿ ಐದು ಹಾಡುಗಳನ್ನು ಅಜಯ್ ಹಾಡಿದ್ದಾರೆ. `ಈ ಸೀಡಿಯಲ್ಲಿ ತಂದೆ- ಮಗನ ಸಮಾಗಮ ಹೊಸ ರೀತಿಯಲ್ಲಿ ಆಗಿದೆ~ ಎಂಬುದು ಅಜಯ್ ಪೊಹಂಕರ್ ಉವಾಚ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>