ಹಿರಣ್ಣಯ್ಯನವರ ಮಗ ಎಚ್.ನರಸಿಂಹಮೂರ್ತಿ, ‘ಮಾಸ್ಟರ್ ಹಿರಣ್ಣಯ್ಯ’ ಎಂದೇ ಖ್ಯಾತಿ ಪಡೆದವರು. ತಮ್ಮ ಮೊನಚು ಮಾತುಗಳಿಂದ, ವಿಡಂಬನೆಗಳಿಂದ, ಹಾಸ್ಯಗಳಿಂದಾಗಿ ಅಪಾರ ಕೀರ್ತಿ ಗಳಿಸಿದ ಅತ್ಯಂತ ಶ್ರೇಷ್ಠ ನಾಟಕಕಾರ. ಅವರ ನಾಟಕಗಳು, ಅದರಲ್ಲಿ ಅವರ ಪಾತ್ರಗಳು ತುಂಬಾ ವಿಭಿನ್ನವಾದವುಗಳು. ಅಲ್ಲದೇ ಕಚಗುಳಿ ಇಡುವ, ಬಡಿದೆಬ್ಬಿಸುವ, ಚುಚ್ಚುವ ಮಾತುಗಳಿಂದಾಗಿ ಸಮಾಜವನ್ನು ಎಚ್ಚರಿಸುವ ಸಂದೇಶಗಳನ್ನು ಹೊತ್ತ ಅವರ ನಾಟಕಗಳು ಅತ್ಯಂತ ಜನಪ್ರಿಯವಾದವುಗಳು.