ಎಲ್ಲರ ಊಹೆಯಂತೆ ಈ ಚಟುವಟಿಕೆಯಲ್ಲಿ ವಿನಯ್, ಸಂಗೀತಾ ಅವರ ಫೋಟೊ ಇಟ್ಟು ಮಡಿಕೆ ಒಡೆದಿದ್ದಾರೆ. ಅದೇ ರೀತಿ ಸಂಗೀತಾ ಕೂಡ ವಿನಯ್ ಅವರ ಫೋಟೊ ಇಟ್ಟು ಮಡಿಕೆ ಒಡೆದಿದ್ದಾರೆ. ಆದರೆ, ಈ ನಡುವೆ ಕಾರ್ತಿಕ್, ಸಂಗೀತಾ ಅವರ ಫೋಟೊ ಇಟ್ಟು ಮಡಿಕೆ ಒಡೆದಿರುವುದು ಎಲ್ಲರನ್ನು ಆಶ್ಚರ್ಯಗೊಳಿಸಿದೆ.
ಯಾವಾಗಲೂ ಸಂಗೀತಾ ನನ್ನ ಫ್ರೆಂಡ್ ಎಂದೇ ಹೇಳಿಕೊಂಡು ಬಂದಿದ್ದ ಕಾರ್ತಿಕ್, ಹಲವು ಸಂದರ್ಭಗಳಲ್ಲಿ ಸಂಗೀತಾ ಪರವಾಗಿ ನಿಂತಿದ್ದರು. ಆದರೆ, ‘ಕಾರ್ತಿಕ್ ಅವರಿಂದ ಸಂಗೀತಾರನ್ನು ಮೈನಸ್ ಮಾಡಿದ್ರೆ ಜಿರೊ ಬರುತ್ತದೆ’ ಎಂದು ಹೇಳಿರುವುದು ಅವರಿಗೆ ಅಸಮಾಧಾನವನ್ನುಂಟು ಮಾಡಿದೆ. ಇದೇ ಕಾರಣ ನೀಡಿ ಸಂಗೀತಾ ಫೋಟೊ ಇಟ್ಟು ಮಡಿಕೆ ಒಡೆದಿರುವ ಕಾರ್ತಿಕ್, ‘ನನ್ನಿಂದ ಸಂಗೀತಾರನ್ನು ಮೈನಸ್ ಮಾಡಿದ್ದೇನೆ. ನಾನು ಜಿರೊ ಅನ್ನುವುದನ್ನು ಪ್ರೂವ್ ಮಾಡಲಿ’ ಎಂದು ಸವಾಲು ಹಾಕಿದ್ದಾರೆ.