ವಿಚಾರಣೆಯ ವೇಳೆ ಅನುಶ್ರೀ ಅವರು, ‘ಡ್ರಗ್ಸ್ಗೂ ನನಗೂ ಯಾವುದೇ ಸಂಬಂಧವಿಲ್ಲ. ಕಿಶೋರ್ ಮತ್ತು ತರುಣ್ 12 ವರ್ಷಗಳ ಹಿಂದೆ ನನ್ನ ಕೊರಿಯೋಗ್ರಫರ್ ಆಗಿದ್ದರು. ಅವರ ಜೊತೆಗೆ ಬೇರೆ ಸಂಬಂಧವಿಲ್ಲ’ ಎಂದು ಹೇಳಿದ್ದಾರೆ. ಆದರೆ, ತರುಣ್ ರಾಜ್ ಮಾತ್ರ ಬೆಂಗಳೂರಿನಲ್ಲೂ ಡ್ರಗ್ಸ್ ಪಾರ್ಟಿ ಮಾಡಿದ್ದು, ಅನುಶ್ರೀ ಕೂಡ ಭಾಗವಹಿಸಿದ್ದರು ಎಂದು ತಿಳಿಸಿದ್ದಾನೆ. ಹೀಗಾಗಿ ಅನುಶ್ರೀ ಅವರನ್ನು ಪರೀಕ್ಷೆಗೆ ಒಳಪಡಿಸುವ ಸಾಧ್ಯತೆಗಳು ಹೆಚ್ಚಾಗಿವೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.