Fact Check: ಹೆದ್ದಾರಿಯನ್ನೇ ಆವರಿಸಿತಾ ಮಜಾರ್?

ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ #StopLandJihad ಎಂಬ ಹ್ಯಾಷ್‌ಟ್ಯಾಗ್ ಸಾಕಷ್ಟು ಟ್ರೆಂಡಿಂಗ್‌ನಲ್ಲಿದೆ. ಸಾರ್ವಜನಿಕ ಸ್ಥಳಗಳನ್ನು ಮುಸ್ಲಿಮರ ಧಾರ್ಮಿಕ ಕೇಂದ್ರಗಳು ಅತಿಕ್ರಮಣ ಮಾಡಿಕೊಂಡಿವೆ ಎಂದು ಆರೋಪಿಸಲಾಗುತ್ತಿದೆ. ಒತ್ತುವರಿ ನಡೆದಿದೆ ಎನ್ನಲಾದ ಹಲವು ಚಿತ್ರಗಳ ಪೈಕಿ ಹೆದ್ದಾರಿಯ ಮೇಲೆ ಮಜಾರ್ (ಮುಸ್ಲಿಂ ಧಾರ್ಮಿಕ ಮುಖಂಡರ ಸಮಾಧಿ) ಇರುವ ಚಿತ್ರ ಸಾಕಷ್ಟು ಹರಿದಾಡುತ್ತಿದೆ. ‘ಹೆದ್ದಾರಿಯನ್ನೇ ಮಜಾರ್ ಒತ್ತುವರಿ ಮಾಡಿದೆ. ಸಮಾಧಿ ಮೇಲೆ ಹೊದಿಸಲಾಗಿರುವ ಹೊದಿಕೆಯನ್ನು ಬಡವರಿಗಾದರೂ ನೀಡಬಹುದು’ ಎಂದು ಕೆಲವರು ಸಲಹೆ ನೀಡಿದ್ದಾರೆ. ಆದರೆ ಇದು ತಿರುಚಲಾದ ಚಿತ್ರ.