ಸೋಮವಾರ, ಮಾರ್ಚ್ 1, 2021
19 °C

ಫ್ಯಾಕ್ಟ್‌ಚೆಕ್‌: ನೌಕೆ ಕಳುಹಿಸಿರುವ ವಿಡಿಯೊವನ್ನು ನಾಸಾ ಬಿಡುಗಡೆ ಮಾಡಿಲ್ಲ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮಂಗಳ ಗ್ರಹಕ್ಕೆ ನಾಸಾ ಕಳುಹಿಸಿರುವ ಪರ್ಸಿವಿಯರೆನ್ಸ್ ರೋವರ್ ನೌಕೆಯು, ಮಂಗಳ ಗ್ರಹದ ಮೇಲ್ಮೈನ ವಿಡಿಯೊವನ್ನು ಕಳುಹಿಸಿದೆ ಎಂಬ ಪೋಸ್ಟ್‌ಗಳು ಟ್ವಿಟರ್‌ ಮತ್ತು ಫೇಸ್‌ಬುಕ್‌ನಲ್ಲಿ ವೈರಲ್ ಆಗಿವೆ. ರೋವರ್‌ನಂತಹ ನೌಕೆಯು ಮಂಗಳ ಗ್ರಹದ ಮೇಲ್ಮೈ ಅನ್ನು ಬಲದಿಂದ ಎಡಕ್ಕೆ ತಿರುಗಿ ನೋಡುವ ದೃಶ್ಯವು ಆ ವಿಡಿಯೊದಲ್ಲಿ ಇದೆ. ಜತೆಗೆ ಅಲ್ಲಿ ಜೋರಾಗಿ ಬೀಸುವ ಗಾಳಿಯ ಸದ್ದೂ ಆ ವಿಡಿಯೊದಲ್ಲಿ ಕೇಳುತ್ತದೆ. ಸಾವಿರಾರು ಕನ್ನಡಿಗರೂ ಈ ವಿಡಿಯವನ್ನು ಪೋಸ್ಟ್ ಮಾಡಿದ್ದಾರೆ. ಈ ವಿಡಿಯೊ ಮತ್ತು ಪೋಸ್ಟ್‌ಗಳು 10 ಲಕ್ಷಕ್ಕೂ ಹೆಚ್ಚು ಬಾರಿ ಷೇರ್ ಆಗಿವೆ.

ಆದರೆ, ಪರ್ಸಿವಿಯರೆನ್ಸ್ ನೌಕೆ ಕಳುಹಿಸಿರುವ ಯಾವುದೇ ವಿಡಿಯೊವನ್ನು ನಾಸಾ ಈವರೆಗೆ ಬಿಡುಗಡೆ ಮಾಡಿಲ್ಲ. ನಾಸಾ ಈ ಹಿಂದೆ ಮಂಗಳ ಗ್ರಹಕ್ಕೆ ಕಳುಹಿಸಿದ್ದ ಕ್ಯೂರಿಯಾಸಿಟಿ ರೋವರ್ ನೌಕೆಯು ಕಳುಹಿಸಿದ್ದ ವಿಡಿಯೊವನ್ನೇ, ಪರ್ಸಿವಿಯರೆನ್ಸ್ ನೌಕೆ ಕಳುಹಿಸಿರುವ ವಿಡಿಯೊ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಮೂಲ ವಿಡಿಯೊದಲ್ಲಿ ಯಾವುದೇ ಧ್ವನಿ ಇಲ್ಲ. ಅದನ್ನು ಬೇರೆ ಸದ್ದನ್ನು ಎಡಿಟ್ ಮಾಡಿ, ವಿಡಿಯೊಗೆ ಸೇರಿಸಲಾಗಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು