ಪಾಲ್ಗರ್ ಪ್ರಕರಣದಲ್ಲಿ ನ್ಯಾಯ ಬೇಕು ಎಂದು ಸಾಧುಗಳು ಒಗ್ಗೂಡಿ ಎಚ್ಚರಿಕೆ ನೀಡಿಲ್ಲ

ಏಪ್ರಿಲ್ 16 ರಂದು ಮಹಾರಾಷ್ಟ್ರದ ಪಾಲ್ಗರ್ ಜಿಲ್ಲೆಯಲ್ಲಿ ಕಳ್ಳರೆಂದು ಭಾವಿಸಿ ಶ್ರೀ ಪಂಚ ದಶನಂ ಜುನಾ ಅಖಾಡದ ಮೂವರು ಸಾಧುಗಳನ್ನು ಅಲ್ಲಿನ ಗ್ರಾಮದವರು ಹೊಡೆದು ಹತ್ಯೆ ಮಾಡಿದ್ದರು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು 100ಕ್ಕಿಂತಲೂ ಹೆಚ್ಚು ಮಂದಿಯನ್ನು ಬಂಧಿಸಿದ್ದಾರೆ.ಈ ಪ್ರಕರಣದ ಬಗ್ಗೆ ಉನ್ನತ ಮಟ್ಟದ ತನಿಖೆ ನಡೆಸಬೇಕೆಂದು ಒತ್ತಾಯಿಸಿ ನಾಶಿಕ್‌ನ ತ್ರಯಂಕೇಶ್ವರ್‌ನಲ್ಲಿ ಸೇರುವುದಾಗಿ ಜುನಾ ಅಖಾಡ ಸಾಧುಗಳು ಹೇಳಿದ್ದರು ಎಂದು ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿತ್ತು.

ಇದನ್ನೂ ಓದಿ:ಮಹಾರಾಷ್ಟ್ರದಲ್ಲಿ ಪೊಲೀಸರೆದುರೇ ಸಾಧುಗಳನ್ನು ಹೊಡೆದು ಹತ್ಯೆ, 101 ಬಂಧನ

ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೊ ವೈರಲ್

ಏಪ್ರಿಲ್ 20ರಂದು ಗುಂಜನ್ ಕಶ್ಯಪ್ ಎಂಬ ಟ್ವೀಟಿಗರೊಬ್ಬರು ವಿಡಿಯೊವೊಂದನ್ನು ಟ್ವೀಟ್ ಮಾಡಿದ್ದು, ಅದು ಇಲ್ಲಿಯವರೆಗೆ 300ಕ್ಕಿಂತ ಹೆಚ್ಚು ಬಾರಿ ರೀಟ್ವೀಟ್ ಆಗಿದೆ. ಈ ವಿಡಿಯೊಗೆ ನೀಡಿದ ಶೀರ್ಷಿಕೆ ಹೀಗಿದೆ.ಮಹಾರಾಷ್ಟ್ರ ಸರ್ಕಾರಕ್ಕೆ ಈ ಚಂಡಮಾರುತವನ್ನು ನಿಲ್ಲಿಸಲು ಸಾಧ್ಯವೇ? ಪಾಲ್ಗರ್ ಪ್ರಕರಣದಲ್ಲಿ ಶೀಘ್ರವೇ ನ್ಯಾಯಕೊಡಿಸಿ ಎಂದು ನಾನು ಒತ್ತಾಯಿಸುತ್ತಿದ್ದೇನೆ. ಇಲ್ಲದೇ ಇದ್ದರೆ ಜುನಾ ಅಖಾಡದ ಜನರು ಲಾಕ್‍ಡೌನ್ ನಂತರ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಕೆ ನೀಡಿದ್ದಾರೆ.

ಫ್ಯಾಕ್ಟ್‌ಚೆಕ್
ಈ ವಿಡಿಯೊ ಬಗ್ಗೆ ಆಲ್ಟ್ ನ್ಯೂಸ್ ಫ್ಯಾಕ್ಟ್‌ಚೆಕ್ ನಡೆಸಿದ್ದು ಈ ಹಿಂದೆಯೂ ಇದೇ ವಿಡಿಯೊವನ್ನು 'ಸಿಎಎ ಬೆಂಬಲಿಸಿದ ಸಾಧುಗಳು' ಎಂದು ಬಳಸಲಾಗಿತ್ತು ಎಂದು ವರದಿ ಮಾಡಿದೆ. ಆದಾಗ್ಯೂ ಇದೇ ವಿಡಿಯೊವನ್ನು ಏವಿಯೇಟರ್ ಅನಿಲ್ ಚೋಪ್ರಾ ಎಂಬವರು ಈ ಹಿಂದೆಯೇ ಟ್ವೀಟ್ ಮಾಡಿದ್ದರು. 2019 ಮಾರ್ಚ್ 7ರಂದು ಪೋಸ್ಟ್ ಮಾಡಿದ್ದ ಈ ವಿಡಿಯೊಗೆ ನೀಡಿದ ಶೀರ್ಷಿಕೆ:ಭೂಮಿಯ ಮೇಲಿನ ಅತಿದೊಡ್ಡ ತಾತ್ಕಾಲಿಕ ಚಮತ್ಕಾರ, ಶಾಂತಿಯುತ ಮತ್ತು ಕ್ರಮಬದ್ಧವಾದ ಮಾನವೀಯತೆಯ ಸಮೂಹ. ಅನನ್ಯವಾದ ಭಾರತೀಯ ನಾಗರಿಕತೆ. ಕುಂಭ2019.

ಈ ವಿಡಿಯೊದಲ್ಲಿನ ದೃಶ್ಯವನ್ನು ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾದ ಮಾರ್ಚ್11, 2019ರಲ್ಲಿ ಸುರೇಶ್ ಕುಮಾರ್ ಎಂಬವರು ಪೋಸ್ಟ್ ಮಾಡಿದ ವಿಡಿಯೊ ಸಿಕ್ಕಿದೆ. ಆ ವಿಡಿಯೊಗೆ ನೀಡಿದ ಶೀರ್ಷಿಕೆ ಕುಂಭ ಮೇಳ ನಾಗಸಾಧು ಎಂಬುದಾಗಿದೆ.

ಜನವರಿ 15 ರಿಂದ ಮಾರ್ಚ್ 4ರವರೆಗೆನಡೆಯುವ ಕುಂಭ ಮೇಳದಲ್ಲಿ ದಶಲಕ್ಷ ತೀರ್ಥಯಾತ್ರಿಕರು ಭಾಗವಹಿಸುತ್ತಾರೆ.

ಏತನ್ಮಧ್ಯೆ, ಯೂಟ್ಯೂಬ್‌ನಲ್ಲಿ ಈ ವಿಡಿಯೊ ಬಗ್ಗೆ ಬೇರೆ ಬೇರೆ ವಿವರಣೆ ಇದೆ. 2019 ಮಾರ್ಚ್ 3ರಂದು ಅಪ್‍ಲೋಡ್ ಆಗಿರುವ ವಿಡಿಯೊದಲ್ಲಿ ಜುನಾಘಡ್ ನಾಗಾ ಬಾವಾ ಎಂಬ ಶೀರ್ಷಿಕೆ ಇದೆ. ಈ ವಿಡಿಯೊ ಮಹಾಶಿವರಾತ್ರಿಯದ್ದು ಎಂದು ಹೇಳಲಾಗಿದೆ. 2019 ಮಾರ್ಚ್ 4ರಂದು ಮಹಾಶಿವರಾತ್ರಿ ಆಚರಿಸಲಾಗಿತ್ತು.