ಶುಕ್ರವಾರ, ಜೂಲೈ 10, 2020
21 °C

ಸೌರಜ್ವಾಲೆಗಿಂತ ಸಾವಿರ ಕೋಟಿ ಹೆಚ್ಚು ಶಕ್ತಿಶಾಲಿ ಜ್ವಾಲೆ ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್ (ಪಿಟಿಐ): ಸೂರ್ಯನ ಮೇಲ್ಮೈನಿಂದ ಹೊಮ್ಮುವ ಸೌರಜ್ವಾಲೆಗಿಂತ ಸಾವಿರ ಕೋಟಿ ಹೆಚ್ಚು ಶಕ್ತಿಶಾಲಿಯಾದ ಜ್ವಾಲೆಯನ್ನು ಪತ್ತೆ ಮಾಡಲಾಗಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. 

ಹುವಾಯಿಯಲ್ಲಿ ಜೇಮ್ಸ್ ಕ್ಲರ್ಕ್ ಮ್ಯಾಕ್ಸ್‌ವೆಲ್ ದೂರದರ್ಶಕ (ಜೆಸಿಎಂಟಿ) ಬಳಸಿ, ಜೆಸಿಎಂಟಿ ಸಮೀಕ್ಷಾ ತಂಡದ ವಿಜ್ಞಾನಿಗಳು ನಕ್ಷತ್ರಗಳ ಹುಟ್ಟು ಅಧ್ಯಯನ ಮಾಡುವ ವೇಳೆ ಈ ವಿಷಯ ಪತ್ತೆಯಾಗಿದೆ. 

ಇದರಿಂದ ಸೌರಮಂಡಲದ ಹುಟ್ಟು ಮತ್ತು ಬೆಳವಣಿಗೆಯ ರಹಸ್ಯಗಳನ್ನು ಪತ್ತೆ ಮಾಡಲು ಸಾಧ್ಯವಾಗಬಹುದು ಎನ್ನುವ ನಿರೀಕ್ಷೆ ಇದೆ.

‘ತೀವ್ರವಾದ  ಆಯಸ್ಕಾಂತೀಯ ವಲಯದಲ್ಲಿ ಉಂಟಾದ ಚಟುವಟಿಕೆಗಳಿಂದ ಉತ್ಪಾದನೆಯಾದ ಈ ಜ್ವಾಲೆಯಿಂದ, ಹೊಸದಾಗಿ ಸೃಷ್ಟಿಯಾಗುತ್ತಿರುವ ನಕ್ಷತ್ರಗಳಿಗೆ ದ್ರವ್ಯ ರವಾನೆಯಾಗುತ್ತಿತ್ತು. ಭೂಮಿಗೆ ಸಮೀಪದಲ್ಲಿ, ಕ್ಷೀರಪಥದ ಹೊರಗಿರುವ ನಕ್ಷತ್ರಗಳ ಸಮೂಹದಲ್ಲಿ ಈ ಕ್ರಿಯೆ ಉಂಟಾಗಿದ್ದು, ಕೆಲವೇ ತಾಸುಗಳು ಮಾತ್ರ ಇದು ಸಂಭವಿಸಿತ್ತು’ ಎಂದು ತಂಡದ ವಿಜ್ಞಾನಿಗಳು ಹೇಳಿದ್ದಾರೆ. 

‘ಈ ರೀತಿಯ ಘಟನೆ ನಡೆದಿರುವುದು ಬಹುಶಃ ಹುವಾಯಿಯಲ್ಲಿ ಮಾತ್ರ. ಬಾಹ್ಯಾಕಾಶ, ಕಾಲ ಹಾಗೂ ಸೃಷ್ಟಿಯ ಕುರಿತು ಎಂದಿನಿಂದಲೂನ ಇರುವ ಪ್ರಶ್ನೆಗಳಿಗೆ ಈ ಮೂಲಕ ಉತ್ತರ ದೊರಕಬಹುದು’ ಎಂದು ತಂಡದ  ಭೌತವಿಜ್ಞಾನಿ ಸ್ಟೀವ್ ಮೆರ್ಸ್ ತಿಳಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.